22 ოქტომბერს ბუდაპეშტში მსოფლიოს ჩემპიონატზე თავისუფალი სტილით ჭიდაობაში ორი ქართველი მოჭიდავე ნახევარფინალში გავიდა, ორმა კი ბრინჯაოს მოპოვების შანსი გაუშვა ხელიდან.
ზურაბ იაკობიშვილმა (70 კგ) ტეიმურაზ სალკაზანოვს და უზბეკ იხტიარ ნავრუზოვს სძლია და ნახევარფინალში რუსეთის წარმომადგენელს, მაგომედრასულ გაზიამაგომედოვს შეხვდება.
ელიზბარ ოდიკაძე (97 კგ) ვენესუელელ ხოსე დანიელ დიაზ რობერტის და აზერბაიჯანელ ასლანბეკ ალბოროვს მოუგო და ნახევარფინალში რუსეთის წარმომადგენელ, ოლიმპიურ და მსოფლიოს ჩემპიონ აბდულრაშიდ სადულაევს შეებრძოლება.
დავით ხუციშვილმა (79 კგ) ანგოლელი ფრანსისკო დე დეუს კადიმა და თურქი აიჰან სუჯუ დაამარცხა, მეოთხედფინალი ამერიკელ კაილ
დუგლას დეიკთან წააგო, სანუგეშო რაუნდში გერმანელ მარტინ ობსტს 10:0 მოუგო და მესამე ადგილისთვის ბრძოლაში ახმედ გაჯიმაგომედოვთან (რუსეთი) დამარცხდა.
დავით მარსაგიშვილმა (92 კგ) რეპეშაჟში მოლდოველ ნიკოლაი ჩებანს 8:0 სძლია და ბრინჯაოს მედლისთვის ბრძოლაში ირანელ ალირეზა მოჰამად კარიმიმაჩიანისთან დამარცხდა.
ზურაბ იაკობიშვილი და ელიზბარ ოდიკაძე მსოფლიოს ჩემპიონატის ნახევარფინალში გავიდნენ
![ლომთაძის ვერცხლი და კენჭაძის ბრინჯაო ევროპირველობაზე - პეტრიაშვილის ოქროს ველით [VIDEO]](/pictures/image7/0126e84159caa3dd06ae8503ac6a1bf7.jpg "ლომთაძის ვერცხლი და კენჭაძის ბრინჯაო ევროპირველობაზე - პეტრიაშვილის ოქროს ველით [VIDEO]")
