ქართველმა ძიუდოისტმა გურამ თუშიშვილმა ორთვიანი დისკვალიფიკაცია მიიღო.
შესაბამისად, მსოფლიოს მოქმედი ჩემპიონი თბილისის გრან პრის გამოტოვებს, რომელიც 29 მარტს დაიწყება და 31 მარტს დასრულდება.
ამის შესახებ ინფორმაციას საქართველოს ძიუდოს ფედერაცია "ფეისბუქზე" ავრცელებს.
"ძიუდოს საერთაშორისო ფედერაციის მიერ მიღებული გადაწყვეტილებით, გურამ თუშიშვილი თბილისის გრან პრიზე ვერ იჭიდავებს. ამის მიზეზი გახდა გურამ თუშიშვილის მონაწილეობა შარშან ყაზახეთში გამართულ კურაშის მსოფლიოს ჩემპიონატზე.
ძიუდოს საერთაშორისო ფედერაციის ახალი დებულების მიხედვით, ძიუდოისტებს, რომლებიც არიან ძიუდოს საერთაშორისო რეიტინგში, ეკრძალებათ სპორტის სხვა ძალისმიერ სახეობებში მონაწილეობა. თუშიშვილმა ორთვიანი დისკვალიფიკაცია მიიღო, რომლის ათვლა
25 მარტიდან დაიწყება", - წერია ფედერაციის განცხადებაში.
საქართველოს დედაქალაქს 55 ქვეყნიდან 429 ძიუდოისტი, მათ შორის, 238 კაცი და 191 ქალი ესტუმრება.
გურამ თუშიშვილს ყაზახეთში ნახევარფინალი წააგებინეს? - ის სკანდალისტად მონათლეს [VIDEO]
საქართველოს ძიუდოს ფედერაციამ თბილისის გრან პრისთვის ნაკრების შემადგენლობა გამოაცხადა
![თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]](/pictures/image7/a4ccd6611999cadf43d1c4c95c584039.png "თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]")
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
