ლევან მატიაშვილმა ტოკიოს "დიდ სლემზე" ვერცხლის მედალი მოიპოვა

ტოკიოს "დიდი სლემის" მესამე დღეს ლევან მატიაშვილმა (+100) ვერცხლის მედალი მოიპოვა.

ლევან მატიაშვილი ტურნირის ფინალში რუსეთის წარმომადგენელ რენატ საიდოვთან დამარცხდა.

ჩვენებურმა ნახევარფინალში იპონელ ტაკეში ოჯიტანის სძლია, მეოთხედინალში იაპონელ კეიტა ივაო დაამარცხა და მანამდე აზერბაიჯანის სახელით მოასპარეზე უშანგი კოკაურს მოუგო.

სამწუხაროდ მესამე დღეს მოჭიდავე ჩვენი დანარჩენი ორი სპორტსმენი ვალერი ლიპარტელიანი (90) და ბექა ღვინიაშვილი (90) უმედლოდ დარჩნენ.

ლიპარეტლიანმა პირველი შეხვედრა ესპანეთის სახელით მოასპარეზე ნიკოლოზ შერაზადიშვილს მოუგო, ხოლო შემდეგ აზერბაიჯანელი მამადალი მეჰდიევი დაამარცხა. მესამე შეხვედრაში კი იაპონელ კენტა გასავასთან დამარცხდა.

ამის შემდეგ ლიპარტელიანს კიდევ ჰქონდა შანსი ბრინჯაოსთვის ებრძოლა, მაგრამ რეპეშაჟში გადასულმა პირველივე ორთაბროძლა წააგო იაპონელ მაშუ მაკერთან.

ბექა ღვინიაშვილმა მხოლოდ ერთი შეხვედრის მოგება შეძლო. მან უზბეკი კამოლიდინ ხომამატოვი დაამარცხა, ხოლო შემდეგ ფრანგ ალექსანდრე იდირთან დამარცხდა.

შეგახსენებთ, რომ 6 დეკემბერის ტოკიოში ბრინჯაოს მედლის მოპოვება მხოლოდ ავთანდილ ჭრიკიშვილმა შეძლო. 5 დეკემბერს კი ჩვენი სპორტსმენები უმედლოდ დარჩნენ. საბოლოო ჯამში ქართველმა ძიუდოისტებმა ინდივიდუალური ასპარეზობა ერთი ვერცხლითა და ერთი ბრინჯაოს მედლით დაასრულეს.