ჭიდაობის ფედერაციის პრეზიდენტის თანამდებობისთვის მხოლოდ ორი კანდიდატი, ვეტერანი მოჭიდავე მანუჩარ კვირკველია და პარლამენტის დეპუტატი ვალერი გელაშვილი იბრძოლებენ. პრეზიდენტობის ერთ-ერთმა კანდიდატმა გიორგი მაკასარაშვილმა საკუთარი კანდიდატურა დღეს, 26 დეკემბერს გამართულ ყრილობაზე მოხსნა. მას ამის მიზეზი არ დაუკონკრეტებია და არც ის თქვა, ვის სასარგებლოდ მოხსნა საკუთარი კანდიდატურა.
გიორგი მაკასარაშვილის გარდა, საკუთარი კანდიდატურა მოხსნა პრეზიდენტობის კიდევ ერთმა კანდიდატმა რომან რურუამ.
ორი კანდიდატის საპრეზიდენტო არჩევნებიდან მოხსნას ფედერაციის დელეგატთა ნაწილი ხმაურით შეხვდა, თუმცა, როგორც ყრილობაზე დამსწრე იურისტმა განმარტა, რომან რურუას და გიორგი მაკასარაშვილს საკუთარი კანდიდატურების მოხსნის
კენჭისყრა ჭიდაობის ფედერაციაში პრეზიდენტის გამოსავლენად ყრილობის შემდეგ დაიწყება. ამ დროისთვის ყრილობაზე შეკრებილ დელეგატებს საკუთარ საარჩევნო პროგრამას კიდევ ერთხელ აცნობს პრეზიდენტობის ორი კანდიდატი: მანუჩარ კვირკველია და ვალერი გელაშვილი.
"ინტერპრესნიუსი"
ასევე იხილეთ:
ჭიდაობის ფედერაციაში პრეზიდენტის არჩევნები ხმაურით მიმდინარეობს
