TOP.GE
კალათბურთიNBA
NBA. რეგულარული: "გოლდენ სტეიტმა", როგორც იქნა, მოიგო, გოგა ბითაძე არ ათამაშეს [VIDEO]
06:50/29-10-2019
+-

29 ოქტომბერს NBA-ს რეგულარული ჩემპიონატის მორიგი მატჩები გაიმართა.

გოგა ბითაძის "ინდიანა პეისერსი" სტუმრად "დეტროიტ პისტონსთან" ანგარიშით 94:96 დამარცხდა. სამწუხაროდ, ქართველ ცენტრს არ უთამაშია, თუმცა განაცხადში იყო.

შეხვედრაში ყველაზე მეტი, 21 ქულა დომანტას საბონისმა ჩააგდო, რასაც 14 მოხსნა მიაყოლა. უორენმა 19 ქულას მოუყარა თავი, ხოლო მაილს ტერნერმა 16 ქულა ჩააგდო.

"დეტროიტიდან" კრისტიან ვუდმა 19 ქულა და 12 მოხსნა მოაგროვა, ხოლო ანდრე დრამონდმა 18 ქულას 18 მოხსნა დაუმატა.

ეს "ინდიანას" ზედიზედ მესამე მარცხია რეგულარულში. რაც NBA დაიწყო, გოგა ბითაძის გუნდს ჯერ არ მოუგია.

VideoSportall.Ge

29.10.19. დეტროიტი - ინდიანა 96:94

"ჰიუსტონ როკეტსმა" შინ "ოკლაჰომა თანდერი" 116:112 დაამარცხა. "როკეტსს" ჯეიმს ჰარდენმა ულიდერა, რომელმაც 40 ქულა ჩააგდო.

რასელ უესტბრუკს კი ყოფილი გუნდის წინააღმდეგ სამმაგ დუბლამდე ერთი პასი დააკლდა. უესტბრუკმა 21 ქულა, 12 მოხსნა და 9 პასი მიითვალა.

დენის შროდერმა და შაი გილგეოს-ალექსანდრმა 22-22 ქულა ჩააგდეს.

როგორც იქნა, პირველი მატჩი მოიგო "გოლდენ სტეიტმა", რომელმაც სტუმრად "ნიუ ორლეანი" ანგარიშით 134:123 დაამარცხა.

შეხვედრაში ყველაზე მეტი, 27 ქულა ბრენდონ ინგრემმა ჩააგდო, რომელსაც 10 მოხსნაც დაუმატა.

ამჯერად "უორიორსი" გუნდურად კარგად გაისარჯა. სტეფ კარიმ 26 ქულა და 11 პასი მოაგროვა, დეანდრე რასელმა 24 ქულა ჩააგდო, დემიონ ლიმ 23 ქულას 11 მოხსნა დაუმატა, ხოლო დრეიმონდ გრინმა სულაც სამმაგი დუბლი გაიფორმა, მან 16 ქულა, 17 მოხსნა და 10 პასი ჩაიწერა აქტივში.

VideoSportall.Ge

29.10.19. ნიუ ორლეანი - გოლდენ სტეიტი 123:134

"კლიპერსმა" შინ "შარლოტ ჰორნეტს" 111:96 სძლია. კავაი ლეონარდმა გუნდს 30 ქულა შესძინა. ეს "კლიპერსის" მესამე მოგებაა 4 ჩატარებულ მატჩში.

დღის სხვა მატჩები ასე დასრულდა:

ნიუ იორკი-ჩიკაგო 105:98

ატლანტა-ფილადელფია 103:105

ტორონტო-ორლანდო 104:95

მილუოკი-კლივლენდი 129:112

სან ანტონიო-პორტლენდი 113:110

ფინიქსი-იუტა 95:96

საკრამენტო-ნაგეტსი 94:101


(0)
/
Dislike(0)
კომენტარები
2
რეალისტი
(1)
/
Dislike(0)
ყველა ნორმალური კალათბურთელისთვის ნბა არის ოცნების უმღლესი მწვერვალი ხოლო ხელფასები ბევრჯერ მეტი ვიდრე ევროპაში.უკან დაბრუნებას ყოველთვის მოასწრებს.ატეხეს პესიმისტებმა ვაივაი.
10:27:31 AM 10/29/2019
გამოხმაურება(0)
nodo
(1)
/
Dislike(16)
სეზონზე ათ თამაშს თუ მოუყარა თავი მაგარი მიღწევა იქნება დარჩენილიყო ევროპაში ბევრად აჯობებდა
7:12:27 AM 10/29/2019
გამოხმაურება(2)
სოსო
Dislike(1)
/
Dislike(0)
გოგა პერსპექტივაზე აიყვანეს,თუმცა არც ახლა იქნება ბალასტი.ჩამოყალიბებული თორნიკე შენგელია წაიყვანეს,მაგრამ შეგუებისათვის მას დრო აღარ ჰქონდა,გოგას კი მისცემენ.
10:26:59 AM 10/29/2019
aburjga
Dislike(1)
/
Dislike(6)
მართალი ხარ, ევროპაში დააფასებდნენ, თავსაც გამოიჩენდა, ვარსკვლავობას შეეთამაშებოდა და საკმარის ფულსაც იშოვნიდა! როცა გადადიოდა და განსაკუთრებით ვიზის პრობლემები რომ შეექმნა, აქ დავწერე ამის შესახებ რამდენჯერმე და იმდენი დისლაიქი მივიღე, გამიკვირდა კიდეც! ნუთუ კეთილი სურვილები და სიმართლე ასე მიუღებელია?! თანაც ნაგავია ეს ინდიანა პეისერზი!
7:24:14 AM 10/29/2019
სიახლეები
პრემიერ ლიგა
გუნდი
სტატისტიკა
პრემიერ ლიგა
ბომბარდირებიგოლები | ასისტები
სატრანსფერო სიახლეები
Ad c2