30 ივლისს, ჩემპიონთა ლიგის მეორე საკვალიფიკაციო ეტაპის განმეორებით მატჩში "საბურთალო" ზაგრებში "დინამოსთან" 0:3 დამარცხდა.
თბილისში ზაგრების "დინამოს" მოგებამ ფაქტობრივად გამოავლინა ამ წყვილში გამარჯვებული, მით უმეტეს, ობიექტურად, მეტოქე საქართველოს ჩემპიონზე გაცილებით ძლიერია და მოპოვებულ ფორას არ დათმობდა. ხორვატთა მწვრთნელი ნენად ბიელიცა თავიდანვე თავდაჯერებული იყო, გუშინ კი განაცხადა, რომ 20 კარგი ფეხბურთელი ჰყავს და არც იცოდა, ვინ დაეყენებინა ძირითად შემადგენლობაში. "საბურთალო" ოდენ სასწაულის იმედად გახლდათ, ხოლო რადგან იმედი ბოლოს კვდება, ჩვენც ოდენ ამ ილუზიური იმედის იმედად ვიყავით.
დისკვალიფიკაციის გამო "მაკსიმირზე" შეხვედრა მაყურებლების გარეშე ჩატარდა. ჩვენს გუნდს სხვადასხვა მიზეზის გამო ოთხი წამყვანი ფეხბურთელი აკლდა და მწვრთნელმა გიორგი ჭიაბრიშვილმა პირველ მატჩთან შედარებით სასტარტოში ერთბაშად ექვსი ცვლილება განახორციელა. რაც შეეხება "დინამოს", ბიელიცამ შემადგენლობა არ შეცვალა.
პირველ ტაიმში გუნდები მაღალ ტემპში არ თამაშობდნენ. პირველი სახიფათო მომენტი "დინამოს" ჰქონდა, როდესაც ჰაიროვიჩმა ბურთი კარს ააცილა, საპასუხო შეტევისას კი გაბედავამ ვერ უწია მიზანს. 35-ე წუთზე როლოვიჩს შეეძლო ანგარიშის გახსნა, მაგრამ ახლო მანძილიდან ვერ მოახერხა ბურთის მეტოქის კარის ბადეში გადაგზავნა.
თამაშის სურათი შესვენების შემდეგაც არ შეცვლილა, "დინამო" კვლავ მარცხენა ფლანგიდან უტევდა, 50-ე წუთზე კი ლეშკოვიჩმა კუთხურიდან ჩამოწოდებული ბურთი ოდნავ ააცილა კარს. "საბურთალო" თამაშის გამწვავებას ვერ ახერხებდა, უხიფათო კონტრიერიშებით პასუხობდა და 77-ე წუთზე ორსიჩისგან გოლიც გაუშვა.
დარჩენილ დროში გაბედავამ ვერ გამოიყენა შანსი. გოიაკმა ბურთი ძელს გაარტყა, მერე პეტკოვიჩმა ოლმოს პასით მეორედ დალაშქრა კუპატაძის კარი, ბოლოს ოლმომაც გაიტანა და 0:3.
მოკლედ, "დინამომ" თამაში სასურველი სცენარით წარმართა და ამოცანა პრაგმატულად, მშვიდად შეასრულა.
"საბურთალო" ევროპა ლიგაზე გადაერთვება და "არარატს" დაუპირისპირდება. პირველი მატჩი ერევანში 8 აგვისტოს ჩატარდება, საპასუხო კი - 15 აგვისტოს თბილისში.
ზაგრები. "მაკსიმირი"
დინამო (ზ) - საბურთალო 3:0
გოლები: 1:0 ორსიჩი (77), 2:0 პეტკოვიჩი (88), 3:0 ოლმო (90+4)
დინამო: ლივაკოვიჩი, ადემი, ლეშკოვიჩი, პეროვიჩი, პინტო, ჰაიროვიჩი (მეიერი 85), გოიაკი, ლეოვაცი, კაძიორი (ოლმო 75), ორსიჩი, გავრანოვიჩი (პეტკოვიჩი 63)
საბურთალო: კუპატაძე, მალი (ტაბატაძე 59), მარგველაშვილი, კაკუბავა, რეხვიაშვილი, ცნობილაძე, ჩაბრაძე (ჯინჯოლავა 69), ალთუნაშვილი, გორგიაშვილი (დიასამიძე 61), როლოვიჩი, გაბედავა
![alt](/pictures/image50/e0fe1e4ba29f2bcb9056b5eb2ef3c068.jpg ""საბურთალო" ზაგრებშიც უშანსოდ დამარცხდა და ევროპა ლიგაზე "არარატს" შეხვდება [VIDEO]")
გიორგი ჭიაბრიშვილი: მენტალური პრობლემა გვაქვს - ვალდებულები ვართ, ევროპა ლიგის პლეი-ოფში გავიდეთ
![alt](/pictures/image50/68481bbb5a0f0303022762bc42adc952.jpg ""საბურთალო" ზაგრებშიც უშანსოდ დამარცხდა და ევროპა ლიგაზე "არარატს" შეხვდება [VIDEO]")
ნენად ბიელიცა: "საბურთალოს" შეცვლილმა ტაქტიკამ დაგვაბნია და პირველი ტაიმი კარგად ვერ ჩავატარეთ
![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""საბურთალო"")
![ჩემპიონთა ლიგა. VI ტური: "ლაიფციგი" და "მილანი" გავიდნენ, ხოჭოლავას "კოპენჰაგენი" ჯგუფში ჩარჩა, ყველა მერვედფინალისტი ცნობილია - 7 ნოემბერს წილისყრაა [VIDEO]](/pictures/image7/6b3dc528d734efff1946b0dca98e119b.jpg "ჩემპიონთა ლიგა. VI ტური: \"ლაიფციგი\" და \"მილანი\" გავიდნენ, ხოჭოლავას \"კოპენჰაგენი\" ჯგუფში ჩარჩა, ყველა მერვედფინალისტი ცნობილია - 7 ნოემბერს წილისყრაა [VIDEO]")
![ჩემპიონთა ლიგა. V ტური: მესი ძველებურად ბრწყინავს - "რეალის" დაუმარცხებელი სერია შეწყდა [VIDEO]](/pictures/image7/f8ec7ab05b28f2b47faf85045bcac3e6.jpeg "ჩემპიონთა ლიგა. V ტური: მესი ძველებურად ბრწყინავს - \"რეალის\" დაუმარცხებელი სერია შეწყდა [VIDEO]")
![ჩემპიონთა ლიგა. IV ტური: "იუვენტუსის" ფიასკო - "რეალი" რიუდიგერმა "შახტართან" მარცხისგან 20 ნაკერის ფასად იხსნა [VIDEO]](/pictures/image7/1227d8b8e0eeeae2c41ad256548939d7.jpg "ჩემპიონთა ლიგა. IV ტური: \"იუვენტუსის\" ფიასკო - \"რეალი\" რიუდიგერმა \"შახტართან\" მარცხისგან 20 ნაკერის ფასად იხსნა [VIDEO]")
![ჩემპიონთა ლიგა. III ტური: ჰოლანის დუბლი, მესის გოლი, ხოჭოლავას ავტოგოლი [VIDEO]](/pictures/image7/9b5523d5d4332d55b0826018e55c3a12.jpg "ჩემპიონთა ლიგა. III ტური: ჰოლანის დუბლი, მესის გოლი, ხოჭოლავას ავტოგოლი [VIDEO]")
![ჩემპიონთა ლიგა. II ტური: ხოჭოლავას კარგი მატჩი "სევილიასთან", "რეალის", "სიტის" და პსჟ-ის გამარჯვება და "იუვეს" საშინაო მარცხი [VIDEO]](/pictures/image7/4e07c697c5c411c960043e74a3c45010.png "ჩემპიონთა ლიგა. II ტური: ხოჭოლავას კარგი მატჩი \"სევილიასთან\", \"რეალის\", \"სიტის\" და პსჟ-ის გამარჯვება და \"იუვეს\" საშინაო მარცხი [VIDEO]")
ეგაა რომ რაღაც ტყდება ამ გუნდის თავს მეორე ტაიმის მეორე ნახევარში, ჭიაბრიშვილმა ცეცაძეს უნდა დაეკითხოს და ისწავლოს მისგან თუ როგორ სამტრედია სწორედ რომ მეორე ტაიმებიდან იგებდა მატჩებს. დროა ერთმანეთს გამოცდილება გაუზიარონ მწვრთნელებმა.
წარმატებები საბურთალოს
აფრიკელებზე კარგი ფიზიკური მონაცემები არც ერთ ნაკრებს აქვს მსოფლიოში და მაშინ სულ აფრიკული ნაკრებები უნდა იგებდნენ მსოფლიო პირველობას უნდა ვიმუშაოთ იმაზე რაც ჩვენი პლიუსია და გავაუმჯობესოთ.