ყაზანში მიმდინარე მსოფლიოს 27-ე უნივერსიადაზე სირცხვილს გადავრჩით და, როგორც იქნა, მედლები ქართველმა სტუდენტებმაც მოიპოვეს - სამბოში ნიკო კუცია (82) მეორეზე გავიდა, ბერძნულ-რომაულ ჭიდაობაში კი თორნიკე თურქიშვილი (60) და მიხეილ ქაჯაია (96) მესამეზე გავიდნენ. კუცია ფინალში სომეხ მჰერ კარაპეტიანთან (2:1), უკრაინელ სერჰიუ გონჩუკთან (7:0) და ლიტველ რადვილას მატუკასთან (3:0) მოგების შემდეგ გავიდა, იქ კი რუს სერგეი კირიუხინთან 0:3 დამარცხდა.
მიხეილ ქაჯაია პირველ წრეში ისვენებდა, მეორეში კი იაპონელ აკირა ოსაკას 4:0 სძლია. ამის შემდეგ ის რუსთა მომავალ ჩემპიონ ნიკიტა მელნიკოვთან დამარცხდა (0:4),
თურქაძე ნახევარფინალში ორი მოგებით გავიდა - ამერიკელ ნიკოლას ტრიგასს 4:0, თურქ აბდულსამეტ უგურლის კი 4:1 სძლია. ამის სემდეგ ჩვენებური აზერბაიჯანელ კამრან მამადოვთან დამარცხდა - 0:4, ბრინჯაოს მედლისთვის ბრძოლაში კი ასეთივე ანგარიშით ირანელ მოჰამად ნოურბაკშის აჯობა.
![სამი ძმა ყაზბეგიდან - ძმური დინასტიები ქართულ საჭიდაო სამყაროში [PHOTO]](/pictures/image7/4a9ad8d460af6679407d1c9dd96f72df.jpg "სამი ძმა ყაზბეგიდან - ძმური დინასტიები ქართულ საჭიდაო სამყაროში [PHOTO]")
![სამბო. ევროპის ჩემპიონატი: ქართველების 9 მედალი მინსკში [VIDEO]](/pictures/image7/6446b5110e3ff874d0414c5fe32b1c77.jpg "სამბო. ევროპის ჩემპიონატი: ქართველების 9 მედალი მინსკში [VIDEO]")
