მოსკოვის "ლოკომოტივის" ცენტრალურმა მცველმა საბა კვირკველიამ ტრავმა მოირჩინა და სათამაშოდ მზად არის.
"ლოკოს" მწვრთნელმა იური სიომინმა განაცხადა, რომ კვირკველია გუნდთან ერთად ვარჯიშობს და "რუბინთან" ითამაშებს.
საბამ ტრავმა გასული სეზონის დასასრულს მიიღო, "რკინიგზელებს" ვერც თასის ფინალში და ვერც სუპერთასზე ვერ დაეხმარა და საქართველოს ნაკრების მატჩებშიც ვერ მიიღო მონაწილეობა.
კვირკველია მთელი მეორე წრის განმავლობაში გუნდში იჯარით მყოფ 18 წლის თანამემამულე ნახევარმცველს ხვიჩა კვარაცხელიას მეურვეობდა და ახლა მისი განეიტრალება მოუწევს - 15 ივლისს რუსეთის პრემიერლიგის პირველ ტურში "ლოკომოტივი" იმ "რუბინს" უმასპინძლებს, რომლის რიგებშიც კვარაცხელია ჩაირიცხა.
ყაზანურ გუნდში აგრეთვე ზურიკო დავითაშვილი და ბექა მიქელთაძე იასპარეზებენ.
კვარაცხელიამ ავსტრიაში "მალხაზ ასათიანი" ვერ მოატყუა და კვირკველიას შექება დაიმსახურა
ხვიჩა კვარაცხელიამ "ლოკომოტივიდან" წასვლის მიზეზი დეტალურად და ობიექტურად განმარტა
