ქართველ სამთო მოთხილამურეთა უმრავლესობისთვის სეზონი დასრულდა, აპრილში საერთაშორისო ტურნირებში მხოლოდ 18 წლის ჯაბა გელაშვილი განაგრძობს ასპარეზობას. მან ჯერ ავსტრიაში კიუჰტაის ოთხ სლალომში მიიღო მონაწილეობა (საუკეთესო შედეგი, მე-13 ადგილი), შემდეგ კი ფრანგულ მერიბელში გადაბარგდა. იქ საფრანგეთის სათხილამურო ფედერაციის ეგიდით გამართულ შეჯიბრებებში მიიღო მონაწილეობა, სადაც დიდებში მე-13 ადგილზე გავიდა, ახალგაზრდებში კი პოდიუმზე მოხვდა (მე-3 ადგილი).
გუშინ გელაშვილმა კურშეველში დიდი ბრიტანეთის სათხილამურო ფედერაციის ეგიდით გამართულ გიგანტურ სლალომში მიიღო მონაწილეობა. ქართველმა აქაც კარგად ისრიალა და საბოლოოდ მე-4 ადგილზე გავიდა.
