საქართველოს მშვილდოსან ქალთა ნაკრებმა ვერცხლის მედლით დაასრულა გამოსვლა პოლონურ ვროცლავში, მსოფლიოს თასზე. დღეს ჩვენებმა ფინალური შეხვედრა 0:6 წააგეს აშშ-ს გუნდთან, რომელთა რიგებშიც ქართველი ოლიმპიური პრიზიორი ხათუნა ლორიგი (ქვრივიშვილი) გამოდიოდა.
შეხვედრა ამერიკელთა უპირატესობით დაიწყო და მათ პირველი ორი სეტი დამაჯერებლად მოიგეს: 53:49; 54:51. ჩვენებს შეხვედრის გადარჩენის რაღაც შანსი მესამეში მიეცათ, თუმცა ამერიკელებმა შესანიშნავი გამოსვლით ამის საშუალებაც არ მისცეს - პირველი სამ-სამ გასროლის შემდეგ ანგარიში 26:26 იყო, ჩვენებმა მომდევნო სამი ისრიდან ორი ათიანში მოარტყეს, ერთიც - 9-იანში, თუმცა ამერიკელებმა ისარი ისარში დაასვეს,
ჩვენი გუნდიდან უდაოდ გამოსარჩევია მსოფლიოს ვიცე-ჩემპიონი ქრისტინე ესებუა, ვინც სტაბილურად იასპარეზა და 6 ისრიდან 4 9-იანში მოარტყა, თითოჯერ კი 8 და 10 ჰქონდა.
იულია ლობჟანიძემ და ხათუნა ნარიმანიძემ 2-2-ჯერ 7-იანებშიც გაარტყეს, თუმცა ლობჟანიძემ ორჯერ 10-იანიც მოინადავლა.
დღეს, თბილისის დროით 17.45 საათზე ესებუა პირად პირველობაზე ბრინჯაოს მედლისთვის გერმანელ ელენა რისტერს შეხვდება.
