<p>...ეს საქართველოს ფეხბურთელთა ნაკრების კი არა, სკოლიდანვე არასწორი მიდგომის ბრალია!</p><p><br> ამერიკაში დიდი ტრამპაცუმპაა - ტრამპმა არჩევნები მოიგო, საქართველოშიც დიდ მოგებებს ველით - ჯერ რაგბიში იაპონიასთან, შემდეგ ფეხბურთში მოლდოვასთან... ამ თემებს "ტაიმლაინში" გვერდს როგორ ავუვლიდით, მაგრამ ჯერ წიგნი უნდა გადავშალოთ: მეორე კლასის "ჩვენი ენა ქართული", რომლის ავტორები არიან ნ. მაღლაკელიძე და ც. ყურაშვილი.</p><p>მავანმა შეიძლება გაიკვირვოს: სპორტულ გაზეთში რა ესაქმებათ დონალდ ტრამპს, ნ. მაღლაკელიძეს, ან ც. ყურაშვილს?! ახლავე განგიმარტავთ. გადავშალოთ წიგნი მე-19 გვერდზე.</p><p><strong>"დავალება #2. გაარკვიეთ, რას გამოხატავენ ქვემოთ მოცემული ძახილის წინადადებები:</p><p>1. ვიშ, გაზაფხული მოდის მორთული!</p><p>...4. როგორ გამიჭირდა ამოცანის ამოხსნა!</p><p>5. ჩვენმა ფეხბურთის ნაკრებმა კვლავ წააგო!"</strong></p><p>რა შეიცვლებოდა ზედა წინადადებიდან, პატივცემულ ფილოლოგებს "კვლავ" რომ ამოეგდოთ? მათთვის არაფერი, ჩვენთვის ბევრი რამ შეიცვლებოდა - მათი ნაშრომი "ტაიმლაინში" ვეღარ მოხვდებოდა, რადგან მივიღებდით ასეთ წინადადებას: ჩვენმა ფეხბურთის ნაკრებმა წააგო. "კვლავ წააგოო" ბავშვი რომ წაიკითხავს, გაუჩნდება "წამგებიან" სპორტზე მისვლის ან მამასთან ერთად თამაშის საყურებლად წასვლის სურვილი?</p><p>იმის ნაცვლად, რომ პატარებს სპორტისადმი ინტერესი გავუღვივოთ, მეორე კლასიდანვე ინტერესს ვუკლავთ. სამწუხაროდ, სპორტისადმი მსგავს მიდგომას განათლების სფეროში ხშირად შევხვედრივართ. მეზობლის ბავშვს აქვს მოყოლილი, როგორ დაამზადეს პლაკატი წარწერით: "გაგვიყვანეთ ფიზკულტურაზე დარბაზში!"</p><p>დიახ, სკოლებში სპორტის გაკვეთილების ნაცვლად მათემატიკა, ქართული ან უბრალოდ, საუბრის გაკვეთილები ტარდება. მაშინ, როცა სკოლიდან შინ მისული ბავშვი კომპიუტერს მიახტება და ზედვე დაეძინება, როგორ შეიძლება სკოლაში მაინც არ ჰქონდეს ერთი გაკვეთილი, ხელ-ფეხი რომ გაამოძრაოს?! ფაქტია, ასეთ მასწავლებლებს სულ არ ანაღვლებთ ბავშვის ჯანმრთელობა, შვილს კომპიუტერთან დიდი ხნით ვინც უშვებს, არც იმ მშობელს ანაღვლებს.</p><p>ჰოდა, თუ ჯანსაღი მომავალი თაობა სურს, განათლების სამინისტრომ უნდა მიაქციოს ყურადღება ფიზკულტურის თუ სპორტის გაკვეთილებს.</p><p>სკოლებში სპორტისადმი მიდგომა, სპორტული პოლიტიკაა შესაცვლელი. როგორ შეიძლება დარბაზში ერთი კალათბურთის ფარი არ ეკიდოს, არ იყოს გოგონებისთვის და ვაჟებისთვის ცალ-ცალკე გამოსაცვლელი...</p><p>ბავშვების საუბარს მივაყურადე. ერთი სიხარულით ეუბნებოდა: დარბაზში კალათები ჩამოგვიკიდესო. ეს აპრილში მოხდა, მანამდე მთელი სეზონი უკალათო ფარები ეკიდა.</p><p>ესეც ჩემი ყურით მაქვს მოსმენილი: "ფიზკულტურაზე სულ სირბილით ჩავედით, გვეგონა, ფეხბურთს ან კალათბურთს ვითამაშებდით... კალათბურთის ბურთი არ გვაქვს, ჩემს კლასელს წამოღება დავიწყებოდა. მასწავლებელმა ფეხბურთის ბურთი გამოიტანა - დაჩუტული იყო, "ნასოსი" ვერ ვიპოვეთ. ფრენბურთის ბურთი შედარებით სავსე იყო, მაგრამ მასწავლებელმა ფეხბურთი არ გვათამაშა. ბოლოს ქაღალდი დავაგორგოლავეთ და მას დავდევდით..."</p><p>ამერიკაში ქაღალდით მეცხრამეტე საუკუნეში თამაშობდნენ, ასე მოიგონა ნეისმიტმა კალათბურთი. დღეს ამერიკაში სულ სხვა ვითარებაა - სპორტი ერთ-ერთი ყველაზე მთავარი რგოლია სასკოლო აღზრდის პროცესში.</p><p>მხოლოდ ამერიკაში? აი, რა ამოვიკითხე ფინელების შესახებ: ფინური სკოლისთვის მთავარია არა გენიოსის, არამედ ჯანმრთელი ადამიანის აღზრდა. ძალიან დიდ ყურადღებას უთმობენ სპორტს (თხილამურობას, ციგურაობას, ცურვას). გაკვეთილის შემდეგ ყველა მოსწავლისთვის აუცილებელია შხაპის მიღება.</p><p>ხედავთ, რამდენად ჩამოვრჩებით ფინელებს? სკოლიდანვე რომ არ გვაინტერესებს ბავშვთა სწორი ფიზიკური აღზრდა, იმიტომაც ვაგებთ "კიდევ" და "კიდევ"! ეს საქართველოს ფეხბურთელთა ნაკრების ბრალი კი არა, სკოლიდანვე არასწორი მიდგომის ბრალია! იცით, რატომ ითამაშა ისლანდიამ ევროპის ჩემპიონატზე? - იმიტომ, რომ იმ ქვეყანაში ახალი პროგრამა განხორციელდა, რომლის ამოსავალი წერტილი სასკოლო სპორტი იყო.</p><p>სამგზის ოლიმპიური ჩემპიონის, <strong>კახი კახიაშვილის</strong> სიტყვებით დავასრულოთ: "...ამიტომაცაა ყოველ ფეხის ნაბიჯზე აფთიაქი!"</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
თენგო
მერედა ამ საქმეს მიხედოს ბტონმა მინისტრმა,რაღაც ზღაპრებზე და სისულელებებზე რომ ფიქრობს.
ვასო
სანამ სპორტი მასიური და ხელმისაწვდომი არ გახდება დიდ წარმატებებს ვერ მივაღწევთ!!!!
kote
და რაზე ფიქრობს ამ დროს განათლების მინისტრი? ზღაპრები არ მომწონს ქართული და შესაცვლელიაო! არაპროფესიონალი მინისტრიდან იწყება არაპროფესიული მიდგომები მთელ საგანმანათლებლო პროცეში. ამისთანა მინისტრს აინტერესებს ბურთები და კალათები? სამაგიეროდ დიდ ფულს შეჭამენ ქართული ხალხური ზღაპრების გადაკეთება-განახლებაზე და მივიღებთ ორიენტაცია შეცვლილ კომბლეს!... წითელქუდას, რომელმაც სანამ შეეჭმეინებოდა, მგელთან ჩაუშვა ბებიამისი, ავადაა, წევს და წინააღმდეგობას ვერ გაგიწევსო!... ან კიდევ ბაყბაყდევზე გაგვიღვივებენ სოლიდარობის შეგრძნებას, გაქნილმა და საზიზღარმა ნაცარქექიამ ეშმაკობით დაჩაგრა და ძალადობის მსხვერპლიაო! ასეა, იცვლება დრო, მიდიან და მოდიან მინისტრები, თაობები, ღირებულებები!
jondoie
მშვეიერია! სიმართლის უდიდესი დეფიციტია ქვეყანაში. ეს გვღუპავს.
სრული სიმართლე
ამბსოლიტურად მართალია
საქართველოს ნაკრები - ორი მარცხი და ორი ადგილით უკუსვლა რეიტინგში
საქართველო - ესპანეთი | ინფორმაცია ბილეთების შესახებ
მიქაუტაძე: დავბრუნდებით უფრო ძლიერები და ერთიანები, ვიდრე ოდესმე
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
ეს საქართველოსთვის დამატებითი შანსი იქნება - რომელ ახალ ფორმატებზე მუშაობს UEFA ევროპისა და მსოფლიოს ჩემპიონატის შესარჩევი ეტაპებისთვის
ვის რა როლი აქვს ნაკრების მტკივნეულ პერიოდზე - "საუკუნე გაივლის კიდევ"
საქართველო - ესპანეთი | ინფორმაცია ბილეთების შესახებ
TimeLine: ჩუმად, ფაჩულიამ არ გაიგოს!
TimeLine: სენტ კიტსი და ნევისი... ორნი არიან?
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
მიქაუტაძე: დავბრუნდებით უფრო ძლიერები და ერთიანები, ვიდრე ოდესმე
კახის თასი იწყება - ინტერვიუ სამგზის ოლიმპიურ ჩემპიონებთან
აღმასკომის სხდომა: კახი კახიაშვილი ევროპის ფედერაციის პრეზიდენტობას გეგმავს
საქართველოს ნაკრები - ორი მარცხი და ორი ადგილით უკუსვლა რეიტინგში
TimeLine: ახლა, ანტიგუა და ბარბუდა
TimeLine: ძაღლი გარეთ რომ არ გაიგდება
TimeLine: თქვენ ხომ გამოზარდეთ ილიჩები!
კახიაშვილმა ძალოსნობის ფედერაციის პრეზიდენტის პოსტი დატოვა
ევროპის ძალოსნობის ფედერაციის პრეზიდენტი: იმედია, საქართველო მსოფლიო ჩემპიონატსაც უმასპინძლებს
ძალოსანი თათია ლორთქიფანიძე მწვრთნელს სექსუალურ შევიწროებაში ადანაშაულებს
ბათუმმა ევროპის ძალოსნობის ფედერაციის კონგრესს უმასპინძლა
TimeLine: NBA-ს თასის მინუსი - ღვინო არ ისხმება