სამწუხაროდ, ტირასპოლში, ადგილობრივი "შერიფისა" და "საბურთალოს" ჩემპიონთა ლიგის საკვალიფიკაციო ეტაპის პირველი მატჩის ტელეტრანსლაცია ვერ განხორციელდება. ამის შესახებ ერთობლივი განცხადება საქართველოს პირველმა არხმა და "საბურთალომ" გაავრცელეს:
"10 ივლისს საფეხბურთო კლუბი „საბურთალო“ „შერიფის“ წინააღმდეგ მოლდოვის ქალაქ ტირასპოლში ჩემპიონთა ლიგის საკვალიფიკაციო ეტაპის მატჩს გამართავს. გამომდინარე იქიდან, რომ მატჩისადმი ინტერესი დიდია, საჭიროდ ჩავთვალეთ, გაგვეკეთებინა განმარტება.
ზოგადად, კლუბებისთვის საერთაშორისო მატჩების ტრანსლირება არის შემოსავლების ერთ-ერთი წყარო, თუმცა გათვალისწინებულ იქნა რა გულშემატკივრების ინტერესი, კლუბმა „საბურთალომ“ პირდაპირი რეპორტაჟის ექსკლუზიური უფლება საზოგადოებრივ მაუწყებელს უსასყიდლოდ გადასცა, რათა საზოგადოებრივ მაუწყებელს მოლაპარაკება ეწარმოებინა მოლდოვურ მხარესთან და გასვლითი მატჩი პირდაპირ ეთერში ეჩვენებინა.
საზოგადოებრივი მაუწყებელი აწარმოებდა მოლაპარაკებას ტირასპოლის ტელევიზიასთან, რომელიც მზად იყო, გაეცვალა რეპორტაჟები ქართულ მხარესთან, რათა ქართველ და მოლდოველ გულშემატკივარს მატჩების პირდაპირ ეთერში ნახვის საშუალება მისცემოდათ, თუმცა მოლდოვაში დაგეგმილ მატჩამდე რამდენიმე დღით ადრე, მოლდოვურმა მხარემ სატელევიზიო რეპორტაჟების სიგნალების გაცვლაზე უარი თქვა.
რაც შეეხება კლუბ „საბურთალოსა“ და „შერიფის“ განმეორებით მატჩს, რომელიც საქართველოში, 16 ივლისს ჩატარდება, მის ტრანსლაციას საქართველოს პირველი არხი 21:30 საათზე შემოგთავაზებთ", - ნათქვამია განცხადებაში.
![alt](/pictures/image50/80507df19f9c5c8e6103a3b91d09e972.jpg ""შერიფისა" და "საბურთალოს" მატჩის ტელეტრანსლაცია ვერ განხორციელდება")
"საბურთალო" "შერიფთან" მატჩის წინ განცხადებას ავრცელებს![alt](/pictures/image50/cefcdbdc11130e72dfc30df704a72da6.jpg ""შერიფისა" და "საბურთალოს" მატჩის ტელეტრანსლაცია ვერ განხორციელდება")
"ჩვენთვის წარმატება ვერ იქნება "შერიფის" გაგდება, წარმატება არის, როდესაც ჯგუფურ ეტაპზე მოხვდები"![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""შერიფისა" და "საბურთალოს" მატჩის ტელეტრანსლაცია ვერ განხორციელდება")
![ეროვნული ლიგა. XXX ტური. "ტორპედო" - "საბურთალო" [LIVE]](/pictures/image7/fe95d5f15fbb87dc59268ad75bf2a8c7.png "ეროვნული ლიგა. XXX ტური. \"ტორპედო\" - \"საბურთალო\" [LIVE]")
![ეროვნული ლიგა. XXVIII ტური. "ლოკომოტივი" - "საბურთალო" [LIVE]](/pictures/image7/52ba319a58928778cd09abfb71efffb1.png "ეროვნული ლიგა. XXVIII ტური. \"ლოკომოტივი\" - \"საბურთალო\" [LIVE]")
