რვა დღე გრძელდებოდა სოფიაში ბატუტზე მხტომელთა მსოფლიოს ჩემპიონატი, რომელშიც, უფროსებთან ერთად, ახალგაზრდებიც მონაწილეობდნენ. 17 ნოემბერს ბოლო აკორდი ჩვენი სპორტსმენებისთვის წარმატებული აღმოჩნდა: 15-16-წლიანთა სინქრონულ ხტომებში თეონა ჯანჯღავა და ანა ოდიშვილი ჩემპიონები გახდნენ.
საკვალიფიკაციო ეტაპზე მათ 41.800 ქულით მე-4 ადგილი დაიკავეს და ფინალში გამოსვლის უფლება მოიპოვეს, იქ კი სხვებზე უკეთ იასპარეზეს და 44.500 ქულით პირველობა არავის დაუთმეს.
გამარჯვებულებს 1.400-1.400 ქულით ჩამორჩნენ მონა ვაილერი, ფილის ლენსკერი (ორივე - გერმანია) და ვალერია კირილენკო, მარია შილოვა (ორივე - რუსეთი), რომლებსაც ვერცხლის მედლები ერგოთ.
ამ ასაკში
ყოველდღიური სპორტული გაზეთი "ლელო"
