<p>13 მაისს წვიმდა, გარეთაც წვიმდა და სპორტის სასახლეშიც <br> 13 მაისს წვიმდა. გარეთაც წვიმდა და სპორტის სასახლეშიც. არ გეგონოთ, დარბაზში წყალი ჩამოვიდა - სამქულიანები წვიმდა. ჰოდა, ვისაც სამქულიანებისგან დასაცავად ქოლგა არ ჰქონდა, დასველდა და სერიაში ჩამორჩა. "შსს აკადემიამ" "ბათუმს" 12 შორეული ტყორცნა ჩაუგდო და 106:84 დაამარცხა, ხოლო ""რუსთავმა" "დინამოს" 18 სამქულიანით მოუგო. სხვათა შორის, 18 სამიანი მიმდინარე სეზონის რეკორდის გამეორებაა, ამდენი მხოლოდ "შსს აკადემიას" ჰქონდა 28 მარტს, მასაც "დინამოსთან".</p><p><span style="text-decoration: underline;">13 მაისი. თბილისი. სპორტის სასახლე</p><p></span><em><strong>შსს აკადემია-ბათუმი 106:84</p><p></strong></em>31:20, 28:24, 31:25, 16:15</p><p>შსს აკადემია: ბერიშვილი (10ქ, 5პ), მეტრეველი (14ქ), როგავა (9ქ), ჩიკვილაძე (15ქ), ცინცაძე (21ქ, 5პ, 4ჩ), შარაბიძე (17ქ, 7მ), წივწივაძე (4ქ, 5მ, 5პ), ლომოური (14ქ, 6მ), ბიბილური, ნადირაძე (2ქ).</p><p>ბათუმი: იანგი (26ქ, 5პ), რამიშვილი (8ქ), ფევაძე, მიქელაძე (11ქ), ელიაშვილი (8ქ), ლ. რევაზაშვილი (2ქ), კელოგი (17ქ), ფელჩერი (10ქ, 5მ), ელიაძე (2ქ).</p><p>მსაჯები: მ. კუპატაძე, დ. ბერეკაშვილი, ი. ბერიშვილი.</p><p>სერიაში ანგარიშია 1:0</p><p><strong>გადამწყვეტი.</strong> მეორე პერიოდის დასაწყისში ბექა ჩიკვილაძემ სამქულიანით 9:0 გაქცევას ჩაუყარა საფუძველი და მეცხრე ქულაც თავად ჩააგდო, რის შემდეგაც ტაბლოზე "შსს აკადემიას" სასარგებლოდ 40:22 დაფიქსირდა. მართალია, მატჩის დასრულებამდე 28 წუთი რჩებოდა, მაგრამ მაინც თამამად შეიძლებოდა იმის თქმა, რომ მასპინძლები უპირატესობას ხელიდან აღარ გაუშვებდნენ. მათ წინ კარგი გაკვეთილი ჰქონდათ - მეოთხედფინალში "სოხუმთან" დაპირისპირებებისას წამიერი მოდუნებაც კი ძვირად უჯდებოდათ.</p><p><strong>სტატისტიკა არ ტყუის.</strong> როცა მოხსნებში 48:36-ს იგებ, მეტოქეზე 6-ით მეტ ორქულიანს და 5-ით მეტ სამიანს აგდებ, ლოგიკურად, უნდა გაიმარჯვო კიდეც. ლოგიკამ სწორედ "შსს აკადემიის" მოგება დააფიქსირა.</p><p><strong>გამორჩეული.</strong> მასპინძელთაგან ერთბაშად 6 კალათბურთელი ასცდა 10-ქულიან ნიშნულს. ეს გუნდური თამაშის მანიშნებელია. თუმცა სროლის სიზუსტეზე თუ მიდგება საქმე, გიორგი ცინცაძე უნდა გამოვარჩიოთ, რომელიც ფინალის მოახლოებასთან ერთად, უფრო და უფრო სახიფათო ხდება. ბუმ (ცინცაძის მეტსახელი) შესაშური სიზუსტით ისროლა: 1-დან 1 ორქულიანი, 7-დან 5 სამიანი, 4-დან 4 საჯარიმო - სულ 21 ქულა. ბათუმელთა რიგებში 26 ქულით ბობ ჯინ იანგი გამოირჩა.</p><p><span style="color: #ff0000;"><strong></p><p>ნამატჩევს </strong></span></p><p><strong>კოტე ტუღუში</strong> ("შსს აკადემიის" მთავარი მწვრთნელი):</p><p>- ველოდით, რომ რთული თამაში იქნებოდა და ასეც მოხდა. დიდი ნერვიულობა შეგვხვდა ორი დღის წინ "სოხუმთან". ამის მიუხედავად, ბიჭებმა მოახერხეს მობილიზება, ძალების აღდგენა და მოედანზე კონცენტრირებულები გავედით. დავამარცხეთ საკმაოდ ძლიერი მეტოქე "ბათუმი", რომელსაც მართლაც კარგი მწვრთნელი ჰყავს. ეს ფინალისკენ გადადგმული პირველი ნაბიჯია, 14 მაისს უფრო დაძაბულ შეხვედრას ველით.</p><p><strong>დავით უსტიაშვილი</strong> ("ბათუმის" მთავარი მწვრთნელი):</p><p>- "შსს აკადემია" სერიოზული გუნდია. მასთან, ფაქტობრივად, ყველა კომპონენტში წავაგეთ. 106 ქულა, მგონია, არასდროს მიგვიღია. ეს ჩვენი ბრალიცაა და მეტოქის ძალიან კარგი თამაშისაც. ვეცდებით, მომდევნო მატჩისთვის, პირველ რიგში, დაცვაში შეცდომები გამოვასწოროთ.</p><p><span style="text-decoration: underline;">13 მაისი. თბილისი, სპორტის სასახლე</span></p><p><em><strong>დინამო-რუსთავი 82:84</p><p></strong></em>12:21, 31:23, 14:20, 25:20</p><p>დინამო: გამყრელიძე (11ქ, 7პ), ბ. ლეჟავა (14ქ, 5მ), ვახანია (2ქ), ლონდარიძე (17ქ), დიდია, მათიაშვილი (9ქ), ორმოცაძე, შერმანი (26ქ, 16მ), ბაბუნაშვილი (3ქ).</p><p>რუსთავი: ჰამსი (9ქ), ცეკვავა (18ქ, 5პ), ოგლესბი (12ქ), აბაიშვილი (7ქ), ჩაჩანიძე, ყველაშვილი (3ქ), ჭოჭუა (20ქ, 3პ, 4დ), ხმელიძე, ტუჯანი (3ქ), დვალიშვილი (12ქ, 11მ, 4პ, 3დ).</p><p>მსაჯები: მ. კუპატაძე, ზ. მაჩალაძე, დ. ბერიშვილი.</p><p>სერიაში ანგარიშია 0:1</p><p><strong>გადამწყვეტი.</strong> მატჩის დასრულებამდე 8:58 წუთით ადრე "რუსთავი" ოდენ 2 ქულით იგებდა, თუმცა ამის შემდეგ ქვემოქართლელებმა ერთმანეთის მიყოლებით სამი სამქულიანი (ერთი ცეკვავამ, ორი - ოგლესბიმ) ჩააგდეს და წინ გაიჭრნენ - 73:62. დინამოელმა გამყრელიძემ უმალ სამქულიანით უპასუხა და კინაღამ ეს აღმოჩნდა მატჩის საკვანძო ეპიზოდი. "კინაღამო", იმიტომ დავწერეთ, რომ "დინამომ" ამის შემდეგ ანგარიშში სხვაობის შემცირებას მიჰყო ხელი და დრო რომ ჰყოფნოდა, ეგებ გაეთანაბრებინა კიდეც.</p><p>თუმცა ოგლესბისა და ცეკვავას დაწყებული საქმე კარგად განაგრძო მიხეილ ჭოჭუამ - ბოლო წუთებზე ჩაგდებული სამქულიანებით "დინამოს" დიდი თავსატეხი გაუჩინა. აქვე უნდა აღინიშნოს: საფინალო სირენამდე 1:06 წუთით ადრე ჭოჭუას ფეხი გადაუბრუნდა და თამაშის გაგრძელება ვეღარ შეძლო. ბოლო ხუთ წუთში თბილისელთა მეფარე გარიკ შერმანმა 10 ქულა ჩააგდო და მატჩის დასრულებამდე წუთით ადრე ანგარიშში ჩამორჩენა ორამდე დაიყვანა (82:84).</p><p>საქმე იქამდე მივიდა, რომ "დინამოს" თამაშის გადასარჩენად 5 წუთი დარჩა: საჭირო იყო ორქულიანის ჩაგდება და მატჩი ოვერტაიმში გადავიდოდა, თუმცა გამყრელიძის ფარქვეშ შესვლის შემდეგ ლონდარიძის ტყორცნამ მიზანს ვერ მიაღწია და სერიაში ანგარიში "რუსთავმა" გახსნა - 1:0.</p><p><strong>სტატისტიკა არ ტყუის.</strong> დინამოელებს სოლიდური უპირატესობა ჰქონდათ ფარქვეშ: ბურთი 42-ჯერ მოხსნეს (რუსთაველებმა - 30-ჯერ), სამწამიანიდან 46 ქულა ჩააგდეს ("რუსთავმა" ოდენ 18). რა უნდა ქნას მეტოქემ ისეთი, რომ დინამოსნაირი სტატისტიკის გუნდმა მატჩი წააგოს? პასუხი მიხეილ ბერუაშვილის შეგირდებმა შემოგვთავაზეს: 84 ქულიდან 54 სამქულიანებით მოაგროვეს - 18 სამიანი გამოიყენეს (39 სტყორცნეს).</p><p><strong>გამორჩეული.</strong> მატჩის ბომბარდირი 26 ქულით გარიკ შერმანი გახდა (16 მოხსნა), თუმცა საუკეთესო მაინც გამარჯვებულთა რიგებში უნდა ვეძებოთ. პოვნა ნამდვილად გაგვიჭირდება: ჭოჭუამ 4 სამქულიანი ჩააგდო, ჰამსმა - 3 (სამიდან), ცეკვავამ - 4, ოგლესბიმ - 4, აბაიშვილმა - 2. ცენტრმა აკაკი დვალიშვილმაც ისროლა, მაგრამ შორეული ტყორცნები ვერ გამოიყენა, თუმცა ფარქვეშ ბევრი იშრომა და ორმაგი დუბლიც გაიფორმა - 12 ქულა, 11 მოხსნა.</p><p><strong><span style="color: #ff0000;">ნამატჩევს</p><p></span>ირაკლი ხოშტარია</strong> ("დინამოს" მთავარი მწვრთნელი):</p><p>- მოწინააღმდეგემ კარგად ითამაშა. ვერ შევძელით პერიმეტრის გაკონტროლება. "ფარი" მოგებული გვაქვს, დაკარგვებიც ნაკლები გვაქვს... თუმცა ფაქტია, რომ დაცვაში ცუდად ვითამაშეთ, 84 ქულა მივიღეთ. ასე თამაშის მოგება რთულია. დისციპლინის პრობლემაც გვქონდა. შევეცდებით, მეორე მატჩში ეს შეცდომები აღარ გავიმეოროთ. სერია 3 მოგებამდეა, 0:1 ვაგებთ. ამიტომ არაფერია გადაწყვეტილი.</p><p><strong>მიხეილ ბერუაშვილი</strong> ("რუსთავის" მთავარი მწვრთნელი):</p><p>- მივულოცავ ჩემს გუნდს პირველი თამაშის მოგებას და მადლობას ვეტყვი "დინამოს". პლეი ოფებია და ბუნებრივია, დაძაბული თამაში იყო, ყველაფერი ბოლო წამებზე გადაწყდა. მაქსიმალურად ვიბრძოლებთ და დავიხარჯებით, რომ სერიაში წარმატებას მივაღწიოთ.</p><p><strong>გოგა ცეკვავა</strong> ("რუსთავი"):</p><p>- კარგად ვიყავით მომზადებულები, პერიმეტრიდანაც გამოგვივიდა სროლები და შედეგსაც მივაღწიეთ. "დინამოს" მადლობა კარგი თამაშისთვის. შევეცდებით, შემდეგ შეხვედრებშიც ასე გავაგრძელოთ.</p><p><span style="text-decoration: underline;">13 მაისი. თბილისი, "არენა"</span></p><p><em><strong>ოლიმპი-მგზავრები/არმია 58:75</p><p></strong></em>16:12, 14:28, 17:15, 11:20</p><p>ოლიმპი: კვანტალიანი (1ქ, 5მ), ლობჟანიძე (3ქ), აბულაძე, კოკა ტომარაძე (4ქ), ბაქრაძე, კახა ტომარაძე, გოგოძე (21ქ, 5პ), მირზიაშვილი (4ქ, 3დ), დუიკოვიჩი (12ქ, 9მ), ცირეკიძე (5ქ), ნოსკოვი (8ქ, 6მ).</p><p>მგზავრები-არმია: ჯექსონი (16ქ, 4პ), ს. ლეჟავა (2ქ), ჩაჩიბაია (6ქ), მაისურაძე (2დ), ბოქოლიშვილი (12ქ, 4პ), ზაქრაძე, ათანელიშვილი (4ქ, 5მ), მაკქინი (10ქ, 18მ, 5პ, 2დ), ჯინჭარაძე (13ქ, 5მ), იოსელიანი (12ქ, 7მ, 4ჩ).</p><p>მსაჯები: დ. ბერეკაშვილი, დ. ბერიშვილი, მ. ვართანოვი.</p><p>სერიაში ანგარიშია 0:1</p><p><span style="text-decoration: underline;">დღეს. თბილისი, სპორტის სასახლე</p><p></span>14:00 შსს-ბათუმი</p><p>16:00 დინამო-რუსთავი</p><p>18:00 მგზავრები-ოლიმპი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
გაფრინდაშვილის გმირობა და რუსთავის ზედიზედ მე-4 გამარჯვება
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
"ქუთაისმა" "ოლიმპი" ისევ ბოლო წამებზე დაამარცხა
გიორგი ცინცაძე ფრანგულ "გრაველინში" ითამაშებს
crocobet დიდი 10 | "ბათუმი" საქართველოს ჩემპიონია!
სუპერლიგა. "იუვენტუსმა" ნეიტარლური პოზიცია დაიკავა
თსუ-მ სუპერთასი დაიცვა - უნივერსიტეტელებმა "ბათუმი" დამაჯერებლად დაამარცხეს
"დინამოსთან" მატჩამდე 2 კვირით ადრე "სლოვანმა" "მილანის" ყოფილი ფეხბურთელი დაიმატა
გიორგიოს კეცელიდისი: ზუროსი საქართველოს ნაკრებისთვის დიდებული ვარიანტია
ბექა წივწივაძე: ჩემპიონობა და სუპერთასი კარგია, თუმცა ეს არ არის ყველაფერი...
VIDEO | ეროვნული ლიგა | ტორპედო 0-1 რუსთავი. უფრო ახლოს გასავარდნ ზონასთან...
"წიტაიშვილმა "დინამო" ძალიან ულამაზოდ დატოვა, მაქვს ინფორმაცია, რომ..." - უკრაინელი ჟურნალისტი ქართველი ფეხბურთელისა და ლუჩესკუს საუბარზე ჰყვება
ფევაძის სარეკორდო 23 მოხსნა და გამარჯვების ბურთი "მგზავრების" კალათში
VIDEO | ეროვნული ლიგა | რუსთავი 2-0 სამგურალი. დამსახურებული გამარჯვება, ბრძოლა გრძელდება!
VIDEO | ეროვნული ლიგა | რუსთავი 0-2 იბერია 1999. მძიმე ყოფილა ლიდერის ტვირთი...
"დინამოს" ჩვენზე 50-ჯერ მეტი ბიუჯეტი აქვს! ქართულ გიგანტს ვეთამაშეთ..." - რა თქვა "მონრარის" აღფრთოვანებულმა მწვრთნელმა ისტორიული გამარჯვების შემდეგ
სულაქველიძე შესაძლოა, რუსეთიდან წავიდეს - ახალგაზრდა ფეხბურთელს სლოვაკეთში ეპატიჟებიან
"ქუთაისი 2010" საქართველოს ჩემპიონი მეორედ გახდა
"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ
სპალეტი: ბოდიშს ვიხდი, მაგრამ სიტუაცია საგანგაშოა
1/4-ფინალურ სერიებში "ტიტები" და "მგზავრები" დაწინაურდნენ – რუსთავში კი ფრე დაფიქსირდა
"დინამოს" ფეხბურთელმა "მონრართან" მატჩში რეკორდი დაამყარა
შსს აკადემია-დინამო 84:76 - ესეც სუპერთასი, ახლა ევროთასი
VIDEO | დავით ყიფიანის სახელობის საქართველოს თასი | გაგრა 2-1 რუსთავი. ჩაგდებული ტაიმის ფასი - "გაგრა" მეოთხედ გავიდა ფინალში!
"მგზავრებმა" რუსთავში იმარჯვა და ცხრილის ფსკერს თავი დააღწია
"ბათუმმა" "მგზავრები" ბოლო წუთებზე გატეხა და სუპერლიგაში გალიდერდა
ფიბა ევროპის თასი "თბილისი არენაზე": "ბათუმი" ჩეხურ "ოპავას" უმასპინძლებს
ოლიმპმა ქუთაისი დაამარცხა და სუპერლიგის ლიდერს გაუთანაბრდა
ისტორიული მოგება ჩემპიონთა ლიგაზე | "ბათუმის" გამარჯვება და ოჩხიკიძის გმირობა
"ასე უნდა ფიქრობდეს ნაკრების ყველა კალათბურთელი ევრობასკეტის წინ"
"კავკასიამ" და "რუსთავმა" იმარჯვეს და სუპერლიგის ლიდერ "ოლიმპს" გაუთანაბრდნენ
VIDEO | ეროვნული ლიგა | რუსთავი 3-1 დილა. ვის არგო და ვის აწყინა სანაკრებო პაუზამ?
"ნაპოლიმ" "დინამოს" წერილი მისწერა, რომ..." - კვარაცხელიას იტალიური თავგადასავალი იწყება, ხვიჩა ნეაპოლში მიფრინავს!
"ქუთაისმა" ფინალური სერია გამარჯვებით გახსნა
სუპერლიგის XV ტური დასრულდა | "ბათუმმა" "თელავი" დაამარცხა
ევროსასამართლომ განაჩენი გამოიტანა - როდის მიიღებს პერესი სუპერლიგის შექმნაზე თანხმობას?
სუპერლიგა. კატასტროფის წინაშე - "ნაპოლი" შეიძლება მწარედ დასაჯონ
დასაფიქრებელი კი არა, საგანგაშო: "შსს აკადემია" ევროჩელენჯზე არ ითამაშებს!
"ნაპოლის" სუპერლიგაში ასპარეზობა სურს, ევროპული ფეხბურთი გახლეჩის პირასაა - დამარცხებული სასიკვდილო დარტყმას მიიღებს
"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა
VIDEO | ეროვნული ლიგა| ნინუას სტანდარტი და არაფრისმომცემი ქულები
გიორგი კორსანტიას 32 ქულა, 18 მოხსნა და თსუ-ს გამარჯვება "მგზავრებთან"
"მგზავრები", "ტიტები" და თსუ თასის გათამაშების ნახევარფინალში გავიდნენ
"ქუთაისმა" "ოლიმპს" კვლავ მოუგო და სუპერლიგის ჩემპიონობას მიუახლოვდა