აკი ბაშოს დასრულების შემდეგ სუმოისტები ერთთვიან საშემოდგომო ტურში ჩაერთნენ. ამ პერიოდში ისინი მთელ იაპონიას მოივლიან და საჩვენებელ ბრძოლებს გამართავენ.
ტოჩინოშინისთვის ეს იდეალური პერიოდია ფორმაში შესასვლელად და მეტოქეების წინააღმდეგ ტაქტიკის შესამუშავებლად, რადგან მას კიუშუ ბაშოზე ათი გამარჯვება სჭირდება, რომ ოძეკის წოდება დაიბრუნოს.
სუმოისტები ქალაქ ნანაოსა და კანაზავაში იმყოფებოდნენ. ქართველი სეკიტორი კანაზავაში გამოჩნდა და საჩვენებელი ბრძოლა ჯურიო ლიგის მეთერთმეტე ნომერს, 21 წლის კოტონოვაკას გაუმართა.
ვიდეოშიც ჩანს, რომ ქართველ ფალავანს მარჯვენა მუხლის ტრავმა კვლავ აწუხებს და სათანადოდ ვერ ეყრდნობა. მას ერთი თვე აქვს, რომ სრული რეაბილიტაცია მოახდინოს.
იოკოძუნას თმები შეჭრეს - სუმოს სამყარო კისენოსატოს დაემშვიდობა [VIDEO]
![ჰარუ ბაშო. XV დღე [LIVE]](/pictures/image7/c310616094a6ce67c25ebfee9a21b247.jpg "ჰარუ ბაშო. XV დღე [LIVE]")
