ქართველმა ძიუდოისტმა ეთერ ლიპარტელიანმა (57 კგ) პარიზის ოლიმპიადაზე ასპარეზობა მედლის გარეშე დაასრულა. ის ბრინჯაოს მედლისთვის ბრძოლაში ტოკიოს ოლიმპიადის ვერცხლისმედალოსანთან, მასპინძელ სარა ლეონ სისიკესთან დამარცხდა.
იქამდე ლიპარტელიანმა დიდი ბრიტანეთის სახელით მოასპარეზე ლელე ნაირნეს და უზბეკ შუხურჯონ ამინოვას სძლია, მეოთხედფინალი ოლიმპიურ და მსოფლიოს ჩემპიონთან, ბრაზილიელ რაფაელა სილვასთან წააგო, რეპეშაჟის ნახევარფინალი კი მონღოლ ენხრილენ ლხაგვატოგოს მოუგო.
ლიპარტელიანი, ისევე, როგორც ტოკიოს ოლიმპიადაზე, ამჯერადაც მეხუთე ადგილზე გავიდა.
ზაფხულის 33-ე ოლიმპიურ თამაშებში საქართველოდან სპორტის 10 სახეობაში (ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი ასპარეზობს.
შეგახსენებთ, ხვალ საქართველოს ნაკრების სახელით ტატამზე ტატო გრიგალაშვილი (-81 კგ) და ეთერ ასკილაშვილი (-63 კგ) წარდგებიან.
ეთერ ლიპარტელიანი რაფაელა სილვასთან დამარცხდა და რეპეშაჟში გადაინაცვლა [VIDEO]
ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]
![ეთერ ლიპარტელიანი რაფაელა სილვასთან დამარცხდა და რეპეშაჟში გადაინაცვლა [VIDEO]](/pictures/image7/2d7f27e43335821ac2107869c9699c48.png "ეთერ ლიპარტელიანი რაფაელა სილვასთან დამარცხდა და რეპეშაჟში გადაინაცვლა [VIDEO]")
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
ჩემი აზრით, რაც უნდა გამოასწორო ისაა, რომ კარგად გაანალიზე ის პაექრობები, სადაც დამარცხდი. მუდმივად შეტევაზე ხარ და სულ რისკავ. მაგ: ვაზარით აგებ და წინ 3 წუთი გაქვს. პირველივე წუთზე რატომ რისკავ? დაელოდე შანსს
მსგავსად ჭიდაობდა ხოლმე ტატო გრიგალაშვილი, იგებდა თუ აგებდა, სულ შეტევაზე იყო და რისკავდა მნიშვნელოვნად. მაგის გამო ვერ აიღო მედალი წინა ოლიმპიადაზე. როგორცვე დახვეწა ეს მოცემულობა, მას შემდეგ სულ ჩემპიონია!