დღეს, 7 ნოემბერს ბაქოში მიმდინარე ძიუდოს გრანდ სლემზე 4 ქართველი მოჭიდავე წარდგა, მათგან სამმა: ონისე სანებლიძემ, ლუკა მაისურაძემ და ბექა ღვინიაშვილმა ნახევარფინალში გასვლა მოახერხეს, სამწუხაროდ, სამივე დამარცხდა, თუმცა ბრინჯაოს მედლებისთვის ბრძოლა წარმატებით გააგრძელეს.
-90 წონით კატეგორიაში ბექა ღვინიაშვილი და ლუკა მაისურაძე გამოდიოდნენ. ლუკა 3 და ბექა 2 მოგებით ნახევარფინალში გავიდნენ. სამწუხაროდ, ღვინიაშვილმა კოსუკე მიშამასთან წააგო, მაისურაძემ მასპინძელ მამადალისთან. მათ ბრინჯაოს მედლები მოიპოვეს - ღვინიაშვილის მეტოქე კიდევ ერთი იაპონელი გოკი ტაჯიმა ,ხოლო მაისურაძის უზბეკი ერლან შეროვი იყვნენ და ორთაბრძოლებში ქართველმა სპორტსმენებმა
გაიმარჯვეს.
-100 წონით კატეგორიაშიც ორი ქართველი წარდგა - ონისე სანებლიძე და მიხეილ ჯაფარიძე. ცუდი ის იყო, რომ თითო ბრძოლის მოგების შემდეგ ქართველები ერთმანეთს 1/4-ფინალში შეხვდნენ. სანებლიძემ ჯაფარიძე დაამარცხა და 1/2-ფინალში გავიდა. სამწუხაროდ, იქ ონისე რუს ნიიაზ ბილალოვთან დამარცხდა, ბრინჯაოს მედლისათვის კი აზერბაიჯანელ ადილ კარიმლს აჯობა.
რაც შეეხება ჯაფარიძეს, მიხეილი რეპეშაჟში დამარცხდა და მედლისთვის ბრძოლას გამოეთიშა.
რაც შეეხება ჯაფარიძეს, მიხეილი რეპეშაჟში დამარცხდა და მედლისთვის ბრძოლას გამოეთიშა.
![იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]](/pictures/image7/08cc28cd274f2e85ffa1bcd94959c1aa.jpg "იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]")
