ნაგოიას ბაშოს მეორე დღეს მხოლოდ ერთმა ქართველმა სუმოისტმა იმარჯვა - მე-4 მაეგაშირა ტოჩინოშინმა (ლევან გორგაძე) ოსი არანი დაამარცხა. ტოჩინოშინს ორი მოგება დაუგროვდა და 10 ივლისს ტაკეკაძეს შეერკინება. სამწუხაროდ, მე-7 მაეგაშირა გაგამარუ (თეიმურაზ ჯუღელი) სუსტად ასპარეზობს - 9 ივლისს მან ჰომაშოსთან წააგო ორთაბრძოლა. ძურიოს დივიზიონში პირველი მარცხი იგემა კოკაიმ (ლევან ცაგურია).
ბაშოს ფავორიტთაგან პირველი ბულგარელი გოლიათი კოტოოშუ დამარცხდა, ვისაც სეკივაკე გოეიდომ აჯობა. დანარჩენები - იოკოძუნა და ოთხი ოძეკი - წარმატებით ასპარეზობენ ნაგოიაში.
II დღე (მნიშვნელოვანი ბრძოლები): ჰაკუჰო-კიოკუტენჰო (სუკუინაგე), კოტოშოგიკუ-ამინიშიკი (ოშიდაში), ბარუტო-ტოიონოშიმა
III დღე (მნიშვნელოვანი წყვილები): ჰაკუჰო-ამინიშიკი, ბარუტო-ოკინოუმი, ჰარუმაფუჯი-ტოჩიოძანი, კოტოოშუ-ვაკაკოიუ, კაკრიუ-მიოგირიუ, კისენოსატო-კიოკუტენჰო, კოტოშოგიკუ-აოიამა, ტოიონოშიმა-გოეიდო, შოჰოზანი-არანი, ტოჩინოშინი-ტაკეკაძე, გაგამარუ-ტაკაიასუ. ძურიო: კოკაი-იოშიაზუმა.
ყოველდღიური სპორტული გაზეთი "ლელო"
ასევე იხილეთ:
ლევან გორგაძემ და ლევან ცაგურიამ ნაგოიას სუპერტურნირი მოგებით დაიწყეს
