საქართველოს 23 წლამდე ძიუდოისტთა ნაკრებს ევროპის ჩემპიონატზე როგორც ინდივიდუალურად, ასევე გუნდურად წარმატებული გამოსვლა ჰქონდა - ტატო გრიგალაშვილი (81 კგ) და ილია სულამანიძე (100 კგ) ჩემპიონები გახდნენ, ვლადიმერ ახალკაცი (81 კგ), ალეკო მამიაშვილი (73) და სოფიო სომხიშვილი (78 კგ) - ვიცე-ჩემპიონები, გიორგი თუთაშვილი (66 კგ), გიორგი ჩიქოვანი (100 კგ) და გელა ზაალიშვილი (+100 კგ) - ბრინჯაოსპრიზიორები.ლომერ ჟორჟოლიანი, 23-წლამდელთა ნაკრების მთავარი მწვრთნელი:
"9 მონაწილიდან 7 მედალი ძალიან დიდი წარმატებაა. ჩვენმა მოჭიდავეებმა თავი მშვენივრად წარმოაჩინეს. მათი უმეტესობა ფართო საზოგადოებისთვის ცნობილია, მომავალში კი
რაც შეეხება გუნდურ ასპარეზობას - ჩვენი ნაკრები ევროპის ჩემპიონი გახდა, ფინალში კი რუსეთის ნაკრები (4:2) დაამარცხა. მას შემდეგ, რაც ეს შეჯიბრება შერეული (ქალ-ვაჟები) ფორმატით იმართება, იქ წარმატების მიღწევა ეროვნულ ნაკრებსაც უჭირდა. ასე რომ, ეს გამარჯვება კიდევ უფრო სასიხარულოა.
ჟორჟოლიანი: "რა თქმა უნდა, ეს შედეგი ერთგვარად, გასაკვირიც კია, თუმცა უკანასკნელ წლებში ქალთა ძიუდოს კუთხით სერიოზული მუშაობა მიმდინარეობს. მათაც ირწმუნეს, რომ შეუძლიათ - ისევე, როგორც იაპონელ თუ რუს ქალ სპორტსმენებს."
დავინტერესდით, რატომ გადაწყდა გრიგალაშილისა და სულამანიძის ასაკობრივ ნაკრებებში გამოსვლა, რადგან მათ ისედაც დატვირთული გრაფიკი აქვთ:
ჟორჟოლიანი: "ევროპის ჩემპიონობა სხვა კალიბრის ტიტულია, ვიდრე თუნდაც, პრესტიჟულ გრან-პრიზე გამარჯვება. ის მნიშვნელოვანი ფინანსური კუთხითაცაა. ასე რომ, ტატოსა და ილიას გაორმაგებული მადლობა ეკუთვნით."
U23. საქართველოს ძიუდოისტთა ნაკრებმა რუსეთი დაამარცხა და ევროპის ჩემპიონატი მოიგო
U23. გრიგალაშვილი და სულამანიძე ევროპის ჩემპიონები გახდნენ [VIDEO]
