ყიზილორდის რაიონში დასრულდა ყაზახური კურესის (შუა აზიური ჭიდაობა) ტრადიციული ტურნირი, რომლის გამარჯვებულიც ქართველი ძიუდოისტი ლევან მატიაშვილი გახდა.ტურნირში მონაწილეობა ყაზახმა, ქართველმა, მონღოლმა, ყირგიზმა და უზბეკმა მოჭიდავეებმა მიიღეს.
მატიაშვილმა ფინალში ყაზახი ვარსკვლავი აიბეკ ნუგიმაროვი დაამარცხა. მესამე ადგილზე გავიდა კიდევ ერთი ჩვენებური გურამ თუშიშვილი.
გამარჯვებულმა ავტომობილი "ლადა გრანტა" მიიღო, ხოლო თუშიშვილს მე-3 ადგილისთვის 300 ათასი ტენგე შეხვდა (დაახლოებით 1000 ევრომდე).
"ძალიან კარგი შეხვედრა იყო. ტურნირი ბრწყინვალედ ორგანიზებულია. ეს სპორტის ნამდვილი ზეიმია. საინტერესო მეტოქეები შემხვდა. მადლობა ყაზახეთს გულთბილი დახვედრისთვის", - განაცხადა გამარჯვებულმა მატიაშვილმა.
![თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]](/pictures/image7/a4ccd6611999cadf43d1c4c95c584039.png "თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]")
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
