როგორც რუსულ სააგენტო tass-თან "რუსთავის" პრეზიდენტმა ბადრი მაჭავარიანმა განაცხადა, კლუბი ხვიჩა კვარაცხელიას "რუბინში" ტრანსფერიდან კომპენსაციას მიიღებს.
"ჩვენ სატრანსფერო კონტრაქტი გვაქვს და ხვიჩას სანაცვლოდ "რუბინიდან" კომპენსაციას მივიღებთ, რადგან კონტრაქტი სწორედ "რუბინის" სასარგებლოდ გავწყვიტეთ.
კომპენსაციის მოცულობა ფიფას მიერ დადგენილ ფარგლებში იქნება. კვარაცხელიამ ჩვენთან მხოლოდ 6 თვე გაატარა, ამდენივე ხნით იყო "ლოკომოტივში", რომელმაც შესაბამისი თანხა გადაიხადა.
ჩვენ ყველაფერი ფეხბურთელის სასარგებლოდ გავაკეთ, მას განვითარება და წინსვლა სურს და თუ "ლოკომოტივი" მის მხარესთან ვერ შეთანხმდა, ეს ჩვენი ბრალი არაა. თავის დროზე არც "ლოკომოტივისთვის" შეგვიშლია ხელი და ამჯერად, მოსკოვიდან შემოთავაზება არ ყოფილა, რადგან მხარეებმა შეთანხმებას ვერ მიაღწიეს.
რაც შეეხება თანხას, ჩვენ იმაზე მეტი მივიღეთ, რაც კვარაცხელიას აღზრდაში გვქონდა ჩადებული. ჩვენ ხვიჩასა და მამამისთან კარგ ურთიერთობას ვინარჩუნებთ, ვგულშემატკივრობთ ფებურთელს და მას წარმატებებს ვუსურვებთ. მომავალში იმაზე ვისაუბრებთ, რომ რაღაც დრო ჩვენთანაც გაატარა და ფეხბურთელად ჩამოყალიბდა", - გადმოსცემს "რუსთავის" პრეზიდენტის" სიტყვებს სააგენტო.
18 წლის ნახევარმცველმა 6 ივლისს 5-წლიანი კონტრაქტი გააფორმა ყაზანურ კლუბთან. იქამდე, ხვიჩა მოსკოვის "ლოკომოტივში" თამაშობდა 6-თვიანი იჯარით.
30 ივნისს მოსკოვურმა გუნდმა გაავრცელა ინფორმაცია, რომ ქართველმა ნახევარმცველმა "ლოკო" დატოვა. კლუბის პრეზიდენტმა ვასილი კიკნაძემ tass-თან საუბარში განმარტა, რომ მათ არ გადაიხადეს ის თანხა, რასაც სხვა კლუბი სთავაზობდა ფეხბურთელის აგენტებს.
![alt](/pictures/image50/4480d9a611995d60fa905aa9ed0107d4.jpg ""რუსთავი" ხვიჩა კვარაცხელიას ტრანსფერიდან კომპენსაციას მიიღებს")
kazanfirst: ხვიჩა კვარაცხელია "რუბინისთვის" სინათლის სხივია
![alt](/pictures/image50/57e5cce05c9048f85abccb6093a824b7.jpg ""რუსთავი" ხვიჩა კვარაცხელიას ტრანსფერიდან კომპენსაციას მიიღებს")
"რუბინში" ხვიჩა კვარაცხელიას დებიუტი შედგა - 15 ივლისს ის "ლოკომოტივის" წინააღმდეგ ითამაშებს...
![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""რუსთავი" ხვიჩა კვარაცხელიას ტრანსფერიდან კომპენსაციას მიიღებს")
ტრანსფერამდე 3 დღი ადრე გაუწყვიტა კლუბმა ფეხბურთელს კონტრაქტი, ასეთი რამ ისტორიას არ ახსოვს