საქართველოს მოფარიკავეთა ნაკრების მთავარმა მწვრთნელმა მერაბ ბაზაძემ "რუსთავი 2"-ისთვის მიცემულ ინტერვიუში კომენტარი გააკეთა ევროპის ჩემპიონატზე ჩვენი ნაკრების გამოსვლის შესახებ. მოგეხსენებათ, საქართველოს ეროვნულმა გუნდმა ისტორიული შედეგი დააფიქსირა და ევროპის ჩემპიონატზე მე-7 ადგილი დაიკავა.
"გუნდმა ძალიან წარმატებულად იასპარეზა. საუკეთესო ოთხეულში შესასვლელად იტალიის ნაკრებთან ვიფარიკავეთ. იტალია ფარიკაობაში მიღწეული შედეგებით მსოფლიოს უძლიერესი ქვეყანაა. მათთან თანაბარ ბრძოლაში მსაჯის შეცდომის გამო 1 ჩხვლეტით დავთმეთ შეხვედრა" - განაცხადა ბაზაძემ.
შეგახსენებთ, საქართველოს ნაკრებს ოლიმპიადის ლიცენზიის მისაღებად საუკეთესო 4-ეულში შესვლა სჭირდებოდა, იტალიასთან კი მეოთხედფინალში დავმარცხდით. თუმცა, საქართველოს ფარიკაობის ფედერაცია სარჩელის შეტანას აპირებს და რუმინელი მსაჯის დასჯას მოითხოვს.
სანდრო ბაზაძემ ევროპის ჩემპიონატზე ბრინჯაოს მედალი მოიპოვა!
![მომივიდა წინადადება საქართველოს ნაკრებიდან და... - ექსკლუზიური ინტერვიუ მაია გუჩმაზოვასთან [PHOTO]](/pictures/image7/c545c2db95f76015e0837f018961bb52.png "მომივიდა წინადადება საქართველოს ნაკრებიდან და... - ექსკლუზიური ინტერვიუ მაია გუჩმაზოვასთან [PHOTO]")
