დღეს, 1-ელ ოქტომბერს, ტაშკენტში დაწყებულ ძიუდოისტთა გრან-პრიზე წარუმატებლად იასპარეზა 66 კგ-მდე წონით კატეგორიაში ვაჟა მარგველაშვილმა. ქართველ ძიუდოისტს ბრინჯაოს მედლის მოპოვების შანსი ჰქონდა, თუმცა გადამწყვეტ ბრძოლაში მონღოლ ალტანსუხ დოვდონთან იპონით დამარცხდა.ვაჟა ასპარეზობაში მეორე წრიდან ჩაერთო, სადაც ჯერ ყაზახ ჟანსაი სმაგულოვს მოუგო, შემდეგ - ყირგიზ ბეკტურ რისმამბეტოვს. მეოთხედფინალში მარგველაშვილმა ჩინელ დუანბინ მასთან წააგო, სანუგეშო ტურნირში კი სომეხ ფერდინანდ კარაპეტიანს გაუმკლავდა.
ტაშკენტის გრან-პრიზე ხვალ, 2 ოქტომბერს, საქართველოს სახელით ესტერ სტამი (70) იასპარეზებს, ზეგ კი - ალექსანდრე მსხალაძე (100).
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
