კანადურმა კლუბმა შესანიშნავი სტარტი აიღო ახალ სეზონში - ზედიზედ მეორე გასვლითი შეხვედრა მოიგო. ამჯერად "ფილადელფიას" მოუგო, არადა, "მონრეალის" დამარცხებიდან მხოლოდ 22 საათი იყო გასული.
თუმცა ტორონტოელებს არანაირი დაღლა არ ეტყობოდათ და თამაშის არც ერთ კომპონენტში არ ჩამორჩებოდნენ მეტოქეს. პირველი პერიოდის ბოლოს "ფილადელფია" ბრეიდენ შენმა დააწინაურა, რომელმაც რიცხობრივი უპირატესობა გამოიყენა, მაგრამ დარჩენილ ორ პერიოდში გოლებს მხოლოდ სტუმრები იტანდნენ.
მეორე 20-წუთეულში ფილ კესელმა დიონ ფანოფის დარტყმის შემდეგ
სწორედ "ტორონტოა" ორი დღის შემდეგ რეგულარული ჩემპიონატის ლიდერი.
* * *
"დეტროიტს" 2009 წლის შემდეგ არ ჰქონდა წაგებული "ბაფალოსთან" და ეს სერია გუშინ გაგრძელდა. მიუხედავად იმისა, რომ "რედ უინგზს" აკლდა ტრავმირებული დარენ ჰელმი, პატრიკ ივზი და მეკარე იონას გუსტაფსონი, მან ძალიან დამაჯერებლად მოუგო "სეიბრზს".
ყურადღება არ უნდა მივაქციოთ მოკრძალებულ ანგარიშს. სინამდვილეში, "დეტროიტი" უდიდეს უპირატესობას ფლობდა და თუნდაც წაგებულ მესამე პერიოდში დარტყმების შეფარდება 16:5 იყო მასპინძლების სასარგებლოდ.
მატჩის ბედი, პრაქტიკულად, პირველი პერიოდის შუაში გადაწყდა, როცა 36-წამიანი ინტერვალით "დეტროიტმა" ორჯერ აიღო რაიან მილერის კარი. გოლები მიკაელ სამუელსონმა და პაველ დაციუკმა გაიტანეს.
მეორე პერიოდში დანიელ ქლირიმაც გაიტანა, მაგრამ მსაჯებმა მეკარეზე თავდასხმა დააფიქსირეს. მოგვიანებით კი დეტროიტელ კორი ემერტონს ბულიტის შესრულების უფლება მიეცა, მაგრამ მილერმა იყოჩაღა.
მესამე 20-წუთეულში "დეტროიტის" მეკარე ჯიმი ჰოვარდი შაიბის გამოტანისას შეცდა და 19 წლის ლატვიელმა ზემგუს გირგენსონსმა NHL-ში დებიუტი გოლით აღნიშნა, მაგრამ მისმა გუნდმა დამარცხებულმა დატოვა მოედანი.
* * *
"კოლორადოსა" და "ანაჰაიმის" მატჩში შედგა ლეგენდარული მეკარის, პატრიკ რუას სამწვრთნელო დებიუტი, რომელიც შთამბეჭდავი ტრიუმფით დასრულდა. "იხვებმა" ვერაფერი დაუპირისპირეს "ეველანშის" ახალგაზრდა ფორვარდებს - ო'რაილის, დუშენს, მაკინონსა და განსაკუთრებით, მაკგინს.
არადა, "ანაჰაიმი" შეტევაში კარგად გამოიყურებოდა და დარტყმების რაოდენობით აჯობა მასპინძლებს - 36:29, მაგრამ ბრწყინვალედ თამაშობდა "კოლორადოს" მეკარე სერგეი ვარლამოვი, რომელმაც 35 დარტყმა მოიგერია და დღის პირველი ვარსკვლავი გახდა. მხოლოდ საფინალო სირენამდე შვიდი წამით ადრე, 0:6-ზე შეძლეს "იხვებმა" ერთი საპასუხო შაიბის გატანა.
დენვერელთა გამარჯვება ოდნავ გააფერმკრთალა პატრიკ რუას გაძევებამ. დებიუტანტი მწვრთნელი ძალიან ემოციურად აპროტესტებდა მეტოქის უხეშობასა და ამ ყველაფერზე მსაჯების დუმილს.
ფილადელფია-ტორონტო 1:3
1:0, 0:1, 0:2
გოლები: 1:0 ბრეიდენი შენი-1 (ლეკავალიე-1, შტრაიტი-1), 1:1 კესელი-1 (ფანოფი-1), 1:2 ბოლანდი-1 (ლუპული-1, კულემინი-2), 1:3 ბოლანდი-2 (ლუპული-2, ფრენსონი-2).
დეტროიტი-ბაფალო 2:1
2:0, 0:0, 0:1
გოლები: 1:0 სამუელსონი-1 (ემერტონი-1, კრონვალი-1), 2:0 დაციუკი-1, 2:1 გირგენსონსი-1 (ფლინი-1).
კოლორადო-ანაჰაიმი 6:1
1:0, 3:0, 2:1
გოლები: 1:0 რ. ო'რაილი-1, 2:0 დაუნი-1 (რ. ო'რაილი-1, ტანგეი-1), 3:0 ჯ. მიტჩელი-1 (ბერი-1, მაკლეოდი-1), 4:0 მაკგინი-1 (მაკინონი-1, ტანგეი-2), 5:0 მაკგინი-2 (მაკინონი-2, პარენტო-1), 6:0 დუშენი-1 (დაუნი-1, ტანგეი-3), 6:1 სილფვერბერგი-1 (ბონინო-1, ფისტრიჩი-1).
ყოველდღიური სპორტული გაზეთი "ლელო"
ასევე იხილეთ:
NHL. რეგულარული ჩემპიონატი: პირველი ჰეთ თრიქი, პირველი სისხლი...
