ეშველება რამე "ტორპედოს"? - საქართველოს ეკონომიკის მინისტრი ქუთაისელ ფანებს შეხვდა

AutoSharing Option
საქართველოს ეკონომიკის მინისტრი, ნათია თურნავა ქუთაისის "ტორპედოს" გულშემატკივრებს დახურულ კარს მიღმა შეხვდა. ამის შესახებ kutaisipost.ge იუწყება.

ფანები ტურიზმის ცენტში მივიდნენ, სადაც, თურნავა ქუთაისში მოქმედი საოჯახო ტიპის სასტუმროების მფლობელებს ხვდებოდა. გულშემატკივრება თავად მოითხვეს მინისტრთან შეხვედრა.

გულშემატკივრებს მინისტრთან იმ ინფორმაციის გადამოწმება სურდათ, რომლის მიხედვითაც, მათი თქმით, ჩინური კომპანია "ჰუალინგი" კლუბში ინვესტიციის განხორციელების სანაცვლოდ ქუთაისში, ეკონომიკის სამინისტროს ბალანსზე არსებული მიწების გადაცემას ითხოვს. ფანკლუბის წევრების თქმით, ჩინელი ინვესტორების ეს მოთხოვნა, კლუბში ინვესტიციის ჩადების პროცესს აჭიანურებს, რის გამოც, ფეხბურთელები ზარალდებიან.

დაახლოებით ათწუთიანი შეხვედრის შემდეგ, მინისტრმა
განაცხადა, რომ ჩინელი ინვესტორის ულტიმატუმთან დაკავშირებით ინფორმაცია სიმართლეს არ შეესაბამება, კლუბის მეპატრონემ კი, დაპირებები უნდა შეასრულოს.

"მოვისმინეთ, რომ არის პრობლემები, გავერკვიეთ ვინ რა დაპირება გასცა თავის დროზე კლუბში და იმედი გვაქვს, პასუხისმგებლიანად მიუდგებიან და შეასრულებენ დანაპირებს. რაც შეეხება "ჰუალინგს", არასწორია ეს ინფორმაცია. ჩვენ შემოვლითი გზებით არ ვკონტაქტობთ ინსვეტორებთან. მათ ჩვენთან პირდაპირი კომინიკაციის არანაირი პორბლემა არ აქვს. გარდა ამისა, ჩვენ არ გვჭირდება ამ ნაწილში სხვადასხვა პირის და მათ შორის საეჭვო პირების შუამავლობა", - განაცხადა ნათია თურნავამ, თუმცა, არ დაუკონკრეტებია ვინ იგულისხმა საეჭვო პირებში.

მინიტრის თქმით, "ტორპედოსთან" დაკავშირებული პრობლემები არა ეკონომიკის, არამედ, კლუტურის, განათლების, ძეგლთა დაცვისა და სპორტის სამინისტროს ეხება.

შეხვედრით კმაყოფილი არ არიან გულშემატკივრები. ისინი მინისტრთან საუბრის დეტალებზე მერიის წინ 7 საათზე დაგეგმილ აქციაზე ილაპარაკებენ, თუმცა, წინასწარ ამბობენ, რომ ის რეალობა, რაც ნათია თურნავასგან მოისმინეს, მათთვის არადამაიმედებელია.

რა ხდება კლუბში და როგორ აპირებს მისი მეპატრონე ზაალ ჩაჩავა პრობლემების მოგვარებას, უცნობია. ჩაჩავა სატელეფონო ზარებს არ პასუხობს.

რა ბედი ელის დაშლის პირას მყოფ კლუბს, ამაზე პასუხი არც ქუთაისის მერიაში აქვთ.

იმის მიუხედავად, რომ გასულ კვირას ქალაქის მერმა გიორგი ჭიღვარიამ ფანკლუბის წევრებს განუცხადა, რომ თუ 1 ივლისამდე ზაალ ჩაჩავა ფინანსური პრობლემების მოსაგვარებლად კონკრეტულ ნაბიჯებს არ გადადგამდა, მერია ახალი ინვესტორის ძებნას დაიწყებდა, ამ დრომდე უცნობია აპირებს თუ არა ადგილობრივი ხელისუფლება ჩაჩავასთან ხელშკრულების შეწყვეტას.

ამას ემატება ის გარემოებაც, რომ ზაალ ჩაჩავას, რომელმაც ქუთაისის "ტორპედო" 2017 წელს აუქციონზე შეისყიდა, ამ დრომდე არ აქვს გადახდილი საპრივატიზაციო თანხა, თუმცა, მერია ხელშეკრულების პირობების დარღვევაზე რეაგირებას არ ახდენს.

წყარო: kutaisipost.ge

Sportall.Ge
მკითხველის კომენტარები / 7 /
betoni stadionze, vitom rato ar esakmeba aset gunds umagles ligachi, chen romeli gundis balechikic xar ki getkoba, torpedo 4 da 5 clis gundi araa, gadaxede istorias da mixvdebi esakmeba tu ara torpedos umagleschi, da imedebic gagicruvdebat tkvennairat vinc pikrobs, torpedo iko, aris da ikneba mudam sanam sakartvelochi ikneba pegburti, gundi ubralot cheicvala, magram arsad casula mtavari mcvrtneli, ai es aris mtavari, daacadet am kacs cota da daamtkicebs kidev ertxel esakmeba tu ara torpedos umagleschi,zustad torpedom aigo charchan evropaze kvelaze meti sareitingo kula, 3 celicadchi chempionoba, 2 sakartvelos tasi ,2 supertasi, da evropis pleiopi, ragac ar maxsendeba bolo clebchi romelime kartul gunds miegcios aseti carmatebistvis da aseti gundi tu araa girsi umaglesi ligis aba vinaa damisaxelet.vinc ase pikrobs torpedoze sul male cheecvleba azri .kutaischi pegburti upro metia vidre pegburti, da stadionic romelic ar gvagirses kvela tamachze mtlianat tu ara sanaxevrod maic ivseba, ai amitom ikneba kutaisis torpedo mudam.
KUTAISELI
17:36 05-07-2019
0
ტორპედოც მოატყულა და ქალაქის მერი, ის კი დუმს ძალიან სუსტია
პატრიოტი იმერელი
10:58 05-07-2019
0

ასევე დაგაინტერესებთ
სიახლეები პოპულარული