იაკობაშვილი და ოდიკაძე ნახევარფინალში დამარცხდნენ და ბრინჯაოს მედლებისთვის იჭიდავებენ

22 ოქტომბერს, ბუდაპეშტში მსოფლიოს ჩემპიონატზე თავისუფალი სტილით ჭიდაობაში, ნახევრფინალში ზურაბ იაკობიშვილი (70 კგ) და ელიზბარ ოდიკაძე (97 კგ) დამარცხდნენ.

იაკობიშვილმა ტეიმურაზ სალკაზანოვს და უზბეკ იხტიარ ნავრუზოვს სძლია, ნახევარფინალში რუსეთის წარმომადგენელთან, მაგომედრასულ გაზიამაგომედოვთან დამარცხდა და მესამე ადგილისთვის იჭიდავებს.

ოდიკაძემ ვენესუელელ ხოსე დანიელ დიაზ რობერტის და აზერბაიჯანელ ასლანბეკ ალბოროვს მოუგო, ნახევარფინალი ოლიმპიურ და მსოფლიოს ჩემპიონ აბდულრაშიდ სადულაევთან (რუსეთი) წააგო და დღეს ბრინჯაოს მედლის მოპოვებას შეეცდება.

დავით ხუციშვილმა (79 კგ) ანგოლელი ფრანსისკო დე დეუს კადიმა და თურქი აიჰან სუჯუ დაამარცხა, მეოთხედფინალი ამერიკელ კაილ დუგლას

დეიკთან წააგო, სანუგეშო რაუნდში გერმანელ მარტინ ობსტს 10:0 მოუგო და მესამე ადგილისთვის ბრძოლაში ახმედ გაჯიმაგომედოვთან (რუსეთი) დამარცხდა.

დავით მარსაგიშვილმა (92 კგ) რეპეშაჟში მოლდოველ ნიკოლაი ჩებანს 8:0 სძლია, ბრინჯაოს მედლისთვის ბრძოლაში კი ირანელ ალირეზა მოჰამად კარიმიმაჩიანისთან დამარცხდა.

alt ზურაბ იაკობიშვილი და ელიზბარ ოდიკაძე მსოფლიოს ჩემპიონატის ნახევარფინალში გავიდნენ