დანიური საიტი tipsbladet.dk საბა ლობჟანიძის შესახებ მოკლე სტატიას აქვეყნებს და ქართველი ფეხბურთელის ადგილობრივი გაზეთისთვის მიცემული ინტერვიუდან მოაქვს ნაწყვეტი.
არავინ ელოდა, რომ საბა ლობჟანიძე "რანდერსში" დარჩებოდა. მთელი ზაფხულის განმავლობაში მიდიოდა საუბრები, რომ უფრო მაღალი დონის კლუბში გადავიდოდა, ვიდრე "რანდერსია". თუმცა საუბრები საქმედ არ გადაიქცა და ქართველი გარემარბი "რანდერსში" დარჩა.
ამიტომაც, ლობჟანიძე "ესბიერგთან" შეხვედრაში მოედანზე იქნება და სულ მცირე, ზამთრის სატრანსფერო ფანჯრამდე "რანდერსის" მაისურით ითამაშებს. ქართველი ფეხბურთელი დარჩენით აღფრთოვანებული არაა, თუმცა ტრანსფერის ვერგანხორციელებას უკვე შეეგუა.
"იმედგაცრუებული ვიყავი, როცა გავიგე, რომ ტრანსფერი არ განხორციელდებოდა, თუმცა ეს ყველაფერი უკვე წარსულში დარჩა. მე მიყვარს ფეხბურთის თამაში და არ აქვს დიდი მნიშვნელობა, ამას "რანდერსში" გავაკეთებ, "ბრონდბიუში" თუ რომელიმე სხვა კლუბში", - უთხრა საბამ Randers County newspaper-ს.
თუმცა, არავისთვისაა დასამალი, რომ "ბრონდბიუს" ძალიან უნდოდა ლობჟანიძის გადაბირება, თუმცა "რანდერსის" ხელმძღვანელობას შეთავაზებული თანხა ეცოტავა.
"მეც მსმენია ჭორები "ბრონდბიუს" შესახებ. ერთადერთი რამ, რაც ამის შესახებ შემიძლია ვთქვა, ისაა, რომ მომწონს "ბრონდბიუ", ეს დიდი კლუბია", - დაამატა საბამ.
ლობჟანიძეს "რანდერსთან" კონტრაქტი 2020 წლის ზაფხულში ეწურება. თუ კლუბს საბას ტრანსფერიდან სარგებლის მიღება სურს, ქართველი ან ზამთარში უნდა გაყიდოს, ან ხელშეკრულების გახანგრძლივებაზე დაითანხმოს.
"ბრონდბიუ" საბა ლობჟანიძის შეძენას სატრანსფერო ფანჯრის ბოლო დღესაც ცდილობდა, თუმცა...
საბა ლობჟანიძემ დანიაში დუბლი შეასრულა [VIDEO]
![ლევან შენგელიას გოლი - 2:3, მოპოვებული პენალტი - 3:3, საგოლე გადაცემა - 3:4 და "ქონიასპორი" სუპერლიგაში დარჩა [VIDEO]](/pictures/image7/cee1f338aec9ad4ff8dba5843654e648.jpg "ლევან შენგელიას გოლი - 2:3, მოპოვებული პენალტი - 3:3, საგოლე გადაცემა - 3:4 და \"ქონიასპორი\" სუპერლიგაში დარჩა [VIDEO]")
![ომი ანკარაში - ლობჟანიძის გუნდმა "გალათასარაის" მოუგო, თერიმმა "ანკარაგიუჯიუს" წარმომადგენლებს შეაგინა [PHOTO]](/pictures/image7/f8beb4cc830d5f2230c83002e47bd90e.jpg "ომი ანკარაში - ლობჟანიძის გუნდმა \"გალათასარაის\" მოუგო, თერიმმა \"ანკარაგიუჯიუს\" წარმომადგენლებს შეაგინა [PHOTO]")
