მსოფლიო ფეხბურთის ვარსკვლავი კრიშტიანო რონალდო კარიერის ერთ-ერთ ყველაზე რთულ ეტაპს გადის, მოგეხსენებათ, გასულ ზაფხულს "მანჩესტერ იუნაიტედის" დატოვება სურდა, თუმცა პორტუგალიელის დამატება არცერთა ევროპულმა გრანდმა ისურვა, "მანკუნიანელთა" ძირითადში კი ადგილი დაკარგა და ერიკ ტენ ჰაგი სათამაშოდ მხოლოდ რამდენიმე წუთს აძლევს.ფსიქოლოგიური პრობლემების გამო, კრიშტიანომ გადაწყვიტა ფსიქოლოგისთვის მიემართა, ჯორდან პიტერსონი არის ადამიანი, რომელსაც ყველაზე პრესტიჟულ სამედიცინო ჟურნალებში სხვადასვა ნაშრომები აქვს გამოქვეყნებული, რონალდოს მისი წიგნების წაკითხვა ძალიან დაეხმარა და ერთ-ერთი მათგანის გაცნობის შემდეგ, "იუნაიტედის" ფორვარდმა ჯორდანის მანჩესტერში დაპატიჟება გადაწყვიტა.
რამდენიმე დღის წინ, პიტერსონმა
"მას რამდენიმე თვის წინ პირად ცხოვრებაში გარკვეული პრობლემები ჰქონდა, მეგობარმა კი ჩემი რამდენიმე ვიდეო გაუგზავნა, შემდეგ ჩემს ნაშრომსაც გაეცნო და დამიკავშირდა. კრიშტიანოს სახლში დაახლოებით ორი საათი ვისაუბრეთ, სპორტზე, ბიზნესზე, ძირითადად, საკითხებზე, თუ რის გაკეთება სურს მომავალში და რა უშლის ხელს მიზნების შესრულებაში" - განაცხადა ჯორდანმა.
ამრიგად, ყველა დროის ერთ-ერთი საუკეთესო ფეხბურთელი არც ისე კარგ ფსიქოლოგიურ მდგომარეობაშია და პროფესიონალი მისი მენტალური მდგომარეობის გაუმჯობესებაზე ზრუნავს, ვიმედოვნებთ, რომ "რონი" საუკეთესო ფორმას დაუბრუნდება, რადგან სულ მალე კატარში გასამართი მსოფლიო ჩემპიონატი გველის.
მომზადებულია Marca-ს მიხედვით
