ქუთაისის "ტორპედო" ბოლო დღეებში ძირითადი შემადგენლობის რიგით მესამე ფეხბურთელმა დატოვა - 26 წლის ნახევარმცველი კარიერას "გაბალაში" გააგრძელებს.როგორც ქუთაისელთა Facebook-გვერდი იუწყება, 25 ივნისს ბათუმის "დინამოსთან" სტუმრად გასამართი მატჩი მერაბ გიგაურისთვის "ტორპედოს" შემადგენლობაში ბოლო იქნება.
გიგაურმა "ტორპედოს" მაისურით 171 ოფიციალურ მატჩში მიიღო მონაწილეობა და 7 გოლი გაიტანა. კლუბთან ერთად გახდა ქვეყნის ჩემპიონი, მოიგო ქვეყნის თასი და სუპერთასი.
"ტორპედომ" მადლობა გადაუხადა გიგაურს გაწეული სამსახურისთვის და კარიერაში წარმატება უსურვა.
![alt](/pictures/image50/b21b0641a199498571ad23abe8ec04c5.jpg ""ტორპედო" მერაბ გიგაურმაც დატოვა - ფეხბურთელი "გაბალაში" მიდის")
ეროვნული ლიგა. XIX ტური: "ტორპედომ" "სიონი" გაანადგურა [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""ტორპედო" მერაბ გიგაურმაც დატოვა - ფეხბურთელი "გაბალაში" მიდის")
