21 ოქტომბერს ბუდაპეშტში მსოფლიოს ჩემპიონატზე თავისუფალი სტილით ჭიდაობაში ოქროს მედალი გენო პეტრიაშვილმა მოიპოვა, ვერცხლის მედალი კი ავთანდილ კენჭაძემ.
პეტრიაშვილმა (125 კგ) რუსების ჩეჩენ ფალავან ანზორ ხიზრიევს და ირანელ ფავრიზ ჰადის მოუგო, ხოლო ფინალში ჩინელ ჟივეი დენგის სძლია (6:0) და ჩემპიონი გახდა. ის მეორედ გახდა მსოფლიოს ჩემპიონი!
კენჭაძემ (74 კგ) აზერბაიჯანელი აბუბაქაროვი და თურქი სონერ დემირთაში დაამარცხა, ფინალში კი რუსეთის წარმომადგენელ ზაურბეკ სიდაკოვთან დამარცხდა. არადა, თავიდან 2:0-ს იგებდა, მაგრამ შემდეგ ანგარიში გათანაბრდა და რადგან ბოლო ქულა მეტოქემ აიღო, მოგება მას ჩაეთვალა.
სამწუხაროდ მეოთხედფინალში რუსეთის წარმომადგენელ ახმედ ჩაკაევთან დამარცხდა ლადო ხინჩეგაშვილი (65 კგ).
ასევე დამარცხდა მეოთხედფინალში დავით ხუციშვილი (86 კგ) და ხვალ დამამშვიდებელ წრეში ბრინჯაოსთვის გააგრძელებს ბრძოლას.
ასევე დამამშვიდებელ წრეში იჭიდავებს დავით მარსაგიშვილი (92 კგ).
ბექა ლომთაძემ (61 კგ) მეოთხედფინალში იაპონელ კოიანაგის 11:0 სძლია, ნახევარფინალში რუსეთის წარმომადგენელ ჰაჯიმურად რაშიდოვთან დამარცხდა და ნახევარფინალი მონღოლ ტუვშინტულგა ტუმენბულეგთან წააგო.
ხვალ ტურნირში მსოფლიოს ჩემპიონი ზურაბ იაკობიშვილი (70 კგ) და ელიზბარ ოდიკაძე (97 კგ) ჩაებმებიან.
ბუდაპეშტი 2018. ხუციშვილს და მარსაგაშვილს ბრინჯაოს მოგების შანსი აქვთ, გოგავა და ხინჩეგაშვილი ტურნირს გამოეთიშნენ
კენჭაძე და პეტრიაშვილი მსოფლიოს ჩემპიონატის ფინალში გავიდნენ, ლომთაძე მესამე ადგილისთის იბრძოლებს [VIDEO]
![ავთანდილ კენჭაძემ რუსეთის წარმომადგენელს დამაჯერებლად სძლია და მსოფლიოს ჩემპიონი გახდა [VIDEO]](/pictures/image7/a9a853db5912deb89ee5e824e4fb54e3.jpg "ავთანდილ კენჭაძემ რუსეთის წარმომადგენელს დამაჯერებლად სძლია და მსოფლიოს ჩემპიონი გახდა [VIDEO]")
![ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]](/pictures/image7/750fd0b624893064c266d2944d2b72a1.png "ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]")
