- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მილტონ ჰეიგი: უელსის დამარცხება? - რატომაც არა?!
<p>23 სექტემბერს, 2019 წლის მსოფლიო თასის პირველ რაუნდში უელსთან გასამართი მატჩისთვის შემადგენლობის დასახელების შემდეგ, ბორჯღალოსნებმა და მათმა მწვრთნელებმა პრესკონფერენცია გამართეს.</p><p>სასტარტო შემადგენლობაში 6, ხოლო მარქაფაში 4 ისეთი მორაგბეა, რომელთაც მსოფლიო თასზე დებიუტი ექნებათ. მილტონ ჰეიგი ამბობს, რომ ახალგაზრდები გუნდში „X ფაქტორს“ შეიტანენ:</p><p>„ვფიქრობ, გამოცდილი და ახალგაზრდა მორაგბეების კარგი ნაზავი დავასახელეთ. უკანასკნელი 2 წლის განმავლობაში ეს ახალგაზრდები ნაკრებში რეგულარულად იმის გამო თამაშობდნენ, რომ როდესაც მსოფლიო თასზე მოხვდებოდნენ, ზურგი ორნიშნა ციფრის კეპებით ჰქონოდათ გამაგრებული. 2015 წელს ვთქვი, რომ თუ 2019 წლის მსოფლიო თასს მეტი „X ფაქტორით“ არ შევხვდებოდით, თავს მოვიკლავდი. საბედნიეროდ, ამის გაკეთება არ მომიწევს. გუნდი მნიშვნელოვნადაა გაახალგაზრდავებული. ესაა ახალი სისხლი, მოთამაშეები, რომელთაც უკეთ შეუძლიათ ბურთაობა და სწორედ ამის გამო არიან ისინი ნაკრებში“.</p><p>ახალგაზრდების გარდა, ჰეიგმა ისეთ გამოცდილ მორაგბეებზეც ისაუბრა, როგორებიც მამუკა გორგოძე, დავით კაჭარავა, გიორგი ნემსაძე და სხვები არიან:</p><p>„მსოფლიო თასის ყველა თამაშის დასაწყისში ვნახეთ, რომ მორაგბეები ნერვიულობდნენ და გამონაკლისი არც ჩვენ ვართ. სწორედ ამიტომ, მნიშვნელოვანია შემადგენლობაში გამოცდილი მორაგბეების ყოლა. მნიშვნელოვანია ისეთი მოთამაშეები, რომლებიც თამაშს ცივი გონებით დაიწყებენ და ეს ბიჭები სწორედ ამის გარანტი იქნებიან“.</p><p><strong>შარიქაძე მომდევნო მატჩებში დაგვემატება</strong></p><p>მთავარი მწვრთნელი იმედოვნებს, რომ ტრავმირებული კაპიტანი მერაბ შარიქაძე გუნდს მომდევნო თამაშებში დაუბრუნდება, მანამდე კი ლიდერის ფუნქციებს სხვა მოთამაშეები შეითავსებენ:</p><p>„ის ჩვენი კაპიტანია და რა თქმა უნდა ძალიან დაგვაკლდება. უკანასკნელი 4 წლის განმავლობაში, ჩვენი მუშაობის ერთ-ერთი მთავარი მიმართულება იყო ის, რომ ლიდერის ფუნქციის შესრულება ყველას შეძლებოდა. ამ პერიოდში მერაბი რამდენჯერმე დაშავდა და მუდამ ვცდილობდით გუნდი სხვა მოთამაშეების ირგვლივ შეგვეკრა. და როდესაც რომელიმე მოთამაშე ტრავმას იღებს, მაშინ მუშაობას იწყებს საერთო ლიდერობის კონცეფცია.“</p><p>„შარიქაძე დაახლოებით ერთი კვირა კიდევ ვერ ითამაშებს. გვქონდა იმედი, რომ უელსთან მატჩისთვის ის მზად იქნებოდა, მაგრამ არ უნდა დაგვავიწყდეს, რომ წინ კიდევ სამი მატჩია ავსტრალიასთან, ურუგვაისთან და ფიჯისთან. სწორედ ამიტომ, ამ ეტაპზე მასზე უარი ვთქვით. რა თქმა უნდა ის გულდაწყვეტილია, თუმცა კარგად ესმის, რომ დაბრუნება ჯერ კიდევ ადრეა და გუნდისთვის ასე უკეთესი იქნება“.</p><p><strong>გვსურს მსოფლიოში საუკეთესოებს ვეთამაშოთ</strong></p><p>ბორჯღალოსნებთან მატჩისთვის უძლიერესი შემადგენლობა შეარჩია უელსის ნაკრებმა, რითაც ჰეიგი კმაყოფილია:</p><p>„მან ჩვენთან სათამაშოდ პირველი ნომრები შეარჩია, რაც ჩვენს პატივისცემაზე მეტყველებს. მათ კარგად ესმით, რომ კარდიფში ნათამაშები 13:6-ის შემდეგ, თავდაჯერებულობა შეგვემატა. უორენი და მისი სამწვრთნელო შტაბი ამას ითვალისწინებს და მაქსიმალურად ძლიერი შემადგენლობა გამოყავთ. ეს ჩვენთვის ძალიან კარგია, რადგან გვსურს მსოფლიოს საუკეთესო მორაგბეების წინააღმდეგ თამაში, ოთხი კვირის წინ კი, ამ მორაგბეებმა გუნდი მსოფლიო რეიტინგში პირველ ადგილზე აიყვანეს. უელსისგან ასეთი შემადგენლობის დასახელებას მხოლოდ დადებითად ვაფასებთ. ბიჭები ამბობენ - „ნახეთ როგორ სერიოზულად უდგებიან ჩვენთან თამაშს“ და ეს ჩვენთვის ძალიან კარგია“.</p><p>ახალზელანდიელი სპეციალისტი მეტოქის შემადგენლობაში ლიამ უილიამსს გამოარჩევს და მოწინააღმდეგეს დიდ ბრძოლას პირდება:</p><p>„ვფიქრობ, მეტოქის შემადგენლობაში გამორჩეული მოთამაშე ლიამ უილიამსია. ის მართლაც საუკეთესოა უელსის შემადგენლობაში. მაგრამ ვერ გახდები მსოფლიოს, გნებავთ ექვსი ერის გამარჯვებული, თუ მხოლოდ ერთი გამორჩეული მოთამაშე კი არა, სოლიდური შემადგენლობა არ გეყოლება და ნახეთ მათ რა შემადგენლობა ყავთ. ეს ჩვენთვის დიდი გამოწვევაა წინ დიდი ბრძოლა გველოდება, ქართველები კი „ბრძოლაში ბედნიერნი“ არიან“.</p><p><strong>თუ ცოტა გაგვიმართლა...</strong></p><p>მილტონს კითხეს, შესაძლებელია თუ არა, რომ საქართველოს ნაკრებმა უელსი დაამარცხოს, რაზეც ის პასუხობს:</p><p>„რატომაც არა?! კარგად უნდა ვითამაშოთ და ცოტა გაგვიმართლოს. ეს სპორტია და მისი ისტორიის განმავლობაში, ფეხბურთში, კალათბურთში თუ სხვა სახეობებში არაერთხელ დაფიქსირებულა მოულოდნელობა. ასეთია სპორტის ბუნება. როდესაც 15 მამაკაცი 15-ის წინააღმდეგ თამაშობს, არავინ იცის წინასწარ რა მოხდება. მთავარია ცივი გონება შევინარჩუნოთ და სრულად გამოვიყენოთ ჩვენი პოტენციალი“.</p><p>რა თქმა უნდა, პრესკონფერენცია ვერ ჩაივლიდა ნაკრებში დაბრუნებული მამუკა გორგოძის ხსენების გარეშე, რომლის როლზეც ჰეიგი ამბობს:</p><p><p><p>„მისი დაბრუნება ფანტასტიკური იყო. ის ხარისხიანი მოთამაშეა, რომელიც ყველას აძლევს მაგალითს და აწესებს უმაღლეს სტანდარტს. მოედანზე ის გუნდის ლიდერია და მისი დაბრუნება ჩვენთვის კარგი ნიშანია“.</p></p></p><p><p><p><img src="pictures/artimages/original/cfabb8e144ff9fa9bd8246116897c74e.jpg" border="0" alt="Sportall.Ge" title="მილტონ ჰეიგი: უელსის დამარცხება? - რატომაც არა?!" /></p></p></p><p><p><p><strong>შერკინების ძალა ორშაბათს გამოჩნდება</strong></p><p>ბორჯღალოსანთა ინგლისელი შერკინების მწვრთნელი გრეემ როუნთრი დარწმუნებულია, რომ ქართველი ფორვარდები მსოფლიო თასისთვის კარგად არიან მომზადებული და ეს ორშაბათის მატჩში გამოჩნდება:</p><p>„მთელი ზაფხული კარგად ვივარჯიშეთ. ბიჭები მონდომებულები იყვნენ და სულ უფრო და უფრო მეტის გაკეთებას მთხოვდნენ. ვნახოთ რამდენად კარგები ვიქნებით ძალიან ძლიერ მოწინააღმდეგესთან. სხვადასხვა დროს, უელსის ნაკრების რამდენიმე მოთამაშესთან მიმუშავია და მათ უდიდეს პატივს ვცემ. ამ გუნდს დიდი გამოცდილება აქვს და ორშაბათს ვნახავთ, რამდენად კარგი ვიქნებით მათ წინააღმდეგ“.</p></p></p><p><p><p><img src="pictures/artimages/original/a35d6e9827fa96d3c6720797c137d7cd.jpg" border="0" alt="Sportall.Ge" title="მილტონ ჰეიგი: უელსის დამარცხება? - რატომაც არა?!" /></p></p></p><p><p><p><strong>ვეცდებით ქართული რაგბი საუკეთესოდ წარმოვაჩინოთ</strong></p><p>ბორჯღალოსანთა კაპიტან მიხეილ ნარიაშვილს თავდაპირველად ჯანმრთელობის შესახებ კითხეს. შეგახსენებთ, მარცხენა ბურჯმა2018 წელს და 2019 წლის მარტში მუხლზე ორი ოპერაცია გაიკეთა: „ყველაფერი კარგადაა. მონპელიეში გაკეთებული მეორე ოპერაციის შემდეგ, სამედიცინო პერსონალმა შესანიშნავად იმუშავა. რეაბილიტაცია ფრანგულ კლუბში დავიწყე, აღდგენის დასკვნითი ეტაპი კი საქართველოს ნაკრების მედ-პერსონალთან დავასრულე. ახლა თავს კარგად ვგრძნობ და მზად ვარ მსოფლიო თასის დასაწყებად“.</p><p>მსოფლიო თასზე ბორჯღალოსნებს მერაბ შარიქაძე კაპიტნობს, ტრავმის გამო მის არყოფნაში კი, ამ ფუნქციას ნარიაშვილი ითავსებს:</p><p>„კაპიტნად მერაბის არყოფნაში დამასახელეს, რომელმაც მოსამზადებელ მატჩში ტრავმა მიიღო. ვიმედოვნებ, რომ ის ძალიან მალე დაბრუნდება და საკუთარ ადგილს დაიკავებს. ამაყი ვარ საქართველოს ნაკრების კაპიტნობის პატივი რომ მერგო და მოედანზე ჩემი შესაძლებლობების მაქსიმუმს გავიღებ“.</p><p>ის უელსთან მატჩის წინ პროგნოზებისგან თავს იკავებს, თუმცა ამბობს, რომ გუნდი საკუთარი პოტენციალის საუკეთესოდ გამოვლენას ეცდება:</p><p>„შედეგზე საუბრისგან თავს შევიკავებ. ვეცდებით, რომ ქართული რაგბი საუკეთესოდ წარმოვაჩინოთ და გავაკეთებთ მაქსიმუმს, რათა იმ დონეზე ვითამაშოთ, როგორიც მსოფლიო თასს შეესაბამება. ასეთ შემთხვევაში ყველაფერი შეიძლება მოხდეს“.</p></p></p><p><p><p><img src="pictures/artimages/original/62d2b362075333b50a1ec0e5ae5343ff.jpg" border="0" alt="Sportall.Ge" title="მილტონ ჰეიგი: უელსის დამარცხება? - რატომაც არა?!" /></p></p></p><p><p><p><strong>ლევან ჩილაჩავას 50-ე კეპი!</strong></p><p>2019 წლის მსოფლიო თასის პირველ მატჩში 50-ე კეპს მოიხვეჭს ბურჯი ლევან ჩილაჩავა, რომელიც შეხვედრას მარქაფიდან იწყებს:</p><p>„საქართველოს ნაკრების კვართით თამაში ყოველთვის დიდი პატივი და სიამოვნებაა და ორშაბათს 50-ე ასეთი სიამოვნება მელოდება. ძალიან ბედნიერი ვარ და ვიმედოვნებ, რომ მთელი გუნდი კარგ თამაშს აჩვენებს“.</p></p></p><p><p><p><img src="pictures/artimages/original/129acd6c22bc146d9de12b6f08896612.jpg" border="0" alt="Sportall.Ge" title="მილტონ ჰეიგი: უელსის დამარცხება? - რატომაც არა?!" /></p></p></p><p><p><p><strong>100%-ით მზად ვარ</strong></p><p>გასული წლის მიწურულს ტრავმა მიიღო უკანახაზელმა თამაზ მჭედლიძემაც, რომელიც ბორჯღალოსანთა სასტარტო შემადგენლობაში შარშანდელი ნოემბრის ტესტების შემდეგ პირველად ითამაშებს:</p><p>„ბარძაყი კარგ მდგომარეობაში მაქვს. საფრანგეთში კარგი რეაბილიტაცია გავიარე და ნაკრებში გამოცხადების შემდეგ, სამედიცინო პერსონალმა განსაკუთრებული ყურადღება დამითმო, ვასრულებდი სპეციალურ ვარჯიშებს. მათ დაადგინეს, რომ დაზიანება 100%-ით აღდგა და მეც თავს ძალიან კარგად ვგრძნობ“.</p></p> <p><p><strong></p><p></strong></p></p> <p><p><strong>მომზადებულია rugby.ge-ს მიხედვით</strong></p></p> <p><p><strong></p><p></strong></p></p> <p><p><strong> </strong> <p><p></p></p><br></p>
-
Geo_Dinamo
რა გჭირთ, რა კომეტარებს წერთ? კითხეს და რა უნდა ეთქვა თქვენი აზრით, არ შეიძლება უელსელების დამარცხებაო? იმედია მედგრად დაუდგებით. წარმატება საქართველოს!
-
....
ბაქი ბუქი და რეალობას მოკლებული დაპირებები???-ჯერ შოტლანდიასთან 2 წლის წინ და ახლა უელსთან.
-
Vova
მელიტონი ბოლომდე გაქართველდა?!
-
Buxrika
ჰო მილტონ პრემიალურ ქულასაც ავიღებთ.გადაგვირბენეენ
-
Daviti
წარმატებები ჩვენს საამაყო ნაკრებს და მთელ საქართველოს!!!!!! მოგებები ძალიან გვჭირდება, ვიწყებთ რაგბით. გაუმარჯოს საქართველოს!!!!
-
R1valdo
ეე შენ ბაქიბუქის მეტი არაფერი შეგიძლია რაის უელსს დაამარცხებ
-
misa
რა უნდა უთხრას გვეშინია უელსთანო.მე არ ვარ რეგბის ბალეშიკი,უყურებ ჩვენ ჯიგრებს და ჩემი აზრით სწორადაც გასცა პასუხი!საერთოდ ყველაფერში ვართ მოუთბენლები.დარწმუნებული ვარ ამ წვრთნელის შრომა ისე არ ჩაივლის ახალგაზრდები მოდიან და ბევრი კარგიც დათესა და ასწავლა.
-
+
დიდი მადლობა გადავუხადოთ ამ კაცს და...ალბათ გახსოვთ 2011 წლის მსოფლიო თასისის თამაშებისას,მილტონ ჰეიგზე ახალი ზელანდიელების მიერ ნათქვამი,რომ ეს კაცი ხომ ზუსტად თქვენი დონის ნაკრებისთვის არის ბევრის მომცემიო.მართლც რომ ბევრი რამ ვისწავლეთ მისგან რაგბის თამაშში,მაგრამ ჩემის აზრით,რასაც მივაღწიეთ-ეს უფრო მეტად ჩვენი დამსახურებაა,რომ შეგვიძლია ძალიან სწრაფი განვითარება და წინსვლა.გავიხსენოდ ფრანგი კლოდ სორელი და საქართველოს ნაკრების პირველი წარმატებები,მისი რუსეთის ნაკრებში გადასვლა და საერთოდ ვერაფრის მიღწევა!
-
გაგა
ისე ფედერაციას რა გაუხდა ერთი ფრანგი სპეციალისტის მოწვევა ლეგიონერების 99% საფრანგეთში თამაშობს! გუნდს ეტყობა ვერ თამაშობს იმ სტილს რასაც მილტონ ჰეიგი სთავაზობს :)
-
I
წარმატებები ჩვენს ნაკრებს! ვიცი რომ ცდას არ დააკლებენ და იმედია შედეგი ისეთი იქნება რომ შეგვეძლება ვიამაყოთ.
-
ტარიელი
ეჰ მილტონ ილაპარაკე რა გენაღვლება შოტლანდიაზეც ეგრე ლაყბობდი და ცოტა დაგვაკლდა მოგებამდე!!!! :| შენი შეფასებებიდან ჩანს რაგბის როგორი “მცოდნე” ხარ !!!!! :|
-
........
კი მილტონ შოტლანდიას ხომ მოუგეთ და ეხლა უელსის ჯერია :)))))
-
გიორგი
ბრძოლა ყველასთან შესაძლებელია მაგრამ არა რეალურ მოლოდინს ნუ ქმნი მილტონ დალაგებული თამაში ათამაშე ნაკრებს!!!!! :|
-
Best
უელს კი მილტონ როგორ არა !!!!! :)))
-
არტაგი
წინასწარი ლაპარაკი უაზრო ტრაბახს ემსგავსება!... ჯერ მოუგე და მაშინ გამოჩნდება!!...
-
Status quo
მელიტონა, გადი ერთი, თუ კაცი ხარ. რას გვაბოლებ.
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
"ბორჯღალოსნები" | ტრავმირებული მოთამაშეების შესახებ
"ბორჯღალოსნები" | ირლანდიასა და სამხრეთ აფრიკისთვის მზადება დაიწყო
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ლეგიონერები: ნარიაშვილის 150 და ორი ლელო პრო დე2-ში
რაგბი ევროპა | პირველი თბილისური ფინალისთვის მზადება დაიწყო
"შავი ლომი" - მიხეილ ნარიაშვილი თამაშს უბრუნდება
მილტონ ჰეიგი: ჩვენს ქვეყანას სიამაყის საბაბი მივეცით
რაგბის ლეგიონი: თამაზ მჭედლიძემ ლამაზი ლელოთი დაიწყო [VIDEO]
მილტონ ჰეიგი: ავსტრალიური მედიის დამოკიდებულება აგდებული და უპატივცემულო იყო
CNN ქართულ რაგბიზე და შერკინების ახალ მწვრთნელზე - "საქართველო ჩემთვის ზედგამოჭრილია"
პრო დე2: სათამაშო პრაქტიკა "შემოდგომის ერთა თასამდე
ლეგიონერები: ვინ როგორ ხვდება ახალ წელს
მჭედლიძის ლელო და ქუბრიაშვილის დაბრუნება
გრეემ როუნთრი: ქართველი მორაგბეები ძლიერები არიან - ზოგადად, ქართველები ძლიერი ერია
თამაზ მჭედლიძე: საქართველოს ჰიმნზე დადგომა მომენატრა
"ბორჯღალოსნები" | ექვსი ერის 24-გზის გამარჯვებული თბილისში! - ირლანდიასთან 5 ივლისს "მიხეილ მესხზე"
აფრასიძე და ნარიაშვილი საფრანგეთის ჩემპიონები არიან!
ასეთი რამ პირველად საქართველოში ვნახე - გრეემ როუნთრი "ბორჯღალოსნებზე" საუბრობს
სარაგბო კლუბის ვარსკვლავი ტრაგიკულად დაიღუპა
მიხეილ ნარიაშვილი: ერთი წლის შემდეგ დაბრუნებას ვგეგმავ
lerugbynistere: თამაზ მჭედლიძე "რუონში" ითამაშებს; ალბათ, სოსო მათიაშვილიც
რაგბი ევროპა | რუმინეთთან ფინალისთვის
ლეგიონერები - ტური ნაახალწლევს
ლევან ჩილაჩავა: ეს ქალაქი რაგბით ცხოვრობს
"ბორჯღალოსნებმა" რუმინეთი დიდი ანგარიშით დაამარცხეს და რაგბი ევროპის ჩემპიონატის ფინალში ითამაშებენ! [VIDEO]
რაგბი ევროპა | ქოქრილმა ფინალისთვის 23 შეარჩია
რა უნდა ვისწავლოთ მსოფლიო თასიდან - World Rugby "ბორჯღალოსნებზე" სტატიას აქვეყნებს
მეჩვიდმეტე ტიტული - საქართველოს ნაკრებმა ფინალში ესპანეთს სძლია [VIDEO]
"როგორც ჩანს, რაღაც მომენტში ჰეიგი საკუთარი წარმატების ტყვე გახდა და მოსალოდნელი მარცხის შიშით პრაგმატული თამაში დაგეგმა"
ლეგიონერები - ჩილაჩავა ლელოთი დაბრუნდა, პაპიძემ მესამე გაიტანა
ევროთასები: ჩილაჩავას დაბრუნება და აბჟანდაძის 11 ქულა
WORLDRUGBY-ს ინტერვიუ გრეემ როუნთრისთან: ქართველები შეუდარებლად ძლიერნი და ამავდროულად ტექნიკურად ძალიან მაგრები არიან
მიხეილ ნარიაშვილი: იმედი მაქვს, მალე შევძლებ გუნდთად ერთად თამაშს
ლეგიონერები - ჩილაჩავას ლელო და აბჟანდაძის 17 ქულა
ხაბი ალონსოს პატიმრობა ელის - 10 ოქტომბრის დაიჯესტი
"All Blacks"-ის ვარსკვლავი მილტონ ჰეიგთან ითამაშებს