საქართველოს სპორტისა და ახალგაზრდობის საქმეთა სამინისტრო უწყების თანამშრომლის, დევი სირაძის ტრაგიკულად დაღუპვის გამო მწუხარებას გამოთქვამს. აღნიშნულთან დაკავშირებით სამინისტრო განცხადებას ავრცელებს. "საქართველოს სპორტისა და ახალგაზრდობის საქმეთა სამინისტრო ღრმა მწუხარებას გამოთქვამს სამინისტროს თანამშრომლის - დევი სირაძის ტრაგიკული გარდაცვალების გამო და სამძიმარს უცხადებს მის ოჯახს", - ნათქვამია სამძიმრის წერილში.
დევი სირაძე თბილისში, ნუცუბიძის ქუჩაზე, 26-ა-ში 21 თებერვალს დაიღუპა.
ამ დროისთვის არსებული ინფორმაციით, სპორტისა და ახალგაზრდობის საქმეთა ყოფილი მინისტრის, ლადო ვარძელაშვილის სახლში 21 თებერვალს, გვიან ღამით ერთ-ერთი მეგობრის საბერძნეთიდან ჩამოსვლას აღნიშნავდნენ, რა დროსაც უცხოეთიდან
გამოძახებული იყო სასწრაფო-სამედიცინო დახმარების ბრიგადა, თუმცა ექიმებს აღნიშნულ მისამართზე სირაძე უკვე გარდაცვლილი დახვდათ.
არაოფიციალური ინფორმაციით, პირი, რომელსაც იარაღი გაუვარდა, უკვე დაკავებულია.
"ინტერპრესნიუსი"
ასევე იხილეთ:
არსებული ინფორმაციით, ნუცუბიძის ქუჩაზე მომხდარი შემთხვევის გამო ლადო ვარძელაშვილი უკვე დაიკითხა
ლადო ვარძელაშვილის სახლში მამაკაცი ტყვიამ იმსხვერპლა
