მინსკი 2019: ქართველი მშვილდოსნები და მოკრივეები წარმატებულად ასპარეზობენ

AutoSharing Option
21 ივნისს მინსკში რიგით მეორე ევროპულმა თამაშებმა აიღო სტარტი.

თამაშების პირველ დღეს ასპარეზობაში ქართველი სპორტსმენები ჩაებნენ, რომლებიც წარმატებულად ასპარეზობენ.

ქართველი სპორტსმენი ჯაბა მოსეშვილი მინსკში მიმდინარე ევროპულ თამაშებზე მშვილდოსნობის ერთეულთა თანრიგში 1/32-ფინალში გავიდა.

სარეიტინგო რაუნდში მოსეშვილმა 648 ქულა დააგროვა და 23-ე ადგილი დაიკავა.

მისი მეტოქე 1/32-ფინალში ხორვატი მატია მიჰალიჩი იქნება, რომელმაც სარეიტინგო რაუნდში 42-ე ადგილი დაიკავა. გამარჯვების შემთხვევაში მოსეშვილი 1/16-ფინალში ჰოლანდიელ სტივ ვიჟლერს შეხვდება, რომელმაც სარეიტინგო რაუნდში მე-10 ადგილი დაიკავა.

1/32-ფინალური ეტაპი 24 ივნისს, ჩვენი დროით 10 ივნისიდან დაიწყება.

რაც შეეხება
ჩვენს მეორე მშვილდოსან ციკო ფუტკარაძეს, მან ქალების სარეიტინგო რაუნდში 602 ქულა დააგროვა და 39-ე ადგილი დაიკავა.

ფუტკარაძე 1/32-ფინალში პოლონელ სილვია ზაიზანსკის (26) შეხვდება, ხოლო თუ გაიმარჯვა, 1/16-ფინალში რუს ანა ბალსუკოვას დაუპირისპირდება, რომელმაც პირველ რაუნდში მე-7 ადგილი დაიკავა.

1/32-ფინალური ეტაპი ქალებს შორის 25 ივნისს, ჩვენი დროით 10:00 საათიდან დაიწყება.

შერეულ წყვილებში მოსეშვილი/ფუტკარაძის წყვილმა 1/16 ფინალში პოლონეთი 5:1 დაამარცხა, მაგრამ მერვედფინალში ჰოლანდიასთან 4:5 დამარცხდა.

რაც შეეხება ჩვენს მოკრივეებს, არტუშ გომციანმა 1/16-ფინალში პოლონელ იაროსლავ ივანოვს მოუგო და მერვედფინალში რუს ბახტოვარ ნაზიროვს შეხვდება. ეს შეხვედრა 24 ივნისს, ჩვენი დროით 15:00 საათიდან დაიწყება.

გიორგი ხარაბაძემ (75) 1/32-ფინალურ შეხვედრაში სერბ მილოშევ სავიჩს სძლია და 1/16-ფინალში გავიდა, სადაც აზერბაიჯანელ კამრან შახსუვარლის 22 ივნისს, ჩვენი დროით 16:00 საათიდან შეხვდება.

ნიკოლოზ ბეგაძემ (91) 1/16-ფინალში ლუქსემბურგელ მიშელ ერფელდინგს მოუგო და მერვედფინალში უკრაინელ რამაზან მუსლომოვს 23 ივნისს, ჩვენი დროით 16:00 საათზე შეხვდება.

მიხეილ ბახტიძემ (+91) 1/16-ფინალურ დაპირისპირებაში უნგრელი იშტვან ნაგი დაამარცხა და შემდეგ ეტაპზე ირლანდიელ დინ გარდინერთან 24 ივნისს ჩვენი დროით 16:30 საათზე უწევს ბრძოლა.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული