<p>"მგონი, ეს სტაბილურობის ნიშანია და გვაიმედებს, რომ კიდევ შეგვიძლია მომატება და განვითარება" <br> კაუნასში ჭაბუკ ძიუდოისტთა ევროპის ჩემპიონატზე ბიჭებთან ერთად წარმატებით იასპარეზა გოგონების ნაკრებმაც - მძიმეწონოსანმა <strong>სოფიო სომხიშვილმა</strong> ყველა შეხვედრა დიდი უპირატესობით მოიგო და შარშანდელი შედეგი გააუმჯობესა, როცა ფინალში დამარცხდა.</p><p>ჩვენებური თავისი ფიზიკური კონდიციებით თუ წმინდა სპორტული მომზადებით მთელი თავით მაღლა იდგა კონკურენტებზე და ძალიან იოლად გაიმარჯვა. მან სამართლიანად დაიმსახურა უცხოელთა ქება. მეხუთეზე გავიდა <strong>მარიამ ჭანტურია </strong>(63).</p><p><a href="/sport/tcidaoba/dziudo/105818-evropis-chempionati-kadetebshi-qarthvelebis-sami-oqro-da-thitho-verckhli-da-brinjao.html" target="_blank"><span style="color: #0000ff;">- ევროპის ჩემპიონატი კადეტებში: ქართველების სამი ოქრო და თითო ვერცხლი და ბრინჯაო</span></a></p><p>ჭაბუკები ბოლო წლებში სისტემატურად ხდებიან ევროპის ჩემპიონები. ზოგადად, მათ სტაბილური ნაკრები ჩამოაყალიბეს ანუ საქართველოში ქალთა ძიუდო გეგმაზომიერად ვითარდება, ყველაზე მცირე ასაკიდან იწყება წარმატებები, ისინი კი თანდათან უფროს გუნდებში გადადიან. არადა, ქალთა ძიუდოს აღორძინება მით უფრო საშური საქმე გახდა, რადგან ამიერიდან გუნდურ შეჯიბრებაში ქალები და ვაჟები შერეული ნაკრებით გამოვლენ.</p><p>კაუნასური ტურნირის შესახებ გოგოების ნაკრების მთავარ მწვრთნელ <strong>გია თენაძეს</strong> ვესაუბრეთ, თუმცა სიტყვამ ეროვნული და ახალგაზრდული ნაკრებების თემაც მოიტანა: სწორედ ზემოაღნიშნული შერეული გუნდის გამო გადაწყდა აგვისტოში ბუდაპეშტში, უფროსთა მსოფლიოს ჩემპიონატზე ქალებში სამი მონაწილის წაყვანა, თორემ თენაძე იქ გამოსვლას არ გეგმავდა.</p><p><strong>- ვიდრე სომხიშვილის გამოსვლაზე ისაუბრებთ, მანამ საინტერესოა, რამდენად ხართ კმაყოფილი მთლიანად გუნდის გამოსვლით?</strong></p><p>- კმაყოფილი ნამდვილად ვარ. ჩემპიონატში ევროპის ყველა ქვეყანა მონაწილეობდა, ყველას უნდა ოქროს წაღება, მაგრამ სულ 8 ოქროა და წარმოიდგინეთ, ის ვერ მოიპოვეს ისეთმა ქვეყნებმა, როგორიცაა, საფრანგეთი, ჰოლანდია.</p><p>კმაყოფილი ვარ, რომ იმ 8-დან ერთი ოქრო ჩვენ ავიღეთ. თან ისიც სასიხარულოა, რომ ამ ასაკში უკვე ოთხი წელიწადია, ჩემპიონი გვყავს. ამასთან, ეს სულ სხვადასხვა გოგოების დამსახურებაა, თორემ არც ისეა საქმე, ერთი ტალანტი გამოგვიჩნდა და იმის ხარჯზე მოდის ეს ოქროები.</p><p>მგონი, ეს სტაბილურობის ნიშანია და გვაიმედებს, რომ კიდევ შეგვიძლია მომატება და განვითარება. თან, ასეთი გამოსვლები დიდების ნაკრების გათვალისწინებითაც იმედისმომცემია და იმ ფონზეც, რომ ამიერიდან გუნდურში გაერთიანებული გუნდით მოგვიწევს გამოსვლა ბიჭებთან ერთად. ეს კიდევ უფრო მეტი სტიმული და პასუხისმგებლობაა. ფედერაციაც უფრო მოწადინებულია და იმედია, განვითარება გაგრძელდება.</p><p><strong>- სომხიშვილის გამოსვლას როგორ აფასებთ? </strong></p><p>- ის ძალიან დამაჯერებლად გამოვიდა. მთელ ჩემპიონატში სულ 3-4 გოგოს გამოვყოფდი, ვინც ასე უშეცდომოდ იჭიდავა. ერთი მომენტიც არ ყოფილა ისეთი, როცა შეცდომის დაშვების, გდების გაშვებისა შეგვეშინდებოდა - პატარა საბაბიც არ მოგვცა საამისოდ. ფორმის პიკში შეხვდა ამ ჩემპიონატს და კარგადაც გამოვიდა, რასაც ვერ ვიტყვი მარიამ ჭანტურიაზე - ის სულ ცოტათი ასცდა მედალს, თორემ მზად იყო საამისოდ. სამაგიეროდ, ახლა გამოჩნდა ხარვეზები, რასაც ვარჯიშებზე ვერ დავინახავდით, და ვიმუშავებთ მათ გამოსწორებაზე. წინ ხომ ოლიმპიური ფესტივალი და მსოფლიოს ჩემპიონატია, სადაც ჭანტურია, ალბათ, იტყვის თავის სიტყვას.</p><p><strong>- სომხიშვილის გამოსვლა უცხოელებმა როგორ შეაფასეს?</strong></p><p>- ჯერ კიდევ ხორვატიაში, პორეჩში ერთობლივ კემპზე ყოფნისას აკვირდებოდნენ მას და ჭანტურიას უცხოელი მწვრთნელები, რომლებიც ამბობდნენ, რომ ისინი სხვა სიმაღლეზე იდგნენ. ევროპული ფედერაციის წარმომადგენლებმაც კი მიაქციეს მათ ყურადღება - მოვიდნენ, ინტერვიუები ჩაიწერეს, ფოტოები გადაუღეს.</p><p>ფაქტობრივად, ორივე ლიდერებში მოიაზრებოდა, რაც სოფომ სრულად გაამართლა. მან იმდენად დამაჯერებლად იჭიდავა, უცხოელები აღფრთოვანებას ვერ მალავდნენ და გვილოცავდნენ. შარშანდლის შემდეგ მან მართლაც კარგად აიყვანა საკუთარი თავი ხელში და შედეგიც გააუმჯობესა. ახლა მთელ იმედებს მასზე ვამყარებთ.</p><p><strong>- მას სუსტი მხარე თითქმის არ გამოუჩნდა, მაგრამ სამომავლოდ რაზე იმუშავებთ მასთან, მაინც რაში სჭირდება გაძლიერება? </strong></p><p>- ივლისში მას ოლიმპიური ფესტივალი, აგვისტოში კი მსოფლიოს ჩემპიონატი ელოდება. ერთი სიტყვით, ჭაბუკებში საკმაოდ დატვირთული სეზონი აქვს და ამიტომ წლეულს დიდებში არ მოვსინჯავთ - შეიძლება, ამით უკუჩვენება მივიღოთ. ყველაფერი თანამიმდევრულად უნდა მოხდეს. უფროსებში გაისიდან ნელ-ნელა ჩავრთავთ, ახალგაზრდებში კი ისედაც იქნება, ხოლო 2019 წელს სალიცენზიო ტურნირებშიც ჩაებმება.</p><p>მგონი, არ უნდა გაუჭირდეს. ხორვატიაში შეკრებაზე უფროსებიც იყვნენ. ლიტველებს ორი ისეთი გოგო ჰყავდათ, ორივემ სალიცენზიო ქულები რომ მიიღო, მაგრამ ტოლს არაფერში უდებდა. ცხადია, პერსონალური მუშაობა სჭირდება, მაგრამ პირადი მწვრთნელი კახა მოცრაძე არაფერს არ აკლებს და, იმედია, ყველაფერი კარგად იქნება.</p><p>უფროსებში მსოფლიოს ჩემპიონატზე მძიმე წონაში ელენე ქებაძე გვყავს და სომხიშვილს ჯერ არ დავტვირთავთ ეროვნული ნაკრებისთვის, სხვა წონებში კი, რომლებიც შერეულ გუნდში შედიან, მარიამ ჯანაშვილი (57) და ნინო ოძელაშვილი (70) იქნებიან.</p><p><strong>- გუნდის სხვა წევრების გამოსვლაზეც ვთქვათ, ვისგან რას ელოდით? </strong></p><p>- სხვები 2001-წლიანები არიან ანუ პატარები იყვნენ.ზოგი პირველად იყო ასეთი რანგის ტურნირზე, ზოგი საერთოდ თვითმფრინავში იყო პირველად და მათგან დიდ შედეგებს არ ველოდით, მაგრამ ბავშვები ასეთ შეჯიბრებებზე იზრდებიან. ვფიქრობ, სამომავლოდ კარგი გუნდი გვეყოლება.</p><p>ამჯერად ეტყობოდათ გამოუცდელობა, მათ თანაბრად გამოავლინეს თავი. ცოტა მეტად მწყდება გული თიკო რევაზიშვილზე, რადგან მას ჰქონდა შარშანდელი გამოცდილება, ყველა შეჯიბრებაზე ნამყოფია და უკეთ უნდა ეჭიდავა. თან გუნდურში უკრაინასთან გადამწყვეტი შეხვედრა წააგო, თორემ გამორიცხული არ იყო, ბრინჯაომდე მივსულიყავით.</p><p>სამწუხაროა, რომ ეს გოგო ამდენს წვალობს, ამდენს ვარჯიშობს, მაგრამ ჯერჯერობით არ დაუფასდა -ჭაბუკებში გამოსვლა უმედლოდ დაამთავრა.</p><p><strong>- ევროპის ამ პირველობის შემდეგ ხომ არ გადახალისდება ფესტივალისთვის ადრე დასახელებული შემადგენლობა? </strong></p><p>- არა, რადგან მათ ადრევე მოგვთხოვეს სახელობითი სიები. ამიტომ ამ თვეში უნგრულ დიორში ჭანტურია, სომხიშვილი, თინათინ რევაზიშვილი (57) და ეკატერინე ტატუნაშვილი (52) იჭიდავებენ. მსოფლიოზე მხოლოდ სამი გოგო იქნება - ამათ მხოლოდ რევაზიშვილი გამოაკლდება, რადგან 57 არაა გუნდური წონა.</p><p><strong>- ზემოთქმულიდან გამომდინარე, უფროსებში მსოფლიოს ჩემპიონატზე წასაყვანი შემადგენლობაც შერჩეული გყოლიათ. არადა, ადრე არ ფიქრობდით იმ ტურნირში მონაწილეობას. მათ რა გეგმით მოამზადებთ?</strong></p><p>- ამაზე ფედერაციას უკვე შევუთანხმდით. მათთან ერთად ოძელაშვილსაც ვესაუბრეთ, რომელსაც ჩვენთან გადმოსვლის დიდი სურვილი აქვს, მაგრამ, როგორც ვატყობ, არც სამბოს მიტოვება უნდა. რამდენად გამოვა ეს, ვერ გეტყვით, რადგან მსგავსი საკითხები ფედერაციის გადასაწყვეტია. თუმცა ამ ჩემპიონატზე მის წაყვანას ვფიქრობთ.</p><p>ეს სამი გოგო ვაჟების გუნდთან ერთად მინსკშიც წამოვა ევროპის თასზე, სადაც ტურნირშიც იჭიდავებენ და მერე ერთობლივ შეკრებაზეც დავრჩებით. თუმცა, საკითხავია, რამდენად ეყოფათ ეს. კარგი იქნებოდა, ადრევე გვცოდნოდა, გუნდური ასე თუ ჩატარდებოდა - მაშინ სხვანაირ ყურადღებას მივაქცევდით მათ, ამ სამ წონას მაინც. ამწუთას ისინი ჩვეულებრივად ვარჯიშობენ, საგანგებოდ შეკრება არ გაგვივლია.</p><p><strong>- დასასრულს, ჭაბუკებისა და ახალგაზრდების მოსამზადებელ გეგმაზეც ვთქვათ...</strong></p><p>- ჭაბუკები ფესტივალისთვის გორში მოემზადებიან. მათ ახლა დიდი დატვირთვები აღარ სჭირდებათ, უფრო შეჯიბრებამდე მისაყვანი ვარჯიშები ესაჭიროებათ, რათა ფორმიდან არ ამოვარდნენ. მერე მსოფლიომდე ცოტა დრო რჩება და უფრო პირად მწვრთნელებთან მოემზადებიან, თორემ სხვაგან წასვლას აზრი არ აქვს.</p><p>ახალგაზრდები მალე უნგრეთში წავლენ კახა გვიჩიანის ხელმძღვანელობით, რადგან ჩვენ ჭაბუკებთან ვიქნებით. იქ 8 მონაწილე გვეყოლება, საიდანაც 4-5 გოგო მოიაზრება ევროპის ჩემპიონატისთვის.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ჰმ
გადაარქვით, რა, ეს "ჭაბუკები". სასაცილოა. ჭაბუკი ახალგაზრდა ვაჟს ნიშნავს და არამცდაარამც - გოგოს.
2024 წლის საუკეთესო ქალ სპორტსმენად ეთერ ლიპარტელიანი დაასახელეს
"ამის გაგონებაზე არასდროს დამავიწყდება ის რეაქცია, რომელიც მამაჩემმა გამოხატა" - ლაშა გუჯეჯიანი
უძლიერესი შემადგენლობით - ძიუდოში მსოფლიოს ჩემპიონატისთვის საქართველოს ნაკრების განაცხადი ცნობილია
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
"მესი თუ რონალდო?" - იგუაინმა უცნაური არჩევანი გააკეთა
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა
შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს
ეთერ ლიპარტელიანი: ჩემპიონობით კმაყოფილი ვარ, თუმცა მეტიც მომეთხოვება
პაპინაშვილის ვერცხლი და ლიპარტელიანის ბრინჯაო ახალგაზრდული ევროპირველობიდან
ანტალიის გრან პრიზე 8 ქართველი ძიუდოისტიდან მედლისთვის მხოლოდ 1 იჭიდავებს [VIDEO]
ქართველი ძიუდოისტი გოგონების ტრიუმფი მსოფლიოს თასზე!
ახალგაზრდული ნაკრები: გუჯეჯიანის მორიგი თამამი ექსპერიმენტები
სომხიშვილი მერვედფინალში დიკოსთან დამარცხდა და ოლიმპიადას გამოეთიშა
საქართველოს ძიუდოისტთა ნაკრები ევროპის გუნდური ჩემპიონატის ფინალში საფრანგეთთან დამარცხდა
ქართველი ძიუდოისტები თელ-ავივის გრან პრის პირველ დღეს წარუმატებლად გამოვიდნენ
იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]
ქართველმა სამბისტებმა მოსკოვში 5 მედალი მოიპოვეს
ძიუდო. ქალთა ნაკრები: ვარჯიში და სამახსოვრო ფოტო კაილა ჰარისონთან
ევროპის ჩემპიონატი. II დღე: ფინეთში ქართული ფინალი გაიმართება!
მინსკი 2019: ქართველი სპორტსმენების 22 ივნისის განრიგი
გია თენაძე: საქართველოს ძიუდოს ფედერაციასთან შეთანხმებით, 6 გოგოზე ავიღეთ აქცენტი
ევროპის ჩემპიონატი. II დღე: ქართულ ფინალში ტატო გრიგალაშვილმა იმარჯვა [VIDEO]
ახალგაზრდული მსოფლიოს ჩემპიონატი: 4 ქართველი მედლებისთვის იბრძოლებს!
ნინო ოძელაშვილი სამბოში მსოფლიოს ჩემპიონი გახდა
"სამარცხვინოა, როდესაც სამინისტრო მსოფლიო ჩემპიონობას გილოცავს და მერე პოსტს შლის" - ელენე ქებაძე
ლაშა ბექაური და ვლადიმერ ახალკაცი მსოფლიოს ჩემპიონები გახდნენ [VIDEO]
ოქროს ბავშვები - "ქართული დინამიტი" თბილისი 2015-ზეც აფეთქდა [VIDEO]
ძიუდო. ქალთა ნაკრები: ნაყოფიერი ავსტრიული კემპი გოგონებისთვის
ძიუდოისტთა ნაკრები: ესტერ სტამი საქართველოს ნაკრებს დაუბრუნდა
ტეტიანა ლევიცკა-შუკვანი აბუ-დაბის გრან სლემზე ბრინჯაოსთვის იბრძოლებს
ქართველი ძიუდოისტები თელ-ავივის გრან პრის პირველ დღეს უმედლოდ დარჩნენ
ძიუდო. ჭაბუკთა ნაკრები: ყველა მედალოსანი ანტალიაში
საქართველოს სამბისტთა ნაკრებმა მინსკში კიდევ 5 მედალი მოიპოვა
ვიდრე შედეგს არ გვაჩვენებენ, არ ვაფინანსებთ... ლუჩილა ძაპა უკვე საქართველოშია
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
აბუ-დაბის გრან სლემი. I დღე: ქართველი ძიუდოისტები უმედლოდ დარჩნენ
"ყოველთვიურად გერიცხებათ ხელფასი, ოქროს მედლის შემდეგ შესაბამისი პრემიაც მიიღეთ" - სპორტისა და ახალგაზრდობის სამინისტროს განცხადება
მსოფლიოს ჩემპიონატზე საქართველოს ნაკრებმა კიდევ 2 ოქროს მედალი მოიპოვა
ევროპის ჩემპიონატის ფინალში სამი ქართველი გავიდა
შავდათუაშვილი მსოფლიოზე გამაყუჩებლით იჭიდავებს
რევანშის შანსი - სულამანიძე ევროპის ჩემპიონატის ფინალშია და კოცოევს შეხვდება
ნინო ოძელაშვილი: ქმარს დავპირდი, მსოფლიოს ჩემპიონი თუ გავხდი...
ქალთა ძიუდო. ევროპის ჩემპიონატი ახალგაზრდებში: გოგონების კვარტეტი
მარიამ ჯანაშვილი ჯანზეა და მსოფლიოს ჩემპიონატისთვის ემზადება
ბრინჯაოს მედლისთვის ბრძოლაში ინანეიშვილი და სომხიშვილი დამარცხდნენ
ელენე ქებაძემ რუსეთის წარმომადგენელი დაამარცხა და მსოფლიო ჩემპიონი გახდა
სამბო. ოთხი ვერცხლი ათენიდან
ძიუდო. ქალთა ნაკრები: ჭაბუკებით გაძლიერებული ახალგაზრდები