სერბეთის ქალაქ ნოვი სადში მიმდინარე თავისუფალი სტილით მოჭიდავეთა ევროპის ჩემპიონატზე ბრინჯაოს მედლისთვის იჭიდავებს მძიმეწონოსანი გენო პეტრიაშვილი. გადამწყვეტ შეხვედრაში მისი მეტოქე უნგრელი დანიელ ლიგეტი იქნება.ფინალური ბლოკი თბილისის დროით 21:00 სთ-დან დაიწყება და შეხვედრების ლაივ-სთრიმით ნახვა ამ ბმულზე შეიძლება.
ევროპის ჩემპიონმა, მსოფლიოსა და ოლიმპიურმა მედალოსანმა პეტრიაშვილმა სასტარტო შეხვედრაში რუს ალან ხუგაევს კი მოუგო (5-2), მაგრამ 1/4-ფინალში ოლიმპიურ, მსოფლიოს ორგზის და ევროპის სამგზის ჩემპიონთან, თურქ ტაჰა აკგულთან ვერაფერი გააწყო (4-14). გენომ სანუგეშო ტურნირში უკრაინელი დანილო კარტავი დაამარცხა (6-2).
დღესვე 70 კგ-მდე წონით
შეგახსენებთ, რომ საქართველოს "თავისუფალთა" ნაკრებს ამ დროისთვის 3 მედალი აქვს - 1 ოქრო და 2 ბრინჯაო. კონტინენტის ჩემპიონობა ვლადიმერ ხინჩეგაშვილმა იზეიმა, მესამეპრიზიორები კი ზურაბ იაკობიშვილი (65) და ელიზბარ ოდიკაძე (97) გახდნენ.
![ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]](/pictures/image7/750fd0b624893064c266d2944d2b72a1.png "ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]")
