სოჭის ოლიმპიადაზე ყველაზე საინტერესო დაიწყო - ჰოკეის ტურნირი მამაკაცებს შორის. პირველი ტურის მატჩები ჩაატარეს C ჯგუფის ბინადრებმა და პირველივე დღეს ცენტრალური შეხვედრა ვნახეთ - შვედეთი ჩეხეთის წინააღმდეგ.ამ მატჩის ორ ნაწილად გაყოფა შეიძლება. თავიდან, პერიოდნახევარი ყინულზე შვედეთი დომინირებდა და პირველ ორ პერიოდში ორ-ორი შაიბა გაიტანა. ჩეხები ძალიან სუსტად გამოიყურებოდნენ დაცვაში, ხოლო მათი მეკარის, კოვარჟის თამაში ვერანაირ კრიტიკას ვერ უძლებდა.
მესამე გაშვებული შაიბის შემდეგ მან კარის დაცვა სალაკს გადაულოცა, მაგრამ სამი წუთის თავზე ამ გოლკიპერსაც მოუწია კაპიტულირება ერის კარლსონის ძლიერი დარტყმის
მესამე პერიოდში შვედებს, ძირითადად, თავის დაცვა უწევდათ, რადგან მათ რიგებში ბევრი იყო გაძევება. საბოლოოდ, ჩეხებმა დარტყმების რაოდენობით აჯობეს მეტოქეს, მაგრამ მესამე პერიოდში ჰენრიკ ლუნდკვისტის კარი ვერ აიღეს და 2:4 დამარცხდნენ.
* * *
რაც შეეხება 12 თებერვლის დღის მეორე მატჩს, შვეიცარია 59 წუთისა და 52 წამის განმავლობაში ვერ ახერხებდა ლატვიის ნაკრების გოლკიპერის, ედგარას მასალსკისის კარის აღებას, მაგრამ სირენამდე რვა წამით ადრე, მოზერის ზუსტი დარტყმით აიცილა თავიდან ოვერტაიმის თამაში.
კაცები. C ჯგუფი. I ტური
ჩეხეთი-შვედეთი 2:4
0:2, 2:2, 0:0
გოლები: 0:1 ალფრედსონი-1 (ეკმან-ლარსონი-1, სტინი-1), 0:2 ბერგლუნდი-1 (ეკმან-ლარსონი-1, ლუნდკვისტი-1), 0:3 ზეტერბერგი-1, 0:4 ე. კარლსონი-1 (დ. სედინი-1, ბექსტრიომი-1), 1:4 ჟიდლიცკი-1 (ელიაში-1, ზ. მიხალეკი-1), 2:4 იაგრი-1.
ლატვია-შვეიცარია 0:1
0:0, 0:0, 0:1
გოლი: 0:1 მოზერი-1.
ყოველდღიური სპორტული გაზეთი "ლელო"
