ევროპა ლიგის პირველი ეტაპის საკვალიფიკაციო მატჩში "ტორპედოს" 1:0 დამარცხების შემდეგ, კომენტარი "ორდაბასის" მწვრთნელმა კახა ცხადაძემ გააკეთა:
"ვფიქრობ, პროგრამა-მინიმუმი შევასრულეთ: მთავარია, გოლი არ გავუშვით და გავიტანეთ. რაც შეეხება თამაშს, ველოდით, რომ მეტოქე დიდი ძალებით დაიცავდა თავს. მათ ძალიან ჭკვიანი მწვრთნელი ჰყავთ. ბევრი თვლიდა, რომ ადვილი თამაში იქნებოდა, მაგრამ მე ეჭვი არ მეპარებოდა, ვიცოდი, მძიმე შეხვედრა გამოვიდოდა.
თუ სტატისტიკას გადავხედავთ, ბევრჯერ დავარტყით კარში და ბევრი კუთხური მოვაწოდეთ, მაგრამ სამწუხაროდ, დამაგვირგვინებელ ფაზაში რაღაც არ გამოგვდიოდა.
ბეჭებთან სასაყვედურო არაფერი არ მაქვს, ჩემის აზრით, შეცვლებიც დროულად გავაკეთეთ, შეტევა გავაძლიერეთ, მარჯვენა მცველის ნაცვლად ბადიბანგა შევუშვით, რომელსაც თამაშის კარგად გამწვავება შეუძლია და ინდივიდუალურად ამ კომპონენტში დაგვეხმარა.
გატანილი გოლის შემდეგ გადავეწყვეთ, რათა საიმედოდ დაგვეცვა თავი და ამის მიუხედავად, არაერთი მომენტი შევქმენით. რა თქმა უნდა, სამწუხაროა, რომ უფრო მეტი გოლი ვერ გავიტანეთ. ახლა "ტობოლთან" შემდეგ მატჩზე ვიფიქრებთ, რადგან ჩემპიონატის მნიშვნელოვანი შეხვედრაა. ეს კვირა ჩვენთვის ძალიან დაძაბული და გადატვირთულია. მადლობა ღმერთს, შემადგენლობის როტაციის საშუალება გვაქვს, დასკვნებს გამოვიტანთ და თამაშისთვის მოვემზადებით".
კახა ჩხეტიანი ჟურნალისტს: რუსულად რატომ არ ვსაუბრობ? - იმიტომ, რომ ჩემი ენა უძველესი და ლამაზია!
"ტორპედო" "ორდაბასისთან" 0:1 დამარცხდა და უშანსოდ არ არის [VIDEO]
![როდესაც თავს ზემოთ ძალა არ არის - "ტორპედო" "ორდაბასისთან" დამარცხდა [VIDEO]](/pictures/image7/08bc041cd0ffdbafa88b36883cc54f95.jpg "როდესაც თავს ზემოთ ძალა არ არის - \"ტორპედო\" \"ორდაბასისთან\" დამარცხდა [VIDEO]")
