ფოტოზე: ხათუნა ნარიმანიძე, ქრისტინე ესებუა, იულია ლობჟანიძედღეს, 1-ელ მარტს ანკარაში მშვილდოსანთა მსოფლიოს ზამთრის ჩემპიონატი იწყება, რომელიც დარბაზში, ანუ 18-მეტრიან დისტანციაზე ტარდება. ტურნირში ჩვენი ნაკრები სრული შემადგენლობით გამოვა - გვეყოლებიან გუნდები ახალგაზრდებშიც და უფროსებშიც ორივე სქესის წარმომადგენელთა შორის.
ქალთა ნაკრებში საქართველოს ღირსებას ისევ ის უცვლელი სამეული დაიცავს, რომელმაც რიო დე ჟანეიროს ოლიმპიადის ლიცენზია დაიმსახურა: მსოფლიოს ვიცე-ჩემპიონი ქრისტინე ესებუა, ევროპული თამაშების ვიცე-ჩემპიონი ხათუნა ნარიმანიძე და იულია ლობჟანიძე.
ვაჟთა ნაკრებში ევროპული თამაშების კიდევ ერთი ვიცე-ჩემპიონი ლაშა ფხაკაძე (მან ნარიმანიძესთან ერთად შერეულ წყვილებში
ახალგაზრდების ტურნირში ბიჭებში ანრი ბასილაძე, ნიკა თავდგირიძე და ვლადიმერ დოლიძე იასპარეზებენ. ამ სამი გუნდის შემადგენლობა მთავარმა მწვრთნელმა თამაზ ფუტკარაძემ ადრევე დაასახელა და არც არავინ შეცვალა, აი, გოგოებში კი მოუხდა საკადრო ცვლილების შეტანა.
თავდაპირველად მან ანა ცხომელიძეც შეიყვანა, თუმცა მერე საქართველოს ჩემპიონატზე მას მარი მახარაძემ აჯობა და ცხომელიძეც მან ჩაანაცვლა. მის გარდა, გოგოებში ამ ასაკში ანკარაში ციკო ფუტკარაძე და ანა დუმბაძეც გამოვლენ.
მსოფლიოს ჩემპიონატზე დღეს ოფიციალური ვარჯიშის დღეა, საკვალიფიკაციო ეტაპი კი ხვალ დაიწყება - ოთხივე ნაკრებისთვის. მისი დასრულების შემდეგ გაირკვევა ის 16-16 გუნდი, რომლებიც გუნდურში მედლებისთვის გააგრძელებენ ბრძოლას და გამოვლინდებიან შერეულ წყვილთა ტურნირის მონაწილენიც. იმავე დღეს დაიწყება პლეი ოფებიც, თუმცა ეს ეტაპი ძირითადად 3 მარტს ჩატარდება პირად პირველობაში, 4-ში კი გუნდური ტურნირია.
ბარემ აქვე დავაზუსტებ, რომ პლეი ოფები მივა ფინალურ სტადიამდე, ანუ გამოვლინდებიან ოქროსა თუ ბრინჯაოს მედლებისთვის მებრძოლი წყვილები, 5 და 6 მარტს კი სწორედ ფინალური შეჯიბრებები გაიმართება სხვადასხვა დისციპლინაში.
ყოველდღიური სპორტული გაზეთი "ლელო"
