რუსული გამოცემა championat-ი აცხადებს, რომ მათი ინფორმაციით, მოსკოვის "სპარტაკი" ქართველ თავდამსხმელ ნიკოლოზ ქუთათელაძეს შეუთანხმდა.
18 წლის ფეხბურთელმა საფეხბურთო გზა პრაღის "სპარტადან" დაიწყო. შემდეგ "ლილის" აკადემიაში გახლდათ, ხოლო 2016 წლიდან პსჟ-ის სისტემაში თამაშობდა სხვადასხვა ასაკობრივ გუნდში.
გასულ ზამთარში ქუთათელაძემ პსჟ-ის ახალგაზრდული გუნდი დატოვა და მახაჭყალის "ანჟისთან" უნდა გაეფორმებინა კონტრაქტი, თუმცა "ანჟის" ფეხბურთელების დამატება აუკრძალეს და ნიკოლოზიც უგუნდოდ დარჩა.
იანვარში ქუთათელაძემ მონაწილეობა მიიღო კიევის "დინამოსა" და "ტობოლის" ახალგაზრდულ გუნდებს შორის გამართულ შეხვედრაში, თუმცა უკრაინულ გუნდში არ დარჩა.
ახლა კი, მოსკოვის "სპარტაკში" ჩარიცხვამდე მხოლოდ სამედიცინო შემოწმების გავლა დარჩა.
მოსკოვის "სპარტაკმა" კი რუსეთის პრემიერლიგის წლევანდელ სეზონში მე-5 ადგილი დაიკავა. შეგახსენებთ, რომ "სპარტაკში" კიდევ ერთი ქართველი ჯანო ანანიძე ირიცხება. გასული სეზონის მეორე ნახევარი მან იჯარით "კრილია სოვეტოვში" გაატარა და ამჟამად ტრავმირებულია.
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "პსჟ-დან მოსკოვის "სპარტაკში" - ნიკოლოზ ქუთათელაძე რუსულ კლუბში ითამაშებს")
!["სპარტაკის" ქართველმა ფორვარდმა გოლი ჰოლანის სტილში აღნიშნა [VIDEO]](/pictures/image7/929da712123bcfa8b1d733fcc98e2c17.jpeg "\"სპარტაკის\" ქართველმა ფორვარდმა გოლი ჰოლანის სტილში აღნიშნა [VIDEO]")
![ჯანო ანანიძე: "სპარტაკს" არაფერს დავუმტკიცებ, "როტორს" უნდა ვაჩვენო, რომ ვიმსახურებ აქ თამაშს [PHOTO]](/pictures/image7/62abef0e5dd9c66580638e929b0f5350.jpg "ჯანო ანანიძე: \"სპარტაკს\" არაფერს დავუმტკიცებ, \"როტორს\" უნდა ვაჩვენო, რომ ვიმსახურებ აქ თამაშს [PHOTO]")
![ხვიჩას "სპარტაკი" ვერ აჩერებდა - ერთი პენალტი მოიპოვა, მეორე კი მსაჯმა კუკუიანმა არ დაუნიშნა [VIDEO]](/pictures/image7/2e53eb15fd44fcd86c95dffaac97882e.jpg "ხვიჩას \"სპარტაკი\" ვერ აჩერებდა - ერთი პენალტი მოიპოვა, მეორე კი მსაჯმა კუკუიანმა არ დაუნიშნა [VIDEO]")
