12 აგვისტოს, რიო დე ჟანერიოში მიმდინარე ოლიმპიურ თამაშებზე ბატუტზე მხტომელმა ლუბა გოლოვინამ გამოსვლა მე-7 ადგილი დაასრულდა, რითაც წინა, ლონდონის 2012 წლის თამაშებზე ნაჩვენები შედეგი გაიმეორა.შეგახსენებთ, რომ რიოს ოლიმპიადა გოლოვინასთვის მესამეა. 2008 წელს პეკინში მან მე-6 ადგილი დაიკავა, ოთხი წლის შემდეგ ლონდონში კი - მე-7.
თბილისელმა სპორტსმენმა, რომელმაც რიოში ტრავმით იასპარეზა, წარმატებით დაძლია საკვალიფიკაციო შეჯიბრი, 98.285 ქულით მე-8 ადგილი დაიკავა და ფინალურ ეტაპზე ასპარეზობის უფლება მოიპოვა. ფინალში ლუბამ 51.010 ქულა დაიმსახურა, რაც მეშვიდე შედეგი აღმოჩნდა.
ბატუტზე ხტომაში ოლიმპიური ჩემპიონი ზედიზედ მეორედ კანადელი როსანა მაკლენანი გახდა.
![ლუბა გოლოვინამ ვერცხლის მედლის მოპოვების შემდეგ კომენტარი გააკეთა [VIDEO]](/pictures/image7/a7d889d6c6c0e8c0aee53c78e65a9470.png "ლუბა გოლოვინამ ვერცხლის მედლის მოპოვების შემდეგ კომენტარი გააკეთა [VIDEO]")
