ავსტრიულ სანტ-ლაბრეხტში სამთო მოთხილამურე ქალ-ვაჟთა უნგრეთის ღია ჩემპიონატი გაიმართა, რომელშიც თერთმეტი ქვეყნის წარმომადგენელთა შორის იყო ნინო წიკლაური. მან შეჯიბრების პირველ დღეს ორჯერ იასპარეზა სუპერგიგანტში და ორჯერვე მეხუთე ადგილს დასჯერდა. ქართველ სპორტსმენს ნოელ ბარაჰონამ (ჩილე), კლაირ ტანიმ (ჰოლანდია), ჩიარა არშჰამმა (უნგრეთი) და მარტინა კალუჟამ (პოლონეთი) აჯობეს.
ჩემპიონატის მეორე დღე გიგანტურ სლალომს დაეთმო. მეტოქეები ერთმანეთს ორ-ორჯერ დაუპირისპირდნენ. პირველი ტურნირი ნინომ წუთითა და 58,03 წამით მოიგო და ოქროს მედალი დაიმსახურა. მეორე-მესამე ადგილებზე, შესაბამისად, სარა ლისტი (ავსტრია, 1.58,17) და ელენა სანდული (იტალია, 1.59,67) გავიდნენ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ზამთრის ოლიმპიადა 2018: ნინო წიკლაურმა სლალომში 39-ე ადგილი დაიკავა [VIDEO]](/pictures/image7/e352c33235e763c4a4ee4db8555565a9.jpg "ზამთრის ოლიმპიადა 2018: ნინო წიკლაურმა სლალომში 39-ე ადგილი დაიკავა [VIDEO]")
![ზამთრის ოლიმპიადა 2018: ნინო წიკლაურმა გიგანტურ სლალომში 46-ე ადგილი დაიკავა [VIDEO]](/pictures/image7/8ee0221c8b3318a306497b220bdd3709.jpg "ზამთრის ოლიმპიადა 2018: ნინო წიკლაურმა გიგანტურ სლალომში 46-ე ადგილი დაიკავა [VIDEO]")
