<p><p><div style="text-align: center;">ფოტო: გოგიტა ბუხაიძე</div></p></p><p><p><p>12 მაისს, 18 საათზე, ბათუმის რაგბი არენაზე დიდი 10-ის 2018/2019 წლის სეზონის დიდი ფინალი გაიმართება, რომელშიც ბათუმის "ბათუმი" რუსთავის "ხარებს" შეხვდება.</p></p></p><p>სასიამოვნოა, რომ 12-წლიანი შესვენების შემდეგ, დიდ ფინალს ქართველი რეფერი, ნიკა ამაშუკელი მოემსახურება.</p><p><p><p>გასულ წლებში ფლეი ოფის ეტაპებსა და გადამწყვეტ მატჩებს მოწვეული მსაჯები ემსახურებოდნენ - 2007-2011 წლებში ფრანგები, 2013-2018 წლებში კი ირლანდიელები.</p></p></p><p><p><p>ბოლო წლებში ქართველმა მსაჯებმა მნიშვნელოვანი პროგრესი განიცადეს. მათ რეგულარულად იწვევენ საერთაშორისო მატჩების თუ ევროპის საკლუბო ტურნირების შეხვედრების განსასჯელად და დამსახურებული ნდობა შინაურ ასპარეზზეც მოიპოვეს, რაც რაგბის განვითარებისთვის უმნიშვნელოვანესი მოვლენაა.</p></p></p><p><p><p><img src="pictures/artimages/original/a3e2a3f149cadea295386b3541291058.jpg" border="0" alt="Sportall.Ge" title="დიდი 10-ის ფინალი - მწვრთნელთა მოლოდინები" /></p></p> <p><p><strong></p><p></strong></p></p> <p><p><strong></p><p></strong></p></p> <p><p><strong>"ბათუმი" - თავდაჯერებულად უხერხულ მეტოქესთან</strong></p></p></p><p><p><p>რუსთავის "ხარები" რეგულარული პირველობის ბოლო ტურამდე ერთადერთი გუნდი იყო, რომელმაც "ბათუმის" დამარცხება შეძლო და თანაც ეს ორჯერ მოახერხა - შინაც და გარეთაც. ზღვისპირელებმა ეს უსიამოვნო ტრადიცია სამი კვირის წინ, შესარჩევ ფინალში დაარღვიეს და 32:10 მოგებით ფინალის საგზური მიიღეს, ახლა კი იგივეს გამეორებას ეცდებიან.</p></p></p><p><p><p>გუნდის მწვრთნელი <strong>დავით გუგუშვილი</strong> მზადების შესახებ საუბრობს და აღნიშნავს, რომ "ბათუმი" ფინალურ მატჩს ოპტიმალური შემადგენლობით ხვდება:</p></p></p><p><p><p>"სამშაბათიდან შეკრებაზე ვართ და ვცდილობთ წლის უმნიშვნელოვანეს მატჩს იდეალურ მდგომარეობაში შევხვდეთ. გავიარეთ ის შეცდომები, რომლებიც შესარჩევ ფინალში გვქონდა, ვუყურეთ "ხარებისა" და "არმაზის" შეხვედრას და ვცდილობთ ჩვენი თამაშის დახვეწას. გვაქვს იმედი, რომ 12 მაისს ბათუმში დიდი ზეიმი იქნება. მართალია სამი კვირაა არ გვითამაშია, თუმცა ვარჯიშები სათამაშო სიტუაციასთან მაქსიმალურად მიახლოვებული იყი და ამ მხრივ პრობლემა არ გვექნება."</p></p></p><p><p><p>"მთელი გუნდი 12 მაისის მოლოდინშია. ფსიქოლოგიურად და ფიზიკურად მზად ვართ და გვსურს დავამტკიცოთ, რომ ჩემპიონობას ვიმსახურებთ. "ხარები" ძალიან კარგი გუნდია და მეორე ადგილზე შემთხვევით არ გასულა. ის საჩუქარი არავისთვისაა და დიდი ბრძოლის მოლოდინი გვაქვს. კონკრეტულად ამ თამაშისთვის ვინც უკეთ იქნება მომზადებული ფიზიკურად, ტაქტიკურად და ფსიქოლოგიურად, გამარჯვებას ის მოიპოვებს. საკუთარ მოედანზე თამაში ერთგვარი წნეხიცაა და ამას უპირატესობად არ ვთვლი. რუსთაველებს სამი კვირის წინ დიდი სხვაობით მოვუგეთ, მაგრამ ეს თამაში დავიწყებულია და მომავალ შეხვედრას იმ კუთხით ვუდგებით, რომ "ხარებთან" რეგულარულ გათამაშებაში ორი მატჩი გვაქვს წაგებული. როგორც არ უნდა დასრულდეს ეს შეხვედრა, საქართველოს ღირსეული ჩემპიონი ეყოლება, რადგან ამას ორივე გუნდი იმსახურებს".</p></p></p><p><p><p><strong><img src="pictures/artimages/original/ee5c05c8ed4f10d52cd897f3b6d79d41.jpg" border="0" alt="Sportall.Ge" title="დიდი 10-ის ფინალი - მწვრთნელთა მოლოდინები" /></p><p></strong></p></p> <p><div style="text-align: center;">ფოტო: ლევან ვერძეული<strong></p><p></strong></div></p> <p><p></p><p><strong> </strong></p></p> <p><p><strong>"ხარები" - ხარისხიანი თამაშით და სიურპრიზებით</strong></p></p></p><p><p><p>რუსთავის "ხარების" მთავარი მწვრთნელი <strong>მამუკა მინდორაშვილი </strong>იმედოვნებს, რომ მისი გუნდი მეტოქისთვის საკუთარი თამაშის თავს მოხვევას შეძლებს და შესარჩევ ფინალში დაშვებულ შეცდომებს აღარ გაიმეორებს:</p></p></p><p><p><p>"ბათუმს მიმდინარე სეზონში უკვე სამჯერ ვეთამაშეთ და კარგად ვიცნობთ მის შესაძლებლობებს. განვლილი კვირის განმავლობაში ვმუშაობდით იმ სისუსტეების აღმოფხვრაზე, რომლებიც შესარჩევ ფინალში გვქონდა. ვფიქრობ, მეტოქეს შერკინება უნდა გავუჩეროთ, ბურთი შევინარჩუნოთ და თავს ჩვენი თამაში მოვახვიოთ. სამწუხაროდ, ამ მატჩში დაგვაკლდება კოშაძე, რაც დიდი დანაკლისია. სამაგიეროდ დაგვიბრუნდა ქანდაურაშვილი".</p></p></p><p><p><p>"რეგულარული ჩემპიონატის თამაშებს სხვა დატვირთვა ჰქონდა. ფლეი ოფისთვის "ბათუმი" სპეციალურად მოემზადა, გაითვალისწინა წინა შეხვედრებში დაშვებული შეცდომები და დიდი უპირატესობა მოიპოვა, განსაკუთრებით სტატიკაში. იყო ფსიქოლოგიური წნეხიც, ჩვენ არ გვაქვს ამ დონეზე თამაშის გამოცდილება და მატჩში გარდატეხა ვერ შევიტანეთ. მომავალ შეხვედრაში ბევრი რამ იქნება დამოკიდებული საწყის წუთებზე. მნიშვნელოვანია, რომ თავიდანვე შევძლოთ ქულების მოპოვება და დაწინაურება. ფავორიტი "ბათუმია", ის საკუთარ კედლებში თამაშობს, თუმცა ჩვენ უკან დასახევი გზა არ გვაქვს, ვეცდებით ჩანაფიქრების განხორციელებას და ვნახოთ მათ თავს როგორ გავართმევთ".</p></p></p><p><p><p>"ფინალში გასვლით "ხარებმა" უკვე დიდ წარმატებას მიაღწია, რაზეც სეზონის დასაწყისში ვერც კი ვფიქრობდით. სეზონის მსვლელობისას საკუთარი შესაძლებლობების ვირწმუნეთ და მიღწეულზე შეჩერებას არ ვაპირებთ და ვეცდებით მაყურებელს ხარისხიანი თამაშით სიამოვნება მივანიჭოთ. "ბათუმი" ჩემპიონობას იმსახურებს, თუმცა ამას ჩვენც ვიმსახურებთ, რადგან ერთადერთი გუნდი ვართ, რომელმაც ეს მეტოქე რეგულარულ გათამაშებაში დავამარცხეთ და იგივეს გამეორებას ფინალშიც ვეცდებით".</p></p></p><p><p><p><strong>მომზადებულია rugby.ge-ს მიხედვით</strong></p></p></p><p><br></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
ნიკა ამაშუკელი ექვსი ერის მთავარ მატჩში
დიდი 10: "ჯიქი" "ხარებს" დაუზავდა
დიდი 10. VII ტური: ვის წაადგა ორკვირიანი ტაიმ-აუტი?
ნიკა ამაშუკელი "ექვს ერზე" სამ მატჩს იმსაჯებს
დიდი 10: 2018 წლის ზაფხულის ტრანსფერები
"კონტინენტის ფარი": "ბათუმმა" შეკრება დაიწყო
ნიკა ამაშუკელი: უკვე აღარ მიკვირს ასეთ დიდ თამაშებზე დანიშვნა
დიდი 10. III ტური: "ხარების" ეპოპეა გრძელდება
ჩელენჯ თასი | ნიკა ამაშუკელი ნახევარფინალში იმსაჯებს
საბა აბულაშვილის მორიგი ნაბიჯი – ორი მსაჯით ტესტ-რაგბიში
ნიკა ამაშუკელი ნოემბრის ტესტებზე
ლელო ლიდერებში დაბრუნდა
დიდი 10: ფინალში გასასვლელად "ხარები" და "არმაზი" იბრძოლებენ