წლის უკანასკნელი ბაშოს ორი მესამედი გავიდა, თუმცა უკვე შეიძლება ითქვას, რომ ლევან გორგაძისთვის (ტოჩინოშინი) ელიტაში დაბრუნება ტრიუმფული გამოდგა. ჩვენებურმა უკვე გაინაღდა დადებითი ბალანსი (რეიტინგში დაწინაურებაც) და 8-2 შედეგით იმპერატორის თასისთვის ბრძოლას აგრძელებს. მეათე დღეს მან მძლავრი ოშიდაშით ჩიომარუ დაამარცხა, ახლა მისი მეტოქე ვეტერანი მონღოლი კიოკუტენჰოა (8-2).
ძურიოს დივიზიონში ბალანსი გაათანაბრა თეიმურაზ ჯუღელმა (გაგამარუ), მან საკიგაკეს იორიკირის ილეთით აჯობა და ახლა 5-5 ბალანსი აქვს. ქართველის მომდევნო მეტოქე ტენკაიჰოა (7-3).
X დღე (მნიშვნელოვანი ბრძოლები): ჰაკუჰო-აოიამა (იორიკირი), კაკურიუ-ტერუნოფუჯი (იორიკირი), ჰარუმაფუჯი-კისენოსატო (ოშიდაში), კოტოშოგიკუ-გოეიდო (ოკურიტაოში),
სატურნირო მდგომარეობა
10-0: კაკურიუ (იოკოძუნა)
9-1: ჰაკუჰო (იოკოძუნა)
8-2: ჰარუმაფუჯი (იოკოძუნა), კისენოსატო (ოძეკი), ტოჩინოშინი (მაეგაშირა 8), კიოკუტენჰო (მ 11).
XI დღე (მნიშვნელოვანი წყვილები): კაკურიუ-კისენოსატო, ჰარუმაფუჯი-აოიამა, ჰაკუჰო-გოეიდო, კოტოშოგიკუ-ტერუნოფუჯი, ტოჩინოშინი-კიოკუტენჰო.
