ზაფხულის ბაშოზე პირველი გამარჯვება იზეიმა თეიმურაზ ჯუღელმა (გაგამარუ), რომელმაც ვეტერანი სუმოისტი ვაკანოსატო დაამარცხა. ქართველმა იოლად იძალა და წამებში გააგდო დოჰიოს რკალიდან იაპონელი. გაგამარუს (1-1) მომდევნო მეტოქე მე-10 მაეგაშირა ტოიოჰიბიკია (2:3 ურთიერთშეხვედრებში).
ლევან გორგაძე (ტოჩინოშინი) მისთვის ძალიან უხერხულ მეტოქეს, სეკივაკის რანგის ესტონელ გოლიათ ბარუტოს ხვდებოდა, ვისაც აქამდე 12-ჯერ შეხვდა და 11-ჯერ დამარცხდა.
მათი მე-13 დაპირისპირება ბალტიელმა მოიგო. ბარუტომ მეტად ეფექტური ილეთით აჯობა ჩვენებურს, ვისაც 0-2 ბალანსი აქვს. ტოჩინოშინის ახალი მეტოქე ოსი არანია (7:6 ურთიერთშეხვედრებში).
ასევე იხილეთ:
ქართველმა სუმოისტებმა ზაფხულის ბაშო მარცხიანად
