ჩვენთვის დიდად წარმატებული არც მოჭიდავეთა მსოფლიოს ჩემპიონატის მეორე დღე გამოდგა, თუმცა ბრინჯაო მაინც მოვიპოვეთ. ლეიბზე გასული ფავორიტთა ტრიოდან წარმატებით მხოლოდ გენო პეტრიაშვილმა იჭიდავა და მძიმე წონაში ბრინჯაოს დაეუფლა. მიმდინარე სეზონში ეს მისთვის ამ სინჯის მეორე მედალია - მარტში, თბილისში გამართულ ევროპის პირველობაზეც მესამე იყო.
ამჯერად შეიძლებოდა, პეტრიაშვილს უკეთესი სინჯის მედალიც მოეპოვებინა, მაგრამ ორი დამაჯერებელი გამარჯვების შემდეგ ნახევარფინალში რუს ჰაჯიმურატ გაცალოვთან წააგო. არადა, 3:0-ს იგებდა და ფინალი სულ ახლოს იყო, თუმცა გამოუცდელობამ თავისი როლი ითამაშა... სამაგიეროდ, ბრინჯაოსთვის შეხვედრაში ჩინელი ჟივეი დენგი
ვლადიმერ ხინჩეგაშვილი (60) ორი მოგების შემდეგ მეოთხედფინალში დამარცხდა მონღოლ ნიამ-ოშირ ენკსაიკანთან.
დავით მარსაგიშვილმა (84) ასევე ორი წრის გავლის შემდეგ ირანელ ოლიმპიურ პრიზიორ ეხსან ლაშგარისთან წააგო. სამწუხაროდ, ჩვენებურებს სანუგეშოში გადასვლის საშუალება არ მიეცათ, რაკი მათი მძლეველები ფინალში ვერ გავიდნენ.
![ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]](/pictures/image7/750fd0b624893064c266d2944d2b72a1.png "ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]")
![პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]](/pictures/image7/1b995136bacc050a25c0b97d314a7fc1.jpg "პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]")
