მადრიდის "რეალის" პორტუგალიელი ფეხბურთელი კრიშტიანო რონალდო მადრიდში პოლიციამ დააკავა. ამის შესახებ ინფორმაციას Cadena Cope ავრცელებს.
ფეხბურთელმა შინ დაბრუნებისას საგზაო წესები დაარღვია და შესაბამის ადგილას არ გაჩერდა, ხოლო, როდესაც პოლიციელმა პორტუგალიელი გააჩერა, ფეხბურთელმა მას შეურაცხყოფა მიაყენა.
საბოლოოდ, რონალდოს მართვის მოწმობა ჩამოართვეს.
უახლოეს მომავალში ის ვალდებული იქნება, სასამართლოში გამოცხადდეს, რომელიც მას აღნიშნულ საქმესთან დაკავშირებით ვერდიქტს გამოუტანს.
