ტურ დე ფრანსზე გაიმართა მერვე ეტაპი. ველომბროლელებს ზედიზედ მეორედ მოუწიათ მთებში ურთიერთობის გარკვევა. თუმცა, იმის მიუხედავად, რომ ფინიშამდე ცოტა ხნით ადრე დაგეგმილი იყო პირველი კატეგორიის მთაზე ასვლა, ეს ეტაპი უფრო გაქცევების მოყვარულებს აწყობდათ, რაც დადასტურდა კიდეც.
გაქცევის მცდელობა მრავლად იყო; ყველაზე ეფექტური კი გერმანელი იენს ფოხტი გახლდათ, რომელმაც რამდენიმე ათეული კილომეტრი მარტომ იარა, მაგრამ ბოლომდე ვერ გაძლო.
საბოლოოდ წარმატების ყველაზე კარგი შანსი მიიღო ოცკაციანმა ჯგუფმა. ამ ჯგუფის შიგნით შეთანხმებულ მუშაობაზე ლაპარაკი არ ყოფილა და აქაც იყო ლოკალური გაქცევების მცდელობა.
ეტაპის
მართალია, მისი წაქცევა საშიში არ ყოფილა, მაგრამ ესპანელს ზემოდან რამდენიმე ველომრბოლელი დაეცა.
ყველაფერი იმით დასრულდა, რომ სანჩესმა თითი მოიტეხა და მისთვის სეზონი დასრულებულია.
ფინიშამდე დაახლოებით 60 კილომეტრით ადრე გააქტიურდა შვედი კესიაკოფი, რომელიც წუთით დაშორდა კონკურენტებს, მაგრამ ბოლო აღმართზე კონტრშეტევაზე გადავიდა ფრანგი ტიბო პინო, რომელმაც მალე გააბათილა ერთწუთიანი ჩამორჩენა და შემდეგ დაშორდა შვედ ყოფილ მაუუნტინბაიკერს.
მართალია, გენერალური კლასიფიკაციის ფავორიტებმა სერიოზულად შეუტიეს პინოს პოზიციებს, მაგრამ ფრანგმა შეძლო ისტორიაში შესვლა. ის ლენს არმსტრონგის შემდეგ ყველაზე ახალგაზრდა ველომრბოლელია ისტორიაში, ვინც ტურის ეტაპის მოგება შეძლო. პინო 22 წლის გახლავთ.
საინტერესო ბრძოლა ჰქონდათ მეორე ადგილისთვის ტურის ლიდერს ბრედლი უიგინსსა და მოქმედ ჩემპიონს კეიდელ ევანსს. ამ უკანასკნელმა ბრიტანელისგან გაქცევა სცადა, მაგრამ ვერ შეძლო.
შესაბამისად, უიგინსმა შეინარჩუნა ლიდერის ყვითელი მაისური და ევანსს კვლავინდებურად 10 წამს უგებს.
VIII ეტაპი
1. ტიბო პინო (საფრანგეთი - FDJ); 2. კეიდელ ევანსი (ავსტრალია - BMC Racing Team) - +0,26; 3. ტონი გალოპენი (საფრანგეთი - RadioShack-Nissan); 4. ბრედლი უიგინსი (ბრიტანეთი - Team Sky); 5. ვინჩენცო ნიბალი (იტალია - Liquigas); 6. იურგენ ვან დერ ბრეკი (ბელგია - Lotto-Belisol); 7. კრისტოფერ ფრუმი (ბრიტანეთი - Team Sky); 8. დენის მენშოვი (რუსეთი - "კატიუშა"); 9. აიმარ სუბელდია (ესპანეთი - RadioShack-Nissan); 10. ფრენკ შლეკი (ლუქსემბურგი - RadioShack-Nissan) - +0,30...
საერთო ჩათვლა
1. ბრედლი უიგინსი (ბრიტანეთი - Team Sky); 2. კეიდელ ევანსი (ავსტრალია - BMC Racing Team) - +0,10; 3. ვინჩენცო ნიბალი (იტალია - Liquigas) - +0,16; 4. დენის მენშოვი (რუსეთი - "კატიუშა") - +0,54; 5. აიმარ სუბელდია (ესპანეთი - RadioShack-Nissan) - +0,59; 6. კრისტოფერ ფრუმი (ბრიტანეთი - Team Sky) - +1,32; 7. მაქსიმ მონფორი (ბელგია - RadioShack-Nissan) - +2:08; 8. იურგენ ვან დერ ბრეკი (ბელგია - Lotto-Belisol) - +2,11; 9. ნიკოლას როში (ირლანდია - Ag2r La Mondiale) - +2,21; 104. რეინ ტაარამაე (ესტონეთი - Cofidis) - +2:27...
ყოველდღიური სპორტული გაზეთი "ლელო"
