ფოტო: fcsaburtalo.ge
ქართველმა მცველმა გიორგი რეხვიაშვილმა ბერძნული სუპერლიგიდან გავარდნილი "ლევადიაკოსის" რიგები დატოვა და კონტრაქტი საქართველოს მოქმედ ჩემპიონთან, თბილისის "საბურთალოსთან" გააფორმა.
გიორგი რეხვიაშვილი, რომელიც "საბურთალოს" შემადგენლობაში შარშან ჩემპიონი გახდა, დედაქალაქურ კლუბს დაუბრუნდა - ამპლუით მცველმა "საბურთალოსთან" 1+1 ხელშეკრულებას მოაწერა ხელი.
31 წლის ფეხბურთელმა სამედიცინო შემოწმება წარმატებით გაიარა, რის შემდეგაც კლუბის ოფიციალურ ვებგვერდთან კომენტარი გააკეთა:
"სამედიცინო შემოწმება გავიარე. მოხარული ვარ, რომ ჯანმრთელად ვარ. დავბრუნდი კლუბში, რომელთანაც სასიამოვნო მოგონებები მაკავშირებს.
2018 წელს სწორედ "საბურთალოს" შემადგენლობაში გავხდი ქვეყნის ჩემპიონი. გასულ წელს დაძაბული პირველობა იყო, მიზანი ჩემპიონობა და ლიგის საკვალიფიკაციო ეტაპზე თამაში იყო, რაც შევასრულეთ.
"საბურთალო" ჩემთვის უცხო არაა, ვიცი კლუბის მიზნები და გეგმები. ვიდრე საბერძნეთში ვთამაშობდი, სისტემატურად ვუყურებდი საქართველოს ჩემპიონატს.
"საბურთალო" აგრძელებს წარმატებით ასპარეზობას. ვეცდები, გუნდის წინსვლაში ჩემი მოკრძალებული წვლილი შევიტანო და დავეხმარო, როგორც ჩემპიონობის მოპოვებაში, ასევე ევროტურნირებზე წარმატებით გამოსვლაში", - აღნიშნა რეხვიაშვილმა.
![alt](/pictures/image50/5b19f5721839cb80037c74385b9578b8.jpg "გიორგი რეხვიაშვილი თბილისის "საბურთალოში" დაბრუნდა")
ეროვნული ლიგა. XVII ტური: ჰამზიჩი - "საბურთალო" 0:0, ბათუმის "დინამოს" სასარგებლოდ [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg "გიორგი რეხვიაშვილი თბილისის "საბურთალოში" დაბრუნდა")
![ეროვნული ლიგა. XXX ტური. "ტორპედო" - "საბურთალო" [LIVE]](/pictures/image7/fe95d5f15fbb87dc59268ad75bf2a8c7.png "ეროვნული ლიგა. XXX ტური. \"ტორპედო\" - \"საბურთალო\" [LIVE]")
![ეროვნული ლიგა. XXVIII ტური. "ლოკომოტივი" - "საბურთალო" [LIVE]](/pictures/image7/52ba319a58928778cd09abfb71efffb1.png "ეროვნული ლიგა. XXVIII ტური. \"ლოკომოტივი\" - \"საბურთალო\" [LIVE]")
