
დღეს, 12 მაისს სტარტი აიღო წლის რიგით მესამე სუპერტურნირმა - ნაცუ ბაშო.
სეკივაკეს რანგში დაქვეითებულმა ტოჩინოშინმა ტურნირი გამარჯვებით დაიწყო, ქართველი ფალავანის მეტოქე მე-3 მაეგაშირა ჩიოტაირიუ იყო, რომელიც გორგაძემ დოჰიოდან საყვარელი ილეთით - იორიკირით გადაიყვანა.
ტოჩინოშინის მეორე მეტოქე მე-2 მაეგაშირა დაიეიშოს იქნება, რომელთანაც ქართველს ბალანსი 5:1-ზე აქვს.
გამარჯვებით დაიწყო ტურნირი გაგამარუმაც, რომელმაც ჯურიო დივიზიონში დაიშომარუ დაამარცხა. ის ხვალინდელ ორთაბრძოლაში კიოკუტაიესს დაუპირისპირდება.
ტოჩინოშინმა ოძეკის ტიტული გასულ ბაშოზე დაკარგა და თუ ამ ტურნირზე 15-დან 10 ბრძოლის მოგებას მოახერხებს, ოძეკის ტიტულს დაიბრუნებს.
![ნაცუ ბაშო. I დღე: ქართველებმა გამარჯვებით დაიწყეს - ტოჩინოშინი წინ ოძეკობისკენ [VIDEO] Sportall.Ge](http://video.ambebi.ge/files-6/2019/05-12/gaga.jpg)
12.05.19. გაგამარუ-დაიშომარუ