- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
სუპერლიგა 2016-17. XXI ტური: "დინამოს" შედეგიანი ეპილოგი
<p>"ქუთაისთან" გამარჯვებით თბილისურმა გუნდმა სატურნირო ცხრილში ლიდერობა და რეგულარულ გათამაშებაში პირველი ადგილი გაიმყარა <br> საქართველოს საკალათბურთო სუპერლიგაში XXI ტურის შეხვედრები გაიმართა. "ქუთაისთან" გამარჯვებით "დინამომ" სატურნირო ცხრილში ლიდერობა და რეგულარულ გათამაშებაში პირველი ადგილი გაიმყარა.</p><p>10 მარტი, ქუთაისი</p><p><em><strong>ქუთაისი-დინამო 78:90</strong></em></p><p>16:30, 28:15, 11:19, 23:26</p><p>"ქუთაისი": ცეკვავა (9ქ), ცინცაძე (19ქ), გ. ბარბაქაძე (9ქ), ლომოური (12ქ), ტუბაკი (4ქ, 6მ), ბოისა (2ქ), ფაშაევი (14ქ), ქადარია, ბექაური (9ქ)</p><p>"დინამო": ვონი (22ქ,8პ), ლონდარიძე (11ქ), ფაცაცია (18ქ, 7მ,6პ), მარავიჩი (18ქ,6მ), გოგოძე (4ქ), გრძელიძე, ჭოჭუა, რევაზაშვილი, ბერიშვილი (16ქ)</p><p>მსაჯები: ი.ბერიშვილი, დ.ბერიშვილი, მ.ვართანოვი</p><p>"ქუთაისი" "დინამოს" გადაჭედილი დარბაზითა და რევანშის წყურვილით დაუხვდა. ზურაბ საკანდელიძისა და მიხეილ ქორქიას სახელობის დარბაზში საოცარი საკალათბურთო გარემო იყო შექმნილი, რაც საინტერესო მატჩის მოლოდინს ქმნიდა. მიმდინარე სეზონში კოტე ტუღუშის გუნდისთვის "დინამო" აუღებელ ციხესიმაგრედ იქცა, წლეულს ქვეყნის მოქმედი ჩემპიონები დედაქალაქელებს სუპერლიგაზე მესამედ დაუპირისპირდნენ და სამივე შეხვედრაში დამარცხდნენ.</p><p>მესამე წრის მატჩი საკმაოდ თანაბარი, დაძაბული და საინტერესო გამოდგა. პირველ პერიოდში უპირატესობა "დინამომ" მოიპოვა, მეოთხედის ბოლოს მეტოქეს 12:0 გაქცევა მოუწყო და 14 ქულით დაწინაურდა - 16:30.</p><p>მატჩის მეორე პერიოდი კოტე ტუღუშის შეგირდებმა აღმავლობით დაიწყეს, ისინი სამწამიან ზონაშიც გააქტიურდნენ და პერიმეტრიდანაც კარგად ისროდნენ. ლომოურმა, ბარბაქაძემ და ცინცაძემ დროული სამქულიანები მიითვალეს, კარგად ირჯებოდნენ ცეკვავა და ბექაურიც, შედეგად ქუთაისმა 18:0 გაქცევით "დინამო" მდევრის როლში ჩააყენა - 34:30.</p><p>შეხვედრა თანაბარ პაექრობაში გაგრძელდა. "ქუთაისი" მცირედ უპირატესობას ინარჩუნებდა, მაგრამ ლონდარიძის ორქულიანისა და ფაცაციას ზუსტი საჯარიმოების შედეგად "დინამომ" ტაიმი მინიმალური სხვაობით მოიგო (44:45).</p><p>მატჩის სცენარი დიდი შესვენების შემდეგაც არ შეცვლილა, გუნდები ერთმანეთს ქულა-ქულაში მისდევდნენ. "დინამომ" გადამწყვეტ პერიოდში 6-ქულიანი უპირატესობა მოიპოვა (69:75), თუმცა ზაურ ფაშაევის "ენდვანისა" და ზუსტი სამქულიანის შემდეგ ანგარიში ისევ გათანაბრდა - 75:75.</p><p>გადამწყვეტი ბოლო წუთები გამოდგა. მატჩის დასრულებამდე 2:35 წუთი იყო დარჩენილი, როცა ვონმა მიჯრით 5 ქულა ჩააგდო. ამას ბერიშვილის სამქულიანი მოჰყვა, შემდეგ კი ზუსტი სამიანით კვლავ ვონმა გამოიჩინა თავი. "დინამოს" მიერ ბოლო წუთებზე მოწყობილმა 11:0 გაქცევამ მატჩის ბედი გადაწყვიტა. დარჩენილ 55 წამში "ქუთაისმა" თამაშის შემობრუნება ვეღარ შეძლო და საბოლოოდ, 12 ქულის სხვაობით დამარცხდა.</p><p><span style="text-decoration: underline;">სტატისტიკა არ ტყუის.</span> მატჩის სტატისტიკას თუ გადავხედავთ, პირველ რიგში, "დინამოს" უპირატესობა ორქულიან სროლებში აქვს. დინამოელებმა 39 მცდელობიდან კალათში 22 ბურთი მოათავსეს (56.41%), როცა მათმა მეტოქემ მხოლოდ 14 ორქულიანი მიითვალა (46.67%), ძირითადად. სწორედ ამ კომპონენტის წყალობით მიაღწია "დინამომ" გამარჯვებას. რაც შეეხება სამქულიან სროლებს, ქუთაისელებმა შორი დისტანციიდან მეტოქეზე 3-ით მეტი სამიანი (13) ჩააგდეს, მაგრამ ისიც გასათვალისწინებელია, რომ კალათისკენ 32-ჯერ გაუშვეს ბურთი (40.62%), მაშინ, როცა თბილისელების 18 სროლიდან 10 ზუსტი გამოდგა (55.56%); დინამოელებმა საჯარიმოებიც უკეთ ისროლეს და რაღა გასაკვირია, რომ საბოლოოდ, გამარჯვება მათ დარჩათ.</p><p><span style="text-decoration: underline;">გამორჩეული.</span> მატჩის საუკეთესო მოთამაშე უდავოდ დეონტა ვონი გახლდათ. "დინამოს" ლიდერმა 22 ქულა და 8 შედეგიანი გადაცემა მიითვალა. 19 ქულა დააგროვა ლევან ფაცაციამ, კარგად ითამაშა ნიკოლა მარავიჩმაც, რომელიც"დინამოს" 18 ქულით შეეწია. ქუთაისელთა რიგებში ყველაზე შედეგიანი 19 ქულით გიორგი ცინცაძე გახლდათ.</p><p>11 მარტი, თბილისი</p><p><em><strong>კაკტუსი-რუსთავი 75:89</strong></em></p><p>12:24, 19:27, 23:24, 21:14</p><p>კაკტუსი: უაითი (7ქ), ჩიკვილაძე (11ქ, 5მ, 3პ), ჩლაიძე (8ქ), ლოლიშვილი (6ქ), ბრიჯმენი (13ქ, 10მ, 3პ), ბააკაშვილი (2ქ), დ. ლომიძე (13ქ), ფლოვიესი (13ქ, 10მ, 3დ), ნ. ლომიძე (2ქ).</p><p>რუსთავი: ქიტოშვილი, ლი (12ქ, 7პ), წიქარიშვილი, ჩაჩანიძე (13ქ), ათუაშვილი (17ქ, 8მ), კასპერბაუერი (12ქ), სპანოლო (18ქ, 6მ), ბრიგსი (17ქ, 6მ).</p><p>მსაჯები: ზ. მაჩალაძე, დ. ბერეკაშვილი, ი. ბერიშვილი.</p><p><span style="text-decoration: underline;">გადამწყვეტი.</span> "კაკტუსს" 21 ტურის შემდეგ 13 წაგება დაუგროვდა და მხოლოდ 1 ქულით უსწრებს გასავარდნ ზონაში მყოფ "ბათუმს". დიდი მცდელობის მიუხედავად, კაკტუსელებმა რუსთაველებთან ვერაფერი გააწყვეს: "რუსთავის" კალათბურთელებმა თავიდანვე შედეგიანი თამაში აჩვენეს, პირველი პერიოდი 24:12, ხოლო მეორე - 27:19 მოიგეს და დიდ შესვენებაზე 20-ქულიანი ლიდერობით გავიდნენ...</p><p><span style="text-decoration: underline;">სტატისტიკა არ ტყუის.</span> ქვემოქართლელებმა მეტოქეზე 5-ით მეტი ორქულიანი და 2-ით მეტი სამიანი ჩააგდეს, რითაც რამდენიმე კომპონენტში "კაკტუსთან" ჩამორჩენა კარგად გადაფარეს. მაგალითად: თბილისელებმა გაცილებით ნაკლები შეცდომა დაუშვეს - 11:17, გაცილებით მეტი ქულა ჩააგდეს მეტოქის შეცდომებით - 19:8...</p><p><span style="text-decoration: underline;">გამორჩეული.</span> გამარჯვებული გუნდიდან ძალიან რთულია ერთი კალათბურთელის გამორჩევა. გადახედეთ ოქმს და თავად შეარჩიეთ საუკეთესო...</p><p>11 მარტი, თბილისი</p><p><em><strong>მგზავრები-სოხუმი 77:65</strong></em></p><p>18:18, 21:20, 24:10, 14:17</p><p>მგზავრები: ფხაკაძე (14ქ, 7მ, 5პ), ცირეკიძე, ლომინაშვილი (12ქ, 9მ), ტურძელაძე (3დ), ტეილორი (4ქ, 9მ, 3პ), მერფი (3ქ), ალენი (20ქ, 7მ), რენსომი (24ქ).</p><p>სოხუმი: კვეტენაძე (3ქ), კოკა ტომარაძე (4ქ), ბოქოლიშვილი (2ქ), ჯგერენაია (8ქ), დ. ბარბაქაძე (3ქ), ლათანი (21ქ, 10მ, 3პ), ბულიავა (12ქ), ტიშენკო (6ქ, 9მ), ზაბირჩენკო (2ქ), ვუდსონი (4ქ).</p><p>მსაჯები: მ. კუპატაძე, დ. ბერიშვილი, გ. მიქელაძე</p><p><span style="text-decoration: underline;">გადამწყვეტი.</span> მესამე პერიოდი რომ დაიწყო, ტაბლოზე "მგზავრების" სასარგებლოდ 39:38 ეწერა. სწორედ დიდი შესვენებიდან დაბრუნების შემდეგ იფეთქა ბუბა ბერიშვილის გუნდმა, 21:4 გაიქცა და "სოხუმი" ვეღარ დაეწია.</p><p>მატჩის სურათზე საუბრისას სოხუმელთა უკრაინელმა მწვრთნელმა ვიტალი ჩერნიმ თქვა, ეს იყო "ველური" კალათბურთიო:</p><p><em>- "ველური" იმიტომ, რომ მოედანზე ქაოსი იყო. ჩვენთანაც და მოწინააღმდეგე გუნდთანაც. ვეცადეთ, თუმცა ყველას არ შეეძლო ბოლომდე გაეძლო. ამიტომაც მივიღეთ ის შედეგი, რაც ტაბლოზე დაფიქსირდა. წინ კიდევ ერთი წრეა და ვეცდებით, გამოვასწოროთ. ყველა თამაშს ოქროს ფასი ექნება, თუმცა არ ვაპირებთ მოდუნებას და ხელების ჩამოშვებას.</em></p><p><span style="text-decoration: underline;">სტატისტიკა არ ტყუის.</span> "სოხუმი" პერიმეტრიდან ტყორცნებით გამორჩეული გუნდია, თუმცა "მგზავრებთან" სამქულიანების მხოლოდ 17 პროცენტი გამოიყენა - 23-დან 4 ჩააგდო. საპირისპიროდ, ბუბა ბერიშვილის შეგირდებმა პერიმეტრიდან 56-პროცენტიანი სიზუსტით სტყორცნეს - 18-დან 10.</p><p><span style="text-decoration: underline;">გამორჩეული.</span> ოთარ ფხაკაძემ 5-დან 3 სამიანი გამოიყენა, კაჰიმ რენსომმა 4-დან 3, კორი ალენმა 6-დან 4... რენსომსა და ალენზე რა მოგახსენოთ, მაგრამ ასეთი თამაშით ოთარ ფხაკაძე კი იმსახურებს ნაკრების მწვრთნელის, ილიას ზუროსის ყურადღებას.</p><p>10 მარტი, ბათუმი</p><p><em><strong>ბათუმი-ოლიმპი 74:83</strong></em></p><p>16:21, 15:16, 29:28, 14:18</p><p>ბათუმი: ჯინჭარაძე (11ქ, 8მ), ლეჟავა (11ქ, 4პ), ლ. რევაზაშვილი (3ქ), თენიეშვილი (2ქ, 3პ), კრივცოვი (19ქ, 9მ), რამიშვილი, მაისურაძე (3ქ), შემოსიუკი (25ქ).</p><p>ოლიმპი: გ. ბაქრაძე (10ქ, 3პ), ბურნეთი (28ქ, 13მ, 3ჩ), ბოლქვაძე (2ქ), როგავა (20ქ, 5მ, 3პ), გეგი ბაქრაძე, მიქელაძე (12ქ, 9პ), მასხულია, პიჩფორდი (9ქ), შლიცერი (2ქ).</p><p>მსაჯები: ზ. მაჩალაძე, დ. ბერეკაშვილი, გ. მიქელაძე.</p><p><span style="text-decoration: underline;">გადამწყვეტი.</span> მატჩის დასრულებას ზუსტად 2 წუთი უკლდა, ბათუმელმა ილია შემოსიუკმა ორქულიანით "ბათუმელთა" ჩამორჩენა 4 ქულამდე რომ შეამცირა (74:78). ამ დროში ოთხქულიანი სხვაობის აღმოფხვრა სულაც არ არის რთული, თუმცა "ოლიმპმა" ისევე, როგორც მთლიანად მატჩი, ბოლო წუთებიც სტაბილურად ჩაატარა და დამსახურებულად გაიმარჯვა.</p><p><span style="text-decoration: underline;">სტატისტიკა არ ტყუის.</span> "ბათუმმა" 14 შეცდომა დაუშვა. ეს არცთუ ისე ბევრია, "ოლიმპს" სულაც 7 დაკარგვა ჰქონდა. ლოგიკურია, რომ ასე აკურატულად მოთამაშე გუნდი მოიგებდა კიდეც.</p><p><span style="text-decoration: underline;">გამორჩეული.</span> ტრე ბურნეთი (28 ქულა), რეზო როგავა (20 ქულა) და ირაკლი მიქელაძე (12 ქულა, 9 პასი) - აი გამარჯვების შემოქმედი ტრიო.<em></p><p></em></p><p><strong>დავით კოხრეიძე</p><p>ვაჟა სიმონიშვილი</p><p>ყოველდღიური სპორტული გაზეთი "ლელო"</strong></p>
სუპერლიგის ფინალურ სერიაში "ქუთაისი" და თსუ შეერკინებიან
თსუ-მ და ქუთაისმა ნახევარფინალური სერიები გამარჯვებით დაიწყეს
ზესტაფონის "მარგვეთმა" გორში "ივერიონი" ბოლო წუთებზე დაამარცხა და ნახევარფინალში გავიდა
"პირლოსთან, ნესტასთან და მალდინისთან მითამაშია, მაგრამ მას ვერავინ შეედრება" - დევიდ ბექჰემმა საუკეთესო კაპიტანი დაასახელა
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
დე ძერბი: პსჟ - "ინტერის" მატჩისას კინოს ვუყურებ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
"შედარება მესისთან?" - რა თქვა ლამინ იამალმა
"იცი ჩვენს შორის რა განსხვავებაა?" - თოფურიამ მახაჩევს უპასუხა
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] სერიამ კულმინაციას მიაღწია - იოკიჩს მხარი მარიმ აუბა და "დენვერმა" "ოკლაჰომა" დაამარცხა
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგა 2016/17. IX ტური: "რუსთავის" ზედიზედ მეორე ოვერტაიმი, "დინამოს" მეცხრე მოგება
ირაკლი ხოშტარია: ყველაზე რთული მეტოქე გვერგო - ესპანური გუნდი
"დინამოსთან" მატჩამდე 2 კვირით ადრე "სლოვანმა" "მილანის" ყოფილი ფეხბურთელი დაიმატა
სუპერლიგა 2016-17. I ტური: პირველივე მატჩი ოვერტაიმით
"წიტაიშვილმა "დინამო" ძალიან ულამაზოდ დატოვა, მაქვს ინფორმაცია, რომ..." - უკრაინელი ჟურნალისტი ქართველი ფეხბურთელისა და ლუჩესკუს საუბარზე ჰყვება
სუპერლიგა 2015-16. V ტური: ჩარლი ლიმ სეზონის რეკორდი დაამყარა
იგორ კოკოშკოვმა საევრობასკეტო თორმეტეული დაასახელა
სუპერლიგა 2016/17. XVI ტური: გაქცევაც ამას ჰქვია!
სუპერლიგა 2016/17. ფინალი: "დინამო" საქართველოს ჩემპიონია! [PHOTO]
"დინამოს" ჩვენზე 50-ჯერ მეტი ბიუჯეტი აქვს! ქართულ გიგანტს ვეთამაშეთ..." - რა თქვა "მონრარის" აღფრთოვანებულმა მწვრთნელმა ისტორიული გამარჯვების შემდეგ
სულაქველიძე შესაძლოა, რუსეთიდან წავიდეს - ახალგაზრდა ფეხბურთელს სლოვაკეთში ეპატიჟებიან
"ქუთაისმა" "კავკასია" 23 ქულით დაამარცხა და ფინალურ სერიაში დაწინაურდა
"ქუთაისი 2010" საქართველოს ჩემპიონი მეორედ გახდა
"დინამოს" ფეხბურთელმა "მონრართან" მატჩში რეკორდი დაამყარა
სუპერლიგის ჩემპიონი "ქუთაისი" ევროთასებზე ასპარეზობას სლოკავურ "ლევიცესთან" მატჩით დაიწყებს
კოტე ტუღუში და ირაკლი ძიძიგური, შესაბამისად, 18 და 20-წლამდელთა ნაკრებების მთავარ მწვრთნელებად დაინიშნენ
სუპერლიგის რეგულარული სეზონის ბოლო მატჩი ტყიბულში გაიმართა
საქართველოს თასი. 1/4-ფინალი: მეორე ნახევარფინალისტი "დინამოა"
კოტე ტუღუში და ირაკლი ძიძიგური 18 და 20-წლამდელთა ნაკრებების მთავარ მწვრთნელებად დაინიშნენ
22-წლამდელთა ჩემპიონატის პირველი ფინალისტი "ქუთაისია"
"ქუთაისმა" ფინალში "კავკასია" დაამარცხა და საქართველოს ჩემპიონი მესამედ გახდა!
კოტე ტუღუში: ისრაელის მათსავე პარკეტზე დამარცხება გაგვიჭირდება
ოლიმპმა ქუთაისი დაამარცხა და სუპერლიგის ლიდერს გაუთანაბრდა
საქართველოს თასი. 1/2-ფინალი: სუპერლიგის ლიდერები თასმაც გამოკვეთა
სპეციალისტის თვალით: ამ ყველაფრის ერთობლიობამ შექმნა დღევანდელი გოგა ბითაძე
ოთარ ფხაკაძის "ლანგსტონმა" დასანანი მატჩი წააგო
საქართველოს ნაკრების შემადგენლობა 4-მა კალათბურთელმა დატოვა
რატომ გახდა "დინამო" ჩემპიონი? ინტერვიუ ირაკლი ხოშტარიასთან
"ნაპოლიმ" "დინამოს" წერილი მისწერა, რომ..." - კვარაცხელიას იტალიური თავგადასავალი იწყება, ხვიჩა ნეაპოლში მიფრინავს!
საქართველოს თასის ფინალი 3 მაისს თბილისის ოლიმპიურ სასახლეში გაიმართება